ಬೆಂಗಳೂರು: ಡಿಜೆ ಹಳ್ಳಿ ಮತ್ತು ಕೆಜಿ ಹಳ್ಳಿ ಗಲಭೆ ಪ್ರಕರಣ ಸಂಬಂಧ ಅಖಂಡ ಶ್ರೀನಿವಾಸಮೂರ್ತಿ ಮನೆ ಮೇಲೆ ದಾಳಿಗೂ ಮುನ್ನ ಸಂಪತ್ ರಾಜ್ ಹಾಗೂ ಈಗಾಗಲೇ ಬಂಧಿತ ಆರೋಪಿಗಳು ಮಾತನಾಡಿರುವ ಕರೆ ವಿವರ ಬಹಿರಂಗವಾಗಿದೆ.
ಗಲಭೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಘಟನೆಯ ದಿನ ಸಂಜೆ 6 ರಿಂದ ಮರುದಿನ ಬೆಳಗ್ಗೆ 2 ರವರೆಗೂ ಆರೋಪಿಗಳಾದ ಸಜ್ಜದ್ ಖಾನ್, ಮುಜಾಹಿದ್ ಪಾಶಾ, ಯಾಸೀನ್ ಜಾಕೀರ್, ವಾಜಿದ್ ಪಾಶಾ, ಅರುಣ್ ಹಾಗೂ ಅರುಣ್ ಜೊತೆ ಫೋನ್ ನಲ್ಲಿ ಸಂಪತ್ ರಾಜ್ ಸಂಪರ್ಕದಲ್ಲಿದ್ದಾರೆ. ಇದೇ ಆರೋಪಿಗಳು ಘಟನಾ ಸ್ಥಳದಲ್ಲಿದ್ದು ಟವರ್ ಲೋಕೇಶನ್ ಮೂಲಕ ಸಾಬೀತಾಗಿದೆ.
ಕಾಲ್ 1 : ಗಲಭೆ ದಿನ ಸಂಜೆ 6.50ಕ್ಕೆ ಮೊದಲ ಕರೆ ಮಾಡಿದ್ದ ಸಂಪತ್ ರಾಜ್. ಕಾರು ಚಾಲಕನ ಜೊತೆ 66 ಸೆಕೆಂಡ್ ಕಾಲ ಸಂಪತ್ ರಾಜ್ ಮಾತು.
ಕಾಲ್ 2 : ಸಂಜೆ 7.8ಕ್ಕೆ ಸಂತೋಷ್ಗೆ ಕರೆ ಮಾಡಿದ್ದ ಅದೇ ಕಾರು ಚಾಲಕ. ಚಾಲಕ ಹಾಗೂ ಸಂತೋಷ್ ಮಧ್ಯೆ 148 ಸೆಕೆಂಡ್ ಮಾತು.
ಕಾಲ್ 3 : ಬಳಿಕ 7.17ಕ್ಕೆ ಮುಜಾಹಿದ್ ಪಾಷಾಗೆ ಸಂತೋಷ್ ಕರೆ. ಮುಜಾಹಿದ್ ಪಾಷಾ ಜತೆ ಸಂತೋಷ್ 53 ಸೆಕೆಂಡ್ ಮಾತು.
ಕಾಲ್ 4 : 7.49ಕ್ಕೆ ಮತ್ತೆ ಚಾಲಕನಿಗೆ ಕರೆ ಮಾಡಿದ್ದ ಸಂಪತ್ ರಾಜ್. ಚಾಲಕನ ಜೊತೆ ಮತ್ತೆ 59 ಸೆಕೆಂಡ್ ಸಂಪತ್ ರಾಜ್ ಮಾತು.
ಕಾಲ್ 5 : 7.53ಕ್ಕೆ ಯಾಸಿನ್ ಜಾಕೀರ್ಗೆ ಶಫಿ ಉಲ್ಲಾ ಕರೆ. ಯಾಸೀನ್ ಜತೆ 47 ಸೆಕೆಂಡ್ ಮಾತಾಡಿದ್ದ ಶಫಿ ಉಲ್ಲಾ.
ಕಾಲ್ 6 : ಬಳಿಕ ವಾಜಿದ್ ಪಾಷಾಗೆ ಕರೆ ಮಾಡಿದ್ದ ಶಫಿ ಉಲ್ಲಾ. ಶಫಿ ಉಲ್ಲಾ, ವಾಜಿದ್ ಪಾಷಾ ಮಧ್ಯೆ 25 ಸೆಕೆಂಡ್ ಮಾತು.
ಕಾಲ್ 7 : ಬಳಿಕ ಶಫಿ ಉಲ್ಲಾಗೆ ಜಾಕೀರ್ ಕರೆ ಮಾಡಿದ್ದ. ಜಾಕೀರ್ ಜತೆ ಮಾತಾಡಿ ವಾಜಿದ್ಗೆ ಶಫಿ ಉಲ್ಲಾ ಕರೆ.
ಕಾಲ್ 8 : ರಾತ್ರಿ 8.10ಕ್ಕೆ ಶಫಿ ಉಲ್ಲಾನಿಂದ ವಾಜಿದ್ಗೆ ಕರೆ. ಇಬ್ಬರೂ ಮಾತಾಡಿದ ಒಂದೇ ನಿಮಿಷದ ಬಳಿಕ ಸಂಪತ್ಗೆ ಕರೆ. 59 ಸೆಕೆಂಡ್ ಸಂಪತ್ ರಾಜ್ ಜೊತೆ ಶಫಿ ಉಲ್ಲಾ ಮಾತು. ಬಳಿಕ ಶಫಿ ಉಲ್ಲಾ, ವಾಜಿದ್, ಜಾಕೀರ್ ಮಧ್ಯೆ ಮತ್ತೆ ಕರೆ.
ಕಾಲ್ 9 : ರಾತ್ರಿ ಎಂಟೂವರೆ ಬಳಿಕ ಜಾಕೀರ್ಗೆ ಮೂರು ಕರೆ. ರಾತ್ರಿ 8.48 ರಿಂದ 9:09 ರ ನಡುವೆ ಮೂರು ಬಾರಿ ಕರೆ ಮಾಡಿ 149 ಸೆಕೆಂಡ್ ಮಾತಾಡಿದ್ದ ಸಂಪತ್.
ಸದ್ಯ ಇಷ್ಟು ಆರೋಪಿಗಳು ಮಾತಾನಾಡಿರುವುದಕ್ಕೆ ಸಾಕ್ಷಿಗಳು ಸಿಕ್ಕಿದ್ದು, ಸಿಸಿಬಿ ಪೊಲೀಸರು ಇದರ ಆಧಾರದ ಮೇರೆಗೆ ಸಂಪತ್ ತನಿಖೆ ಚುರುಕುಗೊಳಿಸಿದ್ದಾರೆ.
