ಮುಂಬೈ: ಫ್ಯೂಚರ್ಸ್ ಆ್ಯಂಡ್ ಆಪ್ಷನ್ (ಎಫ್ & ಒ) ಒಪ್ಪಂದದ ಜನವರಿ ಸರಣಿಯ ಮುಕ್ತಾಯ, ಲಾಭದ ಬುಕ್ಕಿಂಗ್ ಮತ್ತು ಮುಂದಿನ ವಾರ ಕೇಂದ್ರ ಬಜೆಟ್ ಮಂಡನೆಗೂ ಮುನ್ನ ಈಕ್ವಿಟಿ ಬೆಂಚ್ಮಾರ್ಕ್ ಕೆಂಪು ಬಣ್ಣದಲ್ಲಿ ಕೊನೆಗೊಂಡಿತು.
ಕಳೆದ ಐದು ವಹಿವಾಟಿನಲ್ಲಿ ಭಾರತೀಯ ಷೇರು ಮಾರುಕಟ್ಟೆ ಕುಸಿತ ಕಾಣುತ್ತಿದ್ದು, ಇಂದು ಕೂಡ ತೀವ್ರವಾಗಿ ಕ್ಷೀಣಿಸಿತು. ದುರ್ಬಲ ಜಾಗತಿಕ ಮಾರುಕಟ್ಟೆಗಳ ಮಧ್ಯೆ ಐದು ದಿನಗಳ ಮಾರಾಟದಲ್ಲಿ ಸೆನ್ಸೆಕ್ಸ್ ಇಂದು 588 ಅಂಕ ಕುಸಿದು 46,821 ಅಂಕಗಳಿಗೆ ತಲುಪಿದೆ. ಈ ಅವಧಿಯಲ್ಲಿ ಬಿಎಸ್ಇ ಸುಮಾರು 3,000 ಅಂಕಗಷ್ಟು ಇಳಿಕೆಯಾಗಿದೆ.
ನಿಫ್ಟಿ ಕೂಡ 149.95 ಅಂಕ ಅಥವಾ ಶೇ 1ರಷ್ಟು ಇಳಿದು 13,834ಕ್ಕೆ ತಲುಪಿದೆ. ರಿಯಾಲ್ಟಿ ಮತ್ತು ಸಾರ್ವಜನಿಕ ವಲಯದ ಬ್ಯಾಂಕ್ಗಳ ಷೇರುಗಳು ತೀವ್ರ ಕುಸಿತ ದಾಖಲಿಸಿವೆ. ಎಚ್‌ಯುಎಲ್ ಶೇ 3.6ರಷ್ಟು, ಮಾರುತಿ ಸುಜುಕಿ ಶೇ 3.4ರಷ್ಟು, ಎಚ್‌ಸಿಎಲ್ ಟೆಕ್ ಶೇ 2 ರಷ್ಟು, ಬಜಾಜ್ ಫಿನ್‌ಸರ್ವ್ ಶೇ 2ರಷ್ಟು, ಆಕ್ಸಿಸ್ ಬ್ಯಾಂಕ್ ಶೇ 5.5ರಷ್ಟು, ಎಸ್‌ಬಿಐ ಶೇ 2.7ರಷ್ಟು ಮತ್ತು ಐಸಿಐಸಿಐ ಬ್ಯಾಂಕ್ ಶೇ 1.3ರಷ್ಟು ಟಾಪ್ ಲೂಸರ್ಗಳಾದವು.
ಇದನ್ನೂ ಓದಿ: ಅಂಬರಕ್ಕೇರಿದ ದರಕ್ಕೆ ನೆಲಕಚ್ಚಿತು ಭಾರತೀಯರ ಚಿನ್ನದ ವ್ಯಾಮೋಹ: 11 ವರ್ಷದಲ್ಲೇ ಕನಿಷ್ಠ ಬೇಡಿಕೆ!
