ಚಿಕ್ಕೋಡಿಯಲ್ಲಿ ತಂದೆಯ ಮರಣದಿಂದ ಆಘಾತಗೊಂಡ ಮಗನೂ ಇಹಲೋಕ ತ್ಯಜಿಸಿದ!

ತಂದೆಯ ಮರಣದ ಸುದ್ದಿ ಕೇಳಿ ಮಗನೂ ಸಹ ಸಾವನ್ನಪ್ಪಿರುವ ಘಟನೆ ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ನಾಗನೂರ ಪಿ ಕೆ ಗ್ರಾಮದಲ್ಲಿ ನಡೆದಿದೆ.

ಚಿಕ್ಕೋಡಿ: ತಂದೆಯ ಮರಣದ ಸುದ್ದಿ ಕೇಳಿ ಮಗನೂ ಸಹ ಸಾವನ್ನಪ್ಪಿರುವ ಘಟನೆ ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ನಾಗನೂರ ಪಿ ಕೆ ಗ್ರಾಮದಲ್ಲಿ ನಡೆದಿದೆ.

ಕಳೆದೆರಡು ದಿನಗಳ‌ ಹಿಂದಷ್ಟೇ ಕರಿಮಸಾಬ ಕಾಸಾರ (72) ಮರಣ ಹೊಂದಿದ್ದರು. ತಂದೆಯ ಸಾವು ಮಗನಿಗೆ ತೀವ್ರ ದುಃಖ ಉಂಟು ಮಾಡಿದ್ದು, ಗೌಸ್ ಕಾಸಾರ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾನೆ.

ಕೆಲಸಕ್ಕೆಂದು ಗೌಸ್ ಕಾಸಾರ ತೆರಳಿದ ಸಂದರ್ಭದಲ್ಲಿ ಆತನ ತಂದೆ ಸ್ವಗೃಹದಲ್ಲಿ ಮೃತಪಟ್ಟ ಘಟನೆ ನಡೆದಿತ್ತು. ತಂದೆ ಮರಣಿಸಿದ ಸುದ್ದಿ ಕೇಳಿ ಮಗ ಆಘಾತಕ್ಕೊಳಗಾಗಿ ಸಾವಿಗೀಡಾಗಿದ್ದಾನೆ. ತಂದೆ,ಮಗನ ಸಾವಿನಿಂದ ಕುಟುಂಬ ಆಘಾತಕ್ಕೊಳಗಾಗಿದೆ.

ಈ ಸಾವಿನ ಸುದ್ದಿ ತಿಳಿದು ಸುತ್ತ ಮುತ್ತಲಿನ ಗ್ರಾಮಸ್ಥರು, ಬಂಧು ಬಳಗ, ಹಾಗು ಉಪ ಮುಖ್ಯಮಂತ್ರಿ ಲಕ್ಷ್ಮಣ ಸವದಿಯವರ ಸುಪುತ್ರ ಚಿದಾನಂದ ಸವದಿ, ಕೃಷ್ಣಾ ಸಹಕಾರಿ ಸಕ್ಕರೆ ಕಾರ್ಖಾನೆಯ ಅಧ್ಯಕ್ಷ ಪರಪ್ಪಣ್ಣ ಸವದಿ, ಸಹಕಾರಿ ಧುರೀಣ ಕಾಶೀನಾಥ ಸವದಿ ಸೇರಿದಂತೆ ಹಲವು ಮುಖಂಡರು ಬಂದು ಮೃತರ ಸಂಬಂಧಿಕರಿಗೆ ಸಾಂತ್ವನ ಹೇಳಿದರು.

ಇಸ್ಲಾಂ ಧರ್ಮದ ಪದ್ದತಿಯಂತೆ ಖಬರಸ್ಥಾನದಲ್ಲಿ ತಂದೆ-ಮಗನ ಶವ ಸಂಸ್ಕಾರ ನೆರವೇರಿಸಲಾಗಿದೆ.