ಆನೇಕಲ್: ಇತ್ತೀಚೆಗೆ ಆನೇಕಲ್ ಸುತ್ತಮುತ್ತ ಕರಡಿ, ಚಿರತೆ ಮತ್ತು ಆನೆಗಳು ಪ್ರತ್ಯಕ್ಷವಾಗುತ್ತಿವೆ. ಇತ್ತೀಚೆಗೆ ಹಾಡಹಗಲೇ ಚಿರತೆಯೊಂದು ಕಾಣಿಸಿಕೊಂಡಿರುವುದರಿಂದ ಜನರಲ್ಲಿ ಆತಂಕ ಸೃಷ್ಟಿಸಿದೆ.
ಆನೇಕಲ್ನಲ್ಲಿ ಚಿರತೆ ಪ್ರತ್ಯಕ್ಷ
ಎಲೆಕ್ಟ್ರಾನಿಕ್ ಸಿಟಿಗೆ ಹೊಂದಿಕೊಂಡಿರುವ ಶಿಕಾರಿಪಾಳ್ಯದ ಅಪಾರ್ಟ್ಮೆಂಟ್ ಪಕ್ಕದ ಬಯಲಿನಲ್ಲಿ ಚಿರತೆ ಕಾಣಿಸಿದೆ. ಅಪಾರ್ಟಮೆಂಟ್ ಮೇಲೆ ಕೆಲಸ ಮಾಡುತ್ತಿದ್ದ ಕಾರ್ಮಿಕನ ಮೊಬೈಲ್ನಲ್ಲಿ ಸೆರೆಯಾದ ಚಿರತೆಯ ದೃಶ್ಯ ವೈರಲ್ ಆಗಿದೆ. ಹುಲಿಮಂಗಲ ಗ್ರಾಮ ಪಂಚಾಯ್ತಿ ಅಧ್ಯಕ್ಷರ ಮನೆಯೂ ಹತ್ತಿರದಲ್ಲೇ ಇದೆ.
ಎತ್ತರದ ಅಪಾರ್ಟಮೆಂಟ್ ಮೇಲಿಂದ ಕ್ಯಾಮೆರಾ ಜೂಮ್ ಮಾಡಿದಾಗ ಚಿರತೆ ಚಿಕ್ಕದಾಗಿ ಗೋಚರಿಸುತ್ತದೆ. ಇದು ಚಿರತೆಯಲ್ಲ, ಕಾಡು ಬೆಕ್ಕು ಎಂದು ಕೆಲವರು ಹೇಳುತ್ತಿದ್ದಾರೆ. ಕೆಆರ್ ಪುರಂ ಅರಣ್ಯಾಧಿಕಾರಿಗಳ ವ್ಯಾಪ್ತಿಗೆ ಬರುವ ಶಿಕಾರಿಪಾಳ್ಯದ ಈ ಘಟನೆ ಇನ್ನೂ ಅರಣ್ಯಾಧಿಕಾರಿಗಳ ಗಮನಕ್ಕೆ ಬಂದಿಲ್ಲ ಎಂದು ಮೂಲಗಳು ತಿಳಿಸಿವೆ.
