ಬೆಂಗಳೂರು : ಸ್ಯಾಂಡಲ್ವುಡ್ ಡ್ರಗ್ಸ್‌ ಪ್ರಕರಣ ಸಂಬಂಧ ಇಂದ್ರಜಿತ್ ಲಂಕೇಶ್ರ ವಿಚಾರಣೆ ಬಳಿಕ ಸಿಸಿಬಿ ಜಂಟಿ ಆಯುಕ್ತ ಸಂದೀಪ್ ಪಾಟೀಲ್ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದಾರೆ.
ಪ್ರಕರಣ ಸಂಬಂಧ ಇಂದ್ರಜಿತ್ ಲಂಕೇಶ್ಗೆ ನೋಟಿಸ್ ನೀಡಿದ್ದೆವು. ಹೀಗಾಗಿ ಇಂದು ಸಿಸಿಬಿ ಕಚೇರಿಗೆ ಇಂದ್ರಜಿತ್ ಬಂದು, ಡ್ರಗ್ಸ್‌ ಮಾಫಿಯಾ ಬಗ್ಗೆ ಹೆಚ್ಚಿನ ಮಾಹಿತಿ ನೀಡಿದ್ದಾರೆ. ಸದ್ಯ ಅವರ ಹೇಳಿಕೆ ಮೇಲೆ ನಾವು ತನಿಖೆ ನಡೆಸುತ್ತೇವೆ.
ಈಗ ಇಂದ್ರಜಿತ್ ಹೇಳಿರುವ ಬಗ್ಗೆ ಏನೂ ಹೇಳಲು ಆಗಲ್ಲ. ಹಾಗೆಯೇ ಇಂದ್ರಜಿತ್ಗೆ ಮತ್ತೆ ನೋಟಿಸ್ ನೀಡಲ್ಲ. ನಮಗೆ ಬೇಕಾದ ಪೂರಕ ಮಾಹಿತಿ ಸಿಕ್ಕಿದೆ, ತನಿಖೆ ಕೈಗೊಳ್ಳುತ್ತೇವೆ ಎಂದು ಸಂದೀಪ್ ಪಾಟೀಲ್ ತಿಳಿಸಿದ್ದಾರೆ.
ಸಿಸಿಬಿ ಜಂಟಿ ಆಯುಕ್ತ ಸಂದೀಪ್ ಪಾಟೀಲ್ ಪ್ರತಿಕ್ರಿಯೆ
ತಮ್ಮ ಬಳಿ ಇದ್ದ ಮಾಹಿತಿ ಹಂಚಿಕೊಂಡ ಇಂದ್ರಜಿತ್ ಲಂಕೇಶ್ ನಡೆ ಶ್ಲಾಘನೀಯ. ಇದೇ ರೀತಿ ಇತರರೂ ಮಾದಕ ಜಾಲದ ಮಾಹಿತಿ ಇದ್ದಲ್ಲಿ ಸಿಸಿಬಿ ಮುಂದೆ ಹಂಚಿಕೊಳ್ಳಿ. ಮಾದಕ ಜಾಲದ ವಿರುದ್ಧದ ಹೋರಾಟದಲ್ಲಿ ಪೊಲೀಸರೊಂದಿಗೆ ಕೈ ಜೋಡಿಸಿ ಎಂದು ಸಂದೀಪ್ ಪಾಟೀಲ್ ಮನವಿ ಮಾಡಿದ್ದಾರೆ.
