ಮತದಾನದ ಹಕ್ಕು ಚಲಾಯಿಸಿದ ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ದೊಡ್ಡ ಗಣೇಶ್​

ಮಿನಿ ಸಮರದ ಮತದಾನವು ಮಧ್ಯಾಹ್ನದ ಬಳಿಕ ಚುರುಕುಗೊಂಡಿದ್ದು, ಜನರು ಮತಗಟ್ಟೆಗಳತ್ತ ಬರುತ್ತಿದ್ದಾರೆ. ಇಂಡಿಯನ್​ ಟೀಮ್​ ಮಾಜಿ ಕ್ರಿಕೆಟಿಗ ದೊಡ್ಡ ಗಣೇಶ್ ತಮ್ಮ ಪತ್ನಿಯೊಂದಿಗೆ ಆರ್.ಆರ್. ನಗರದ ಮತಗಟ್ಟೆಗೆ ಬಂದು ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ಬೆಂಗಳೂರು: ಆರ್.ಆರ್. ನಗರ ವಿಧಾನಸಭಾ ಕ್ಷೇತ್ರದ ಮತದಾನ ಮಧ್ಯಾಹ್ನದ ನಂತರ ಚುರುಕುಗೊಂಡಿದ್ದು, ಮಧ್ಯಾಹ್ನದ ಬಳಿಕ ಮತದಾರರು ದೊಡ್ಡ ಸಂಖ್ಯೆಯಲ್ಲಿ ಬಂದು ತಮ್ಮ ಹಕ್ಕು ಚಲಾಯಿಸಿದ್ದಾರೆ.

ವಾರ್ಡ್ ಸಂಖ್ಯೆ 38 ಹೆಚ್​ಎಂಟಿ ವಾರ್ಡಿನ ಪೀಣ್ಯ ಮೊದಲ ಹಂತದ ಶ್ರೀ ವಿದ್ಯಾ ಕೇಂದ್ರದ ಬೂತ್ ನಂ-46ರಲ್ಲಿ ಟೀಮ್ ಇಂಡಿಯಾದ ಮಾಜಿ ಬೌಲರ್ ದೊಡ್ಡ ಗಣೇಶ್ ಮತ ಚಲಾಯಿಸಿದರು. ಪತ್ನಿ ಜೊತೆಯಲ್ಲಿ ಬಂದು ಮತದಾನ ಮಾಡಿದ ಅವರು, ಸಂತೋಷದಿಂದ ಬೆರಳಿನ ಶಾಹಿ ತೋರಿಸಿ ಎಲ್ಲರೂ ಬಂದು ತಮ್ಮ ಹಕ್ಕು ಚಲಯಿಸುವಂತೆ ಕರೆ ನೀಡಿದರು.