ಬೆಂಗಳೂರು: ಸದ್ಯ ಜಗತ್ತಿನೆಲ್ಲೆಡೆ ಹಣ ದುಬ್ಬರ ಹಿನ್ನೆಲೆ ಐಟಿ ಕಂಪನಿಗಳು ತಮ್ಮ ಸಂಸ್ಥೆಗಳಲ್ಲಿ ವಜಾ ಪ್ರಕ್ರಿಯೆ ಮುಂದುವರೆಸಿವೆ. ಇದರಲ್ಲಿ ಟೆಕ್ ದೈತ್ಯ ಗೂಗಲ್ ಹೊರತಲ್ಲ. ಕ್ಯಾಲಿಫೋರ್ನಿಯಾ ಮೂಲದ ಈ ಸಂಸ್ಥೆ ಕಳೆದ ಎರಡು ತಿಂಗಳ ಹಿಂದೆ 12 ಸಾವಿರ ಮಂದಿಗೆ ಪಿಂಕ್ ಸ್ಲಿಪ್ ನೀಡಿ ಅಚ್ಚರಿ ಮೂಡಿಸಿತ್ತು. ಈ ಮೂಲಕ ಸಂಸ್ಥೆಯ ಜಾಗತಿಕ ನೌಕರರಲ್ಲಿ ಶೇ 6ರಷ್ಟನ್ನು ಕಡಿತಗೊಳಿಸಿತು. ಈ ಎಲ್ಲ ಉದ್ಯೋಗ ವಜಾದ ಪರಿಸ್ಥಿತಿಯಲ್ಲೇ ಭಾರತೀಯ ಮೂಲಕ ಗೂಗಲ್ ಸಿಇಒ ಸುಂದರ್ ಪಿಚ್ಛೈ ಕಳೆದ ವರ್ಷದ ವೇತನ ಘೋಷಣೆಯಾಗಿದ್ದು, ಮೊತ್ತ ಕೇಳಿದರೆ ಅಚ್ಚರಿ ಪಡದೇ ಇರಲಾರಿರಿ.
2022ರಲ್ಲಿ ಪಿಚ್ಛೆ 226 ಡಾಲರ್ ಮಿಲಿಯನ್ ವೇತನ ಪಡೆದಿದ್ದಾರೆ. ಅಂದರೆ ಭಾರತೀಯ ರೂಪಾಯಿಯಲ್ಲಿ 1,854 ಕೋಟಿ ರೂ ಆಗುತ್ತದೆ. ಅಮೆರಿಕದ ಸೆಕ್ಯುರಿಟೀಸ್ ಅಂಡ್ ಎಕ್ಸ್ಚೇಂಜ್ ಕಮಿಷನ್ (ಎಸ್ಇಸಿ)ಗೆ ಸಲ್ಲಿಸಿದ ಮಾಹಿತಿ ಅನುಸಾರ ಅವರ ಗಳಿಗೆ ಸುಮಾರು 218 ಮಿಲಿಯನ್ ಮೌಲ್ಯದ ಸ್ಟಾಕ್ ಅವಾರ್ಡ್ ಹೊಂದಿದೆ. ಆದಾಗ್ಯೂ ಕಳೆದ ಮೂರು ವರ್ಷಗಳಿಂದ ಅವರ ವೇತನ ಸ್ಥಿರವಾಗಿದೆ. ಇನ್ನು ಪಿಚ್ಚೈ ಅವರ ಈ ವೇತನ ಸಂಸ್ಥೆಯ ಮಧ್ಯಮ ವರ್ಗದ 800 ಮಂದಿಯ ವೇತನಕ್ಕೆ ಸರಿಸಮವಾಗಿದೆ ಎನ್ನಲಾಗಿದೆ.
ಉದ್ಯೋಗ ಕಡಿತ ಘೋಷಿಸಿದ್ದ ಪಿಚ್ಛೈ: ಹಣ ದುಬ್ಬರದ ಹಿನ್ನೆಲೆಯಲ್ಲಿ ಸಂಸ್ಥೆಯ ಉದ್ಯೋಗಿಗಳ ಕಡಿತ ಅನಿವಾರ್ಯವಾದ ಹಿನ್ನಲೆ ಈ ಕ್ರಮ ಕೈಗೊಂಡಿದ್ದರು. ವ್ಯವಹಾರದ ದೃಷ್ಟಿಯಿಂದ ಇದು ಅನಿವಾರ್ಯವಾಗಿದೆ. ಈ ಹಿನ್ನಲೆ ನಾವು ಸಂಸ್ಥೆಯ 12 ಸಾವಿರ ಉದ್ಯೋಗಿಗಳ ಕಡಿತಕ್ಕೆ ಮುಂದಾಗಿದ್ದೇವೆ. ಈ ಸಂಬಂಧ ಈಗಾಗಲೇ ಅಮೆರಿಕದ ಉದ್ಯೋಗಿಗಳಿ ಇ-ಮೇಲ್ ಕಳಿಸಲಾಗಿದ್ದು, ಉಳಿದ ದೇಶಗಳಿಗೂ ಅಲ್ಲಿನ ಕಾನೂನಿನ ಅನುಸಾರವಾಗಿ ವಜಾ ಪ್ರಕ್ರಿಯೆಗೆ ಮುಂದಾಗಿದ್ದೆವು ಎಂದು ಪಿಚ್ಛೈ 2023ರ ಆರಂಭದಲ್ಲಿ ತಿಳಿಸಿದ್ದರು.
ಇನ್ನು ಈ ವರ್ಷದಲ್ಲಿ ಆದ ಉದ್ಯೋಗ ಕಡಿತದ ವಿರೋಧಿಸಿ ನೂರಾರು ಉದ್ಯೋಗಿಗಳು ಲಂಡನ್ ಕಚೇರಿ ಹೊರಗೆ ಪ್ರತಿಭಟನೆ ನಡೆಸಿದ್ದರು. ಅಲ್ಲದೇ ಮಾರ್ಚ್ನಲ್ಲಿ ಗೂಗಲ್ನ ಜುರುಚ್ ಕಚೇರಿಯಲ್ಲಿ 200ಕ್ಕೂ ಹೆಚ್ಚು ಜನರನ್ನು ವಜಾಗೊಳಿಸಿದ ಬಳಿಕವೂ ಇದೇ ರೀತಿ ಪ್ರತಿಭಟನೆ ವ್ಯಕ್ತವಾಗಿತ್ತು.
ಸುಂದರ್ ಪಿಚ್ಚೈ ವೃತ್ತಿ ಜೀವನ: ಮೂಲತಃ ತಮಿಳುನಾಡಿನವರಾದ ಪಿಚ್ಛೈ 2015ರಲ್ಲಿ ಗೂಗಲ್ ಸಿಇಒ ಆಗಿ ನೇಮಕಗೊಂಡಿದ್ದರು. ಇದರ ಜೊತೆಗೆ 2019ರಲ್ಲಿ ಆಲ್ಫಾಬೆಟ್ ಇಂಕ್ನ ಸಿಇಒ ಕೂಡಾ ಆದರು. ಪಿಚ್ಚೈ ನಾಯಕತ್ವದಲ್ಲಿ ಗೂಗಲ್ ತನ್ನ ಉತ್ಪನ್ನ ಮತ್ತು ಸೇವೆಗಳನ್ನು ಮುಂದುವರೆಸಿದೆ. ಇದರ ಜೊತೆಗೆ ಕೃತಕ ಬುದ್ದಿಮತ್ತೆ ಮತ್ತು ಕ್ಲೌಡ್ ಕಂಪ್ಯೂಟಿಕ್ನಲ್ಲೂ ಗಮನಾರ್ಹ ಹೂಡಿಕೆ ಮಾಡುತ್ತಿದೆ.
ಸುಂದರ್ ಪಿಚ್ಚೈ ನಿವ್ವಳ ಆಸ್ತಿ: ರಾಷ್ಟ್ರೀಯ ಮಾಧ್ಯಮವೊಂದು ನೀಡಿರುವ ಮಾಹಿತಿ ಅನುಸಾರ ಸುಂದರ್ ಪಿಚ್ಚೈ ಅವರ ಒಟ್ಟಾರೆ ನಿವ್ವಳ ಆಸ್ತಿ, 1310 ಮಿಲಿಯನ್ ಡಾಲರ್ ಆಗಿದೆ. ವಿಶ್ವದ ಶಕ್ತಿಶಾಲಿ ಜನರಲ್ಲಿ ಒಬ್ಬರಾಗಿ ಸುಂದರ್ ಪಿಚ್ಛೈ ಅವರನ್ನು ಗುರುತಿಸಲಾಗಿದೆ.
ಇದನ್ನೂ ಓದಿ: ಚಾಟ್ಜಿಪಿಟಿಗಿಂತ ಪ್ರಬಲ AI ತಯಾರಿಸಲಿದೆ ’ಗೂಗಲ್ ಡೀಪ್ ಮೈಂಡ್’
