ಬೆಂಗಳೂರು: ಭಾರತಕ್ಕೆ ಬ್ರಿಟನ್ ವೈರಸ್ ಕಾಲಿಟ್ಟಾಗಿದೆ. ಹಳೇ ವೈರಸ್ ಸಂಕಷ್ಟದಿಂದಲ್ಲೇ ಹೊರಬರಲು ಸಮಯ ತೆಗೆದುಕೊಂಡ ಮಂದಿಗೆ ಇದೀಗ ರೂಪಾಂತರದ ಸೋಂಕು ಕಾಟ ಶುರುವಾಗಿದೆ.
ದೇಹದಲ್ಲಿರುವ ರೋಗ ನಿರೋಧಕ ಶಕ್ತಿಯಿಂದ ಈ ರೂಪಾಂತರದ ವೈರಸ್ ತಪ್ಪಿಸಿಕೊಳ್ಳುತ್ತದೆ. ಹಾಗೆಯೇ ವೈರಸ್ ವಿರುದ್ಧ ಕೆಲಸ ಮಾಡಲು ದೇಹದಲ್ಲಿನ ರೋಗ ನಿರೋಧಕ ಶಕ್ತಿ ತುಂಬಾ ದಿನ ತೆಗೆದುಕೊಳ್ಳುತ್ತದೆ. ಅತಿ ವೇಗವಾಗಿ ಹರಡುವ ಕಾರಣದಿಂದ ಈ ವೈರಸ್ ಅನ್ನು ಅತಿ ಹೆಚ್ಚು ಅಪಾಯಕಾರಿ ಎಂದು ಹೇಳಲಾಗುತ್ತದೆ.
ಇದನ್ನೂ ಓದಿ: ಕ್ವಾರಂಟೈನ್ ಕೇಂದ್ರದಿಂದ ತಪ್ಪಿಸಿಕೊಂಡು ಆಂಧ್ರ ಸೇರಿದ ಮಹಿಳೆಯಲ್ಲಿ ರೂಪಾಂತರಿ ಕೊರೊನಾ ವೈರಸ್
ಈ ವಿಚಾರಕ್ಕೆ ಸಂಬಂಧಪಟ್ಟಂತೆಬ ಎಸಿಇ ಸುಹಾಸ್ ಆಸ್ಪತ್ರೆಯಲ್ಲಿ ಕೋವಿಡ್ ವಿಭಾಗದಲ್ಲಿ ಸ್ಪೆಷಲಿಸ್ಟ್ ಆಗಿ ಕೆಲಸ ಮಾಡುತ್ತಿರುವ ಡಾ.ಜಗದೀಶ್ ಹಿರೇಮಠ್ ಮಾತಾನಾಡಿದ್ದು, ರೂಪಾಂತರಿ ವೈರಸ್ ತೊಂದರೆ ಮಾಡುವ ಎಲ್ಲಾ ಲಕ್ಷಣಗಳು ಕಾಣುತ್ತಿದೆ ಎಂದಿದ್ದಾರೆ.
ಹಳೆಯ ವೈರಸ್ಗಿಂತ ಇದು ಬಹುಬೇಗ ಹರಡುತ್ತದೆ. ಕಡಿಮೆ ಜನಸಂಖ್ಯೆ ಇರುವ ಲಂಡನ್ನಲ್ಲಿ ದಿನಕ್ಕೆ 50-60 ಸಾವಿರ ಜನರಿಗೆ ಸೋಂಕು ಕಾಣಿಸಿಕೊಳ್ಳುತ್ತಿದೆ. ಹೀಗಿರುವಾಗ ನಮ್ಮಲ್ಲಿ ಜನಸಾಂದ್ರತೆ ಹೆಚ್ಚಿರುವ ಕಾರಣ ಯಾವ ರೀತಿ ತೊಂದರೆ ಮಾಡಬಹುದು ಎಂಬದನ್ನು ನಾವು ಅರ್ಥ ಮಾಡಿಕೊಳ್ಳಬೇಕು ಜೊತೆಗೆಮುಂಜಾಗ್ರತೆ ವಹಿಸಬೇಕು ಎಂದು ಡಾ. ಜಗದೀಶ್ ಹಿರೇಮಠ್ ಸೂಚನೆ ನೀಡಿದ್ದಾರೆ.
ರೂಪಾಂತರ ವೈರಸ್ ಲಕ್ಷಣಗಳೇನು??
- ಹಸಿವು ಆಗದೇ ಇರುವುದು
- ಮಾನಸಿಕ ಗೊಂದಲ
- ವಾಸನೆ ತಿಳಿಯದೇ ಇರುವುದು
- ತಲೆನೋವು, ಸ್ನಾಯು ನೋವು
- ಚರ್ಮದ ಮೇಲೆ ಗುಳ್ಳೆ ಕಾಣಿಸಿಕೊಳ್ಳುವುದು
ವೈರಸ್ನಿಂದ ಪರಾಗುವುದು ಹೇಗೆ?
- ಹೊರಗೆ ಇರುವಾಗ ಮಾಸ್ಕ್ ಧರಿಸುವುದು
- ಕೈಗಳನ್ನ ಮುಖದ ಬಳಿ ತರದೇ ಇರುವುದು
- ಸಾಮಾಜಿಕ ಅಂತರ ಪಾಲನೆ ಮಾಡುವುದು
- ಹೊರಗೆ ಇದ್ದಾಗ ಸ್ಯಾನಿಟೈಸರ್ ಬಳಸುವುದು
- ಮನೆಗೆ ಬಂದ ಕೂಡಲೇ ಸ್ವಚ್ಚವಾಗುವುದು
