ಬೆಂಗಳೂರು: ನಾಯಿ ಬೊಗಳಿದ್ದಕ್ಕೆ ಸಿಟ್ಟಿಗೆದ್ದ ಡಿಲೆವರಿ ಬಾಯ್ ನಾಯಿಯನ್ನ ಹೊಡೆದು ಸಾಯಿಸಿರುವ ಘಟನೆ ಬೆಂಗಳೂರಿನ ಹೆಚ್ಎಸ್ಆರ್ ಲೇಔಟ್ 2ನೇ ಹಂತದ ಕೊಲೀವ್ ಹಡ್ಸನ್ ಬಿಲ್ಡಿಂಗ್ ಬಳಿ ನಡೆದಿದೆ.
ಹೆಚ್ಎಸ್ಆರ್ ಲೇಔಟ್ ಬಳಿಯ ಊಬರ್ ಈಟ್ಸ್ ಕಂಪನಿಯ ಡೆಲಿವರಿ ಬಾಯ್ ತೇಜ ಎಂಬಾತ ಹೆಚ್ಎಸ್ಆರ್ ಲೇಔಟ್ನ ಬಿಲ್ಡಿಂಗ್ ಒಂದಕ್ಕೆ ಆಹಾರ ತಲುಪಿಸಲು ಬಂದಿದ್ದ. ಈ ವೇಳೆ ನಾಯಿಯೊಂದು ಡಿಲೆವರಿ ಬಾಯ್ ತೇಜ ಸಮೀಪ ಹೋಗಿ ಬೊಗಳಿದೆ. ಇದರಿಂದ ವಿಪರೀತವಾಗಿ ಕೋಪಕೊಂಡ ತೇಜ, ಅಲ್ಲೇ ಇದ್ದ ಕಟ್ಟಿಗೆಯಿಂದ ನಾಯಿಗೆ ಹೊಡೆದು ಕೊಂದು ಹಾಕಿದ್ದಾನೆ. ಇದನ್ನ ಕಂಡ ಪ್ರಾಣಿ ಪ್ರಿಯ ಹರೀಶ್ ಹಾಗೂ ಆತನ ಸ್ನೇಹಿತರು, ಬಂಡೇಪಾಳ್ಯ ಠಾಣೆಯಲ್ಲಿ ತೇಜ ವಿರುದ್ಧ ದೂರು ದಾಖಲಿಸಿದ್ದಾರೆ.
ನಾಯಿ ಬೊಗಳಿದ್ದಕ್ಕೆ ಸಿಟ್ಟಿಗೆದ್ದು ನಾಯಿಯನ್ನೆ ಕೊಂದ ಡೆಲಿವರಿ ಬಾಯ್
ಸದ್ಯ, ಐಪಿಸಿ ಸೆಕ್ಷನ್ 428 ಅಡಿ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು, ಆರೋಪಿಗಾಗಿ ಶೋಧಕಾರ್ಯ ಮುಂದುವರೆಸಿದ್ದಾರೆ.
