ಪ್ರಾಣ ಬಿಟ್ಟ ಪತ್ತೇದಾರಿ ನಯನಾ: ಬೆಳಗಾವಿ ಪೊಲೀಸರಿಂದ ಅಂತಿಮ ಸೆಲ್ಯೂಟ್ - ಪೊಲೀಸ್ ಶ್ವಾನ

ಬೆಳಗಾವಿ ಜಿಲ್ಲೆ ಸೇರಿದಂತೆ ನಗರ ಪೊಲೀಸ್ ಇಲಾಖೆಯ ವ್ಯಾಪ್ತಿಯಲ್ಲಿ ನಡೆದ ಹಲವಾರು ಪ್ರಕರಣಗಳನ್ನು ಭೇದಿಸಲು ಆರಕ್ಷಕರಿಗೆ ನೆರವಾಗಿದ್ದ ಶ್ವಾನವೊಂದು ಕೊನೆಯುಸಿರೆಳೆದಿದೆ. ಅದರ ಅಂತ್ಯಕ್ರಿಯೆ ಸಕಲ ಸರ್ಕಾರಿ ಗೌರವದೊಂದಿಗೆ ನೆರವೇರಿದೆ.

ಪತ್ತೆದಾರಿ ನಯನಾ

Published : Aug 25, 2019, 10:53 AM IST

ಬೆಳಗಾವಿ: ಜಿಲ್ಲೆ ಸೇರಿದಂತೆ ನಗರ ಪೊಲೀಸ್ ಇಲಾಖೆಯ ವ್ಯಾಪ್ತಿಯಲ್ಲಿನ ಪ್ರಕರಣಗಳನ್ನು ಬೇಧಿಸಲು ಪೊಲೀಸರಿಗೆ ನೆರವಾಗಿದ್ದ ನಯನಾ ಇನ್ನಿಲ್ಲ. ಅಗಲಿದ ಆ ಚಾಣಾಕ್ಷೆ, ಧೀರೆಗೆ ಪೊಲೀಸರು ಸಕಲ ಸರ್ಕಾರಿ ಗೌರವದೊಂದಿಗೆ ಅಂತಿಮ ಸೆಲ್ಯೂಟ್ ಹೊಡೆದರು.

ಸರ್ಕಾರಿ ಗೌರವದೊಂದಿಗೆ ನಯನಾ ಅಂತ್ಯಕ್ರಿಯೆ

ಹೌದು, ಈ ನಯನಾ ಖಡಕ್ ಪೊಲೀಸ್ ಅಧಿಕಾರಿಯಲ್ಲ. ಸಿನಿಮಾ ಶೈಲಿಯಲ್ಲಿ ಹೇಳುವುದಾದರೆ ‘ಅದಕ್ಕೂ ಮೇಲೆ’. ಪೊಲೀಸರಿಗೆ ಕಗ್ಗಂಟಾಗಿದ್ದ ಹಲವು ಪ್ರಕರಣಗಳನ್ನು ಪೊಲೀಸ್ ಶ್ವಾನ ನಯನಾ ತನ್ನ ಬುದ್ಧಿವಂತಿಕೆಯಿಂದ ಭೇದಿಸಿದ್ದಳು. ಪೊಲೀಸ್ ಇಲಾಖೆಯ ಶ್ವಾನದಳದ ಅಚ್ಚುಮೆಚ್ಚಿನವಳಾಗಿದ್ದ ಇವಳು ಶನಿವಾರ ಹೃದಯಾಘಾತದಿಂದ ಎಲ್ಲರನ್ನೂ ಬಿಟ್ಟು ಅಗಲಿದ್ದಾಳೆ.

ಜಿಲ್ಲೆಯಲ್ಲಿ 8 ವರ್ಷಗಳ ಕಾಲ ಪೊಲೀಸರಿಗೆ ಸ್ನೇಹಿಯಾಗಿ ಕೆಲಸ ನಿರ್ವಹಿಸಿದ್ದ ಈ ಶ್ವಾನ, ನಾಲ್ಕು ವರ್ಷ ಬೆಳಗಾವಿ ನಗರ ಪೊಲೀಸ್ ಇಲಾಖೆಯಲ್ಲಿ ಸ್ಫೋಟಕ ವಸ್ತುಗಳನ್ನು ಪತ್ತೆ ಹಚ್ಚುವಲ್ಲಿ ಪ್ರಮುಖ ಪಾತ್ರ ವಹಿಸಿತ್ತು. ಹಿಂದಿನ ನಗರ ಪೊಲೀಸ್ ಆಯುಕ್ತ ಡಾ. ಡಿ. ಸಿ. ರಾಜಪ್ಪ ಅವರ ಅವಧಿಯಲ್ಲಿ ನಯನಾಗೆ ವಯಸ್ಸಾದ ಹಿನ್ನೆಲೆ ನಿವೃತ್ತಿ ಘೋಷಿಸಿದ್ದರು.

ಆದ್ರೆ, ನಯನಾಳನ್ನು ಡಾಗ್ ಸ್ಕ್ವಾಡ್ ಸಿಬ್ಬಂದಿಗೆ ಸಾಕಲು ಪೊಲೀಸ್ ಇಲಾಖೆ ಅನುಮತಿ ನೀಡದೇ, ಪೊಲೀಸ್ ಆಯುಕ್ತರ ನಿವಾಸದಲ್ಲೇ ಸ್ವಂತ ಖರ್ಚಿನಲ್ಲಿ ಸುಂದರವಾದ ಪುಟ್ಟಗೂಡನ್ನು ಕಟ್ಟಿ ಆರೈಸಿದ್ದರು. ಅಷ್ಟೇ ಅಲ್ಲದೆ ಲೋಕೇಶ್ ಕುಮಾರ್ ಸಹ ಅದನ್ನು ಪೊಲೀಸ್ ಇಲಾಖೆಯ ಸಿಬ್ಬಂದಿಯಂತೆ ನೋಡಿಕೊಂಡಿದ್ದರು. ಎಲ್ಲರ ಅಚ್ಚು ಮೆಚ್ಚಿನ ನಯನಾಳ ಸಾವು ಬೆಳಗಾವಿ ಜಿಲ್ಲಾ ಪೊಲೀಸ್ ಇಲಾಖೆಗೆ ತುಂಬಲಾರದ ನೋವುಂಟುಮಾಡಿದೆ. ನಗರ ಪೊಲೀಸ್ ಆಯುಕ್ತ ಬಿ.ಎಸ್.ಲೋಕೇಶ್ ಕುಮಾರ್ ಸರ್ಕಾರಿ ಸಕಲ ಗೌರವದೊಂದಿಗೆ ಅಂತ್ಯಕ್ರಿಯೆ ನೆರವೇರಿಸಿದರು.

ಒಟ್ಟಿನಲ್ಲಿ ಅಪರಾಧ ವಿಭಾಗದ ಪೊಲೀಸ್ ಇಲಾಖೆಗೆ ಹೆಗಲು ಕೊಟ್ಟ ಸಹಕಾರಿಯಾಗಿದ್ದ ಪ್ರೀತಿಯ ನಯನಾ ಸಾವನ್ನಪ್ಪಿರುವುದು ಬೇಸರದ ಸಂಗತಿ.

ಸರ್ಕಾರಿ ಗೌರವದೊಂದಿಗೆ ನಯನಾ ಅಂತ್ಯಕ್ರಿಯೆ

Intro:ಪ್ರಾಣ ಬಿಟ್ಟ ಪತ್ತೆದಾರಿ ನಯನಾ : ಬೆಳಗಾವಿ ಪೊಲೀಸರ ಕಂಬನಿ

ಬೆಳಗಾವಿ : ಜಿಲ್ಲೆ ಸೇರಿದ್ದಂತೆ ನಗರ ಪೊಲೀಸ್ ಇಲಾಖೆಯ ವ್ಯಾಪ್ತಿಯಲ್ಲಿ ನಡೆದ ಹಲವಾರು ಪ್ರಕರಣಗಳನ್ನು ಬೇಧಿಸಲು ಆರಕ್ಷಕರಿಗೆ ನೆರವಾಗಿದ್ದ ಈಕೆ ಕೊನೆಯುಸಿರೆಳೆದಿದ್ದಾಳೆ. ಈಕೆ ಅಂತ್ಯಕ್ರಿಯೆ ಸಕಲ ಸರಕಾರಿ ಗೌರವದೊಂದಿಗೆ ನಡೆದಿದೆ.

ಅಂದಹಾಗೆ ಈ ನಯನಾ ನೀವಂದುಕೊಂಡಂತೆ ಖಡಕ್ ಪೊಲೀಸ್ ಆಫೀಸರ್ ಅಲ್ಲ. ಸಿನಿಮಾ ಶೈಲಿಯಲ್ಲಿ ಹೇಳುವುದಾದರೆ ‘ಅದಕ್ಕೂ ಮೇಲೆ’.ಪೊಲೀಸರಿಗೆ ಕಗ್ಗಂಟಾಗಿದ್ದ ಹಲವಾರು ಪ್ರಕರಣಗಳನ್ನು ಪೊಲೀಸ್ ಶ್ವಾನ ನಯನಾ ತನ್ನ ಬುದ್ದಿವಂತಿಕೆಯಿಂದ ಬೇಧಿಸಿದ್ದಳು. ಪೊಲೀಸ್ ಇಲಾಖೆಯ ಶ್ವಾನದಳದ ಅಚ್ಚುಮೆಚ್ಚಿನ ಶ್ವಾನವಾಗಿದ್ದ ನಯನಾ ಶನಿವಾರ ಎಲ್ಲರನ್ನೂ ಬಿಟ್ಟು ಅಗಲಿದೆ. ಹಲವಾರು ಪ್ರಕರಣಗಳನ್ನು ಬೇಧಿಸಿದ್ದ ನಯನಾನನ್ನು ಕಳೆದುಕೊಂಡ ನಗರ ಪೊಲೀಸ್ ಇಲಾಖೆಯಲ್ಲಿ ಸಿಬ್ಬಂದಿಗಳು ಮೌನಕ್ಕೆ ಜಾರಿದ್ದರು.

ಯಾರಿಗೂ ಪತ್ತೆ ಹಚ್ಚಲಾಗದ ಪ್ರಕರಣಗಳನ್ನು ಬೇಧಿಸುವಲ್ಲಿ ಯಶಸ್ವಿಯಾಗಿದ್ದ ನಯನಾಳ ಸೇವೆ ಈಗ, ಇತಿಹಾಸ ಮಾತ್ರ. ಎಲ್ಲರ ಅಚ್ಚು ಮೆಚ್ಚಿನ ನಯನಾಳ ಸಾವು ಬೆಳಗಾವಿ ಜಿಲ್ಲಾ ಪೊಲೀಸ್ ಇಲಾಖೆಗೆ ತುಂಬಲಾರದ ನಷ್ಟ ಎನ್ನೋದು ಮಾತ್ರ ಸತ್ಯ.

ನಗರ ಪೊಲೀಸ್ ಇಲಾಖೆಯಲ್ಲಿ ನಾಲ್ಕು ವರ್ಷ ಸ್ಪೋಟಕ ವಸ್ತುಗಳನ್ನು ಪತ್ತೆ ಮಾಡುತ್ತಿದ್ದ ನಯನಾ ಎಂಬ ಶ್ವಾನ ಅನಾರೋಗ್ಯದಿಂದ ಮೃತಪಟ್ಟ ಹಿನ್ನೆಲೆಯಲ್ಲಿ ನಗರ ಪೊಲೀಸ್ ಆಯುಕ್ತ ಬಿ.ಎಸ್.ಲೋಕೇಶ ಕುಮಾರ ಸರಕಾರಿ ಸಕಲ ಗೌರವದೊಂದಿಗೆ ಅಂತ್ಯಕ್ರಿಯೆ ನೆರವೆರಿಸಿದರು.
Body:ನಯನಾ ಬೆಳಗಾವಿ ಜಿಲ್ಲೆಯಲ್ಲಿ 8 ವರ್ಷಗಳ ಕಾಲ ಪೊಲೀಸರಿಗೆ ಸ್ನೇಹಿಯಾಗಿ ಕೆಲಸ ನಿರ್ವಹಿಸಿದ್ದ ನಯನಾ ನಾಲ್ಕು ವರ್ಷ ಬೆಳಗಾವಿ ನಗರ ಪೊಲೀಸ್ ಇಲಾಖೆಯಲ್ಲಿ ಸ್ಪೋಟಕ ವಸ್ತುಗಳನ್ನು ಪತ್ತೆ ಹಚ್ಚುವಲ್ಲಿ ಪ್ರಮುಖ ಪಾತ್ರ ವಹಿಸಿತ್ತು. ಹಿಂದಿನ ನಗರ ಪೊಲೀಸ್ ಆಯುಕ್ತ ಡಾ. ಡಿ.ಸಿ.ರಾಜಪ್ಪ ಅವರ ಅವಧಿಯಲ್ಲಿ ನಯನಾನನ್ನು ವಯಸ್ಸಾದ ಹಿನ್ನೆಲಯಲ್ಲಿ ಅದಕ್ಕೆ ನಿವೃತ್ತಿ ಮಾಡಿದ್ದರು.
ಪೊಲೀಸ್ ಇಲಾಖೆಯಲ್ಲಿ ನಯನಾ ಸೇವೆ 9 ವರ್ಷಗಳ ಸೇವೆ ಸಲ್ಲಿಸಿದ ಹಿನ್ನೆಲೆಯಲ್ಲಿ ಅದಕ್ಕೂ ವಿಶ್ರಾಂತಿ ನೀಡಲು ರಾಜಪ್ಪ ಅವರು ನಿವೃತ್ತಿ ಮಾಡಿದ್ದರು. ಅದನ್ನು ಡಾಗ್ ಸ್ಕಾಡ್ ಸಿಬ್ಬಂದಿಗೆ ಸಾಕಲು ಪೊಲೀಸ್ ಇಲಾಖೆ ನೀಡಬಹುದಿತ್ತು. ಆದರೆ ರಾಜಪ್ಪ ಅವರು ಆ ಕೆಲಸ ಮಾಡದೆ ಪೊಲೀಸ್ ಆಯುಕ್ತರ ನಿವಾಸದಲ್ಲೇ ಸ್ವತಃ ಖರ್ಚಿನಲ್ಲಿ ನಯನಾಗೆ ಸುಂದರವಾದ ಪುಟ್ಟ ಗುಡನ್ನು ಕಟ್ಟಿ ಆರೈಸಿದ್ದರು.

ಡಾ. ಡಿ.ಸಿ.ರಾಜಪ್ಪ ಅವರು ಬೆಳಗಾವಿಯಿಂದ ನಿವೃತ್ತಿಯಾಗಿ ಬೆಂಗಳೂರಿಗೆ ವರ್ಗಾವಣೆಯಾದ ಬಳಿಕ ನಗರ ಪೊಲೀಸ್ ಆಯುಕ್ತರಾಗಿ ಬಂದ ಬಿ.ಎಸ್.ಲೋಕೇಶಕುಮಾರ ಅವರಿಗೆ ಅದನ್ನು ಬೇರೆಯವರಿಗೆ ಕೊಡದೆ ಇಲ್ಲೇ ಸಾಕುವಂತೆ ವಿನಂತಿಸಿಕೊಂಡಿದ್ದರು. ಬಳಿಕ ಲೋಕೇಶಕುಮಾರ ಅವರು ಸಹ ಅದನ್ನು ಪೊಲೀಸ್ ಇಲಾಖೆಯ ಸಿಬ್ಬಂದಿಯಂತೆ ನೋಡಿಕೊಂಡಿದ್ದರು. ಆದರೆ ಇಂದು ಹೃದಯಾಘಾತದಿಂದ ನಿಧವಾಗಿದೆ.
Conclusion:ಪೊಲೀಸ್ ಇಲಾಖೆಯಲ್ಲಿ ಸಿಬ್ಬಂದಿಗಳಿಗೆ ಅಪರಾಧ ವಿಭಾಗದಲ್ಲಿ ಹೆಗಲಿಗೆ ಹೆಗಲು ಕೊಟ್ಟ ಪ್ರೀತಿಯ ನಯನಾಗೆ ನಗರ ಪೊಲೀಸ್ ಇಲಾಖೆಯಿಂದ ಆಯುಕ್ತ ಲೋಕೇಶಕುಮಾರ ಸಕಲ ಸರಕಾರಿ ಗೌರವದೊಂದಿಗೆ ಅತ್ಯಂಕ್ರಿಯೆ ನೆರವೆಸಿದ್ದಾರೆ.

ವಿನಾಯಕ ಮಠಪತಿ
ಬೆಳಗಾವಿ

For All Latest Updates