HAL ಸಂಸ್ಥೆ ವತಿಯಿಂದ 160 ಬೆಡ್​ಗಳ ಕೋವಿಡ್​ ಕೇಂದ್ರ ನಿರ್ಮಾಣ

ಹೆಚ್​ಎಎಲ್ ಸಂಸ್ಥೆಯ ಗಾಟ್ಗೆ ಸಮುದಾಯ ಭವನವನ್ನು 160 ಬೆಡ್​ಗಳ ಕೋವಿಡ್ ಚಿಕಿತ್ಸಾ ಕೇಂದ್ರವನ್ನಾಗಿ ಮಾಡಲಾಗಿದೆ. ಇದನ್ನು ರೋಗ ಲಕ್ಷಣವಿಲ್ಲದ ಹಾಗೂ ಲಘು ಲಕ್ಷಣ ಕಾಣಿಸಿಕೊಳ್ಳುವಂತಹ ಸೋಂಕಿತರ ಚಿಕಿತ್ಸೆಗೆ ಬಳಸಿಕೊಳ್ಳಬಹುದು ಎಂದು ಸಂಸ್ಥೆ ತಿಳಿಸಿದೆ.

ಬೆಂಗಳೂರು: ಏರ್ಪೋರ್ಟ್ ರಸ್ತೆಯಲ್ಲಿರುವ ಹೆಚ್​ಎಎಲ್ ಸಂಸ್ಥೆಯ ಗಾಟ್ಗೆ ಸಮುದಾಯ ಭವನವನ್ನು 160 ಬೆಡ್​ಗಳ ಕೋವಿಡ್ ಚಿಕಿತ್ಸಾ ಕೇಂದ್ರವನ್ನಾಗಿ ಮಾಡಲಾಗಿದೆ.

16 ದಿನಗಳಲ್ಲಿ ಈ ಆಸ್ಪತ್ರೆಯನ್ನು ಸ್ಥಾಪಿಸಿ ಸರ್ಕಾರಕ್ಕೆ ಹಸ್ತಾಂತರಿಸಲಾಗಿದೆ. ಒಪ್ಪಂದದ ಪ್ರಕಾರ ಬಿಬಿಎಂಪಿ, ವೈದ್ಯಕೀಯ ಸಿಬ್ಬಂದಿ ಇಲ್ಲಿ ಅಗತ್ಯ ಸೇವೆಗಳನ್ನು ನೋಡಿಕೊಳ್ಳಬೇಕು. ಸ್ಥಳದ ಜವಾಬ್ದಾರಿ ಮಾತ್ರ ಹೆಚ್​ಎಎಲ್ ಸಂಸ್ಥೆಯದ್ದು ಎಂದು ತಿಳಿಸಲಾಗಿದೆ.

ಹೆಚ್​ಎಎಲ್ ಸಂಸ್ಥೆ 26.25 ಕೋಟಿ ರೂಪಾಯಿಯನ್ನು ಪಿಎಂ ಕೋವಿಡ್​ ನಿಧಿಗೆ ದೇಣಿಗೆಯಾಗಿ ನೀಡಿದೆ. ಜೊತೆಗೆ ಹೈದ್ರಾಬಾದ್​ನ ನಾಸಿಕ್ ಸೇರಿದಂತೆ 7 ವಿವಿಧ ನಗರಗಳಲ್ಲಿ 600 ಬೆಡ್​ಗಳ ವ್ಯವಸ್ಥೆಯಿರುವ ಜಾಗಗಳನ್ನು ಸಂಸ್ಥೆಯಿಂದ ಗುರುತಿಸಲಾಗಿದೆ ಎಂದು ತಿಳಿಸಿದೆ.