ಬೆಂಗಳೂರು: ನಗರದ ವರ್ತೂರು ಸಮೀಪದ ಗುಂಜೂರಿನಲ್ಲಿರುವ ಯುನೈಟೆಡ್ ಆಫ್ರೋಡ್ ಪಾರ್ಕ್ನಲ್ಲಿ ಯುನೈಟೆಡ್ ಮೋಟಾರ್ ಸ್ಪೋರ್ಟ್ಸ್ನವರು ಕಾರ್ ರೇಸ್ ಆಯೋಜಿಸಿದ್ದು, ನೋಡುಗರಲ್ಲಿ ರೋಚಕತೆ ಮೂಡಿಸಿತು.
ಈ ಮೊದಲು ಪ್ರತಿ ತಿಂಗಳು ಇಂತಹ ರೇಸ್ಗಳು ನಡೆಯುತ್ತಿದ್ದವು. ಆದರೆ ಕೋವಿಡ್ ಕಾರಣದಿಂದಾಗಿ ಈಗ ವರ್ಷಕ್ಕೆ ಎರಡು ಬಾರಿ ಮಾತ್ರ ನಡೆಯುತ್ತವೆ. ಕಳೆದ ಎರಡು ದಿನಗಳಿಂದ ಇಕೊ ಲೈಫ್ ಟೈಮ್ ಅಟ್ಯಾಕ್ ಆಯೋಜಿಸಲಾಗಿದೆ.
ಇಕೊ ಲೈಫ್ ಟೈಮ್ ಅಟ್ಯಾಕ್ನಲ್ಲಿ 1100cc, 1200cc, 1600cc, 2000cc ಸೇರಿದಂತೆ ಲೇಡಿಸ್ ಡ್ರೈವ್, ಎಸ್ಟೀಮ್, ರ್ಯಾಲಿ ಕ್ಲಾಸ್, ಜಿಪ್ಸಿ ಕ್ಲಾಸ್ನಂತಹ ಸ್ಪರ್ಧೆಗಳೂ ಇವೆ. ಗೆದ್ದರಿಗೆ ಬಹುಮಾನಗಳನ್ನು ನೀಡಿ ಪ್ರೋತ್ಸಾಹಿಸಲಾಗಿದೆ. ಫಾಸ್ಟೆಸ್ಟ್ ರೈಡರ್ ಆಗಿ ಪ್ರಗತಿ ಗೌಡ ಹಾಗೂ ತರುಣ್ ಹೊರಹೊಮ್ಮಿದ್ದಾರೆ.
ಕೆಲವರಲ್ಲಿ ಬೈಕ್, ಕಾರ್ಗಳನ್ನು ವೇಗವಾಗಿ ಚಲಾಯಿಸುವ ಕ್ರೇಜ್ ಇರುತ್ತದೆ. ಆದರೆ ಬೆಂಗಳೂರಿನ ಟ್ರಾಫಿಕ್ನಲ್ಲಿ ಅದು ಸಾಧ್ಯವಾಗೋದಿಲ್ಲ. ಯುನೈಟೆಡ್ ಮೋಟಾರ್ ಸ್ಪೋರ್ಟ್ಸ್ನವರು ಟೈಮ್ ಅಟ್ಯಾಕ್ 2021 ಆಯೋಜಿಸುವ ಮೂಲಕ ಅಂಥವರ ಆಸೆ ಈಡೇರಿಸಿದೆ.
ಇದನ್ನೂ ಓದಿ: ಬೆಂಗಳೂರಿನ ಯುವ ಚಿತ್ರಕಲಾವಿದನ ಅದ್ಭುತ ಪ್ರತಿಭೆಗೆ ಪ್ರಧಾನಿ ಮೋದಿ ಮೆಚ್ಚುಗೆ
