ಮುಂಬೈ: ಜಾಗತಿಕ ಚಿನಿವಾರ ಪೇಟೆಯಲ್ಲಿನ ಅನಿಶ್ಚಿತ ಬೆಳವಣಿಗೆಯಿಂದ ಭಾರತೀಯ ಪೇಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿಯ ದರದಲ್ಲಿ ಏರಿಕೆಯಾಗಿದೆ.
ಎಂಸಿಎಕ್ಸ್ ಫ್ಯೂಚರ್ ಮಾರುಕಟ್ಟೆಯಲ್ಲಿ ಶುಕ್ರವಾರದಂದು ಪ್ರತಿ 10 ಗ್ರಾಂ. ಚಿನ್ನದ ಮೇಲೆ ಶೇ 0.53ರಷ್ಟು ಏರಿಕೆಯಾಗಿದೆ. ಕಳೆದ ನಾಲ್ಕು ವಹಿವಾಟಿನ ದಿನಗಳಲ್ಲಿ ₹ 1,100 ಏರಿದಂತಾಗಿದೆ. ಪ್ರಸ್ತುತ ₹ 39,087ಗೆ ಮಾರಾಟ ಆಗುತ್ತಿದೆ. ಬೆಳ್ಳಿಯ ಧಾರಣೆಯಲ್ಲಿ ಕೂಡ ಶೇ 0.12ರಷ್ಟು ಹೆಚ್ಚಳವಾಗಿ ಪ್ರತಿ ಕೆ.ಜಿ. ₹ 46,879ರಲ್ಲಿ ಖರೀದಿಯಾಗುತ್ತಿದೆ.
ನ್ಯೂಯಾರ್ಕ್ನಲ್ಲಿ ಪ್ರತಿ ಔನ್ಸ್ ಚಿನ್ನದ ಮೇಲೆ ಶೇ 0.2ರಷ್ಟು ಹೆಚ್ಚಳವಾಗಿ 1,518.10 ಡಾಲರ್ನಲ್ಲಿ ಮಾರಾಟ ಆಗುತ್ತಿದೆ. ಕಳೆದ ಆಗಸ್ಟ್ 9ರಿಂದ ಇದುವರೆಗೂ ಶೇ 2.5ರಷ್ಟು ದರ ಏರಿಕೆಯಾಗಿದೆ. ಜಾಗತಿಕ ಪೇಟೆ0ಯಲ್ಲಿ ಪ್ರಸಕ್ತ ವರ್ಷದಲ್ಲಿ ಚಿನ್ನವು ಶೇ 18ರಷ್ಟು ದರ ವೃದ್ಧಿಸಿಕೊಂಡಿದೆ.
