ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಪ್ರತಿದಿನ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದೆ. ಹೀಗಾಗಿ ಸರ್ಕಾರ ಮತ್ತೆ ಲಾಕ್ಡೌನ್ನಂತಹ ಕಠಿಣ ಕ್ರಮ ಕೈಗೊಂಡಿದೆ. ಆದರೂ ಆನ್ಲೈನ್ ಡೆಲಿವರಿ ಬಾಯ್ಸ್ಗೆ ಕೊರೊನಾ ಲಾಕ್ಡೌನ್ ವೇಳೆ ಓಡಾಟಕ್ಕೆ ವಿನಾಯಿತಿ ನೀಡಲಾಗಿದೆ.
ಈಗ ರಾತ್ರಿ 8 ಗಂಟೆಯ ಮುಂಚೆ ಆನ್ ಲೈನ್ ಬುಕ್ ಮಾಡಿದ ಗ್ರಾಹಕರ ಮನೆಗೆ ಫುಡ್ ಡೆಲಿವರಿ ಮಾಡುವ ಕೆಲಸವನ್ನು ಮುಕ್ತಾಯ ಮಾಡಬೇಕೆಂದು ಆದೇಶ ಹೊರಡಿಸಲಾಗಿದೆ. ಈ ವೇಳೆ 'ಈಟಿವಿ ಭಾರತ' ಡೆಲಿವರಿ ಬಾಯ್ಸ್ ಅನ್ನು ಮಾತನಾಡಿಸಿದಾಗ ಅವರು ತಮ್ಮ ಅಳಲನ್ನು ತೋಡಿಕೊಂಡಿದ್ದಾರೆ.
ಬಹುಪಾಲು ರಸ್ತೆಗಳನ್ನು ಬ್ಯಾರಿಕೇಡ್ ಹಾಕಿ ಮುಚ್ಚಿರುವ ಕಾರಣದಿಂದ ಬೇರೆ ಬೇರೆ ರಸ್ತೆಗಳ ಮೂಲಕ ಮನೆಗಳಿಗೆ ಫುಡ್ ಡೆಲಿವರಿ ಮಾಡಬೇಕಾದ ಅನಿವಾರ್ಯತೆ ಡೆಲಿವರಿ ಬಾಯ್ಗಳಿಗೆ ಎದುರಾಗಿದೆ.
ಡೆಲಿವರಿ ಬಾಯ್ಗಳಿಗೆ ಓಡಾಡಲು ಪಾಸ್ ನೀಡದ ಕಾರಣ ಫುಡ್ ಡೆಲಿವರಿ ಕಂಪನಿಯ ಉಡುಪು ಅಥವಾ ಬ್ಯಾಗ್ಗಳ ಮೂಲಕ ಸಂಚರಿಸಬೇಕಿದೆ. ಮೊದಲಿನಷ್ಟು ಫುಡ್ ಆರ್ಡರ್ ಬರದ ಕಾರಣ ಕೆಲಸವೂ ಅಷ್ಟೇನೂ ಇಲ್ಲವೆಂದು ಡೆಲಿವರಿ ಬಾಯ್ಸ್ ಅಲವತ್ತುಕೊಂಡಿದ್ದಾರೆ.
ಸಾಮಾನ್ಯವಾಗಿ ಫುಡ್ ಡೆಲಿವರಿ ಹೆಚ್ಚಾಗಿ ರಾತ್ರಿ 8 ರಿಂದಲೇ ಆರಂಭವಾಗುತ್ತದೆ. ಆದ್ರೆ ಸರ್ಕಾರದ ನಿಯಮದ ಪ್ರಕಾರ 8 ಗಂಟೆಯ ಮೇಲೆ ಯಾವುದೇ ಆರ್ಡರ್ ಮಾಡುವಂತಿಲ್ಲ. ಇದರಿಂದ ಕೆಲಸವೂ ಇಲ್ಲದೇ ಆದಾಯವೂ ಬರುತ್ತಿಲ್ಲ. ನಾವು ಬೆಂಗಳೂರನ್ನೇ ನಂಬಿಕೊಂಡಿದ್ದು ಬಂದಿದ್ದು, ದಯವಿಟ್ಟು ರಾತ್ರಿಯೂ ಫುಡ್ ಡೆಲಿವರಿಗೆ ಅವಕಾಶ ಮಾಡಿಕೊಡಿ ಎಂದು ಡೆಲಿವರಿ ಬಾಯ್ಸ್ ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.
