ನವದೆಹಲಿ: ಭಾರತದಲ್ಲಿ ಧರಿಸುವ ಎಲೆಕ್ಟ್ರಾನಿಕ್ ಸಾಧನಗಳ (ವೇರೆಬಲ್ಸ್) ಮಾರುಕಟ್ಟೆಯು 2020ರಲ್ಲಿ 36.4 ದಶಲಕ್ಷ ಯುನಿಟ್ ಸಾಗಣೆಯೊಂದಿಗೆ ವರ್ಷಕ್ಕೆ ಶೇ 144.3 ರಷ್ಟು ಬೆಳವಣಿಗೆ ದಾಖಲಿಸಿದೆ ಎಂದು ಸಂಶೋಧನಾ ಸಂಸ್ಥೆ ಐಡಿಸಿ ತಿಳಿಸಿದೆ.
2020ರಲ್ಲಿ ಧರಿಸಬಹುದಾದ ವಸ್ತುಗಳ ಮೂರು-ಅಂಕಿಯ ಬೆಳವಣಿಗೆ ದಾಖಲಿಸಿದ ಅಗ್ರ 20ರಲ್ಲಿ ಭಾರತವು ಏಕೈಕ ರಾಷ್ಟ್ರವಾಗಿದೆ. ಜಾಗತಿಕವಾಗಿ ಮೂರನೇ ಅತಿದೊಡ್ಡ ವೇರೆಬಲ್ಸ್ ಮಾರುಕಟ್ಟೆಯಾಗಿ ಮುಂದುವರೆದಿದೆ ಎಂದು ಐಡಿಸಿ ಪ್ರಕಟಣೆಯಲ್ಲಿ ಹೇಳಿದೆ.
ಇಯರ್ವೇರ್ ಸಾಧನಗಳು ಮತ್ತು ಮಣಿಕಟ್ಟಿನ ಬ್ಯಾಂಡ್‌ಗಳು ಸೇರಿ ಕೈಗಡಿಯಾರಗಳಿಗೆ ಅಪ್‌ಗ್ರೇಡ್ ತನಕ, ಈ ಎರಡೂ ವಿಭಾಗವು 2020ರಲ್ಲಿ ಅತ್ಯಧಿಕ ವಾರ್ಷಿಕ ಸಾಗಣೆ ದಾಖಲಿಸಿವೆ. 2020ರ ಅಕ್ಟೋಬರ್-ಡಿಸೆಂಬರ್ ಅವಧಿಯು ದೇಶದ ವೇರೆಬಲ್ಸ್ ವಿಭಾಗಕ್ಕೆ ಅತಿದೊಡ್ಡ ತ್ರೈಮಾಸಿಕವಾಗಿದ್ದು, ಮೂರು-ಅಂಕಿಯ ಬೆಳವಣಿಗೆ ಕಾಯ್ದುಕೊಂಡಿದೆ. ಮಾರಾಟಗಾರರು ಈ ಅವಧಿಯಲ್ಲಿ 15.2 ಮಿಲಿಯನ್ ಯುನಿಟ್ಗಳನ್ನು ರವಾನಿಸಿದ್ದಾರೆ. ಇದು ವರ್ಷದಿಂದ ವರ್ಷಕ್ಕೆ ಶೇ 198.2 ರಷ್ಟು ಹೆಚ್ಚಾಗಿದೆ.
2020 ರಲ್ಲಿ ಆಡಿಯೋ ವಿಭಾಗದಲ್ಲಿ ವೈರ್ನಿಂದ ವೈರ್‌ಲೆಸ್ ಗ್ಯಾಜೆಟ್ಗಳಿಗೆ ಪರಿವರ್ತನೆಯ ವರ್ಷವಾಗಿತ್ತು. 2021ರಲ್ಲಿ ಈ ವರ್ಗವು ಹೆಚ್ಚು ಅತ್ಯಾಧುನಿಕ ಸಾಧನಗಳತ್ತ ಸಾಗಲಿದೆ. ವರ್ಧಿತ ಆಡಿಯೋ ಅನುಭವವು ಎಲ್ಲಾ ಮಾರಾಟಗಾರರಿಗೆ ಪ್ರಧಾನ ಮಾರುಕಟ್ಟೆ ವಿಷಯವಾಗಿದೆ ಎಂದು ಐಡಿಸಿ ಇಂಡಿಯಾ ಅಸೋಸಿಯೇಟ್ ರಿಸರ್ಚ್ ಮ್ಯಾನೇಜರ್ (ಕ್ಲೈಂಟ್ ಸಾಧನ) ಜೈಪಾಲ್ ಸಿಂಗ್ ಹೇಳಿದರು.
ಇದನ್ನೂ ಓದಿ: ಸ್ವಯಂಚಾಲಿತ ಮ್ಯಾನ್ಯುವಲ್ ಟಾಟಾ ಟಿಯಾಗೊ ಟ್ರಿಮ್ ಬಿಡುಗಡೆ: ದರವೆಷ್ಟು ಗೊತ್ತೇ?
ಧರಿಸಬಹುದಾದ ಕೈಗಡಿಯಾರಗಳಿಗೆ ಸಂಬಂಧಿಸಿದ ಹೆಚ್ಚಿನ ವೆಚ್ಚವು ಇನ್ನು ಮುಂದೆ ಸವಾಲಾಗುವುದಿಲ್ಲ. ವಾಚ್ ಫಾರ್ಮ್ ಫ್ಯಾಕ್ಟರ್ ಈಗ ಗ್ರಾಹಕರಿಗೆ ಹೆಚ್ಚು ಇಷ್ಟವಾಗುತ್ತಿದೆ. ಮುಂಬರುವ ತ್ರೈಮಾಸಿಕಗಳಲ್ಲಿ ಮಾರಾಟಗಾರರು ತಮ್ಮ ವಾಚ್ ಮಾರುಕಟ್ಟೆಯನ್ನು ಇನ್ನಷ್ಟು ವಿಸ್ತರಿಸುವ ಮೂಲಕ ಈ ಬದಲಾವಣೆ ನಿಯಂತ್ರಿಸುತ್ತಾರೆ ಎಂದರು.
ಇಯರ್ವೇರ್ ಸಾಧನ ಸಾಗಣೆಗಳು 2020ರಲ್ಲಿ ಮೂರು ಪಟ್ಟು ಹೆಚ್ಚಾಗಿ, ಹಿಂದಿನ ವರ್ಷಕ್ಕಿಂತ 30.4 ಮಿಲಿಯನ್ ಯೂನಿಟ್‌ಗಳಿಗೆ ಏರಿದೆ. ಕೈಗೆಟುಕುವ ಸಾಧನಗಳ ಬಿಡುಗಡೆ, ವರ್ಚುವಲ್ ಮೀಟಿಂಗ್ ಮತ್ತು ಇ-ಲರ್ನಿಂಗ್ ಅವಶ್ಯಕತೆಗಳಂತಹ ಮನರಂಜನೆ ಮೀರಿ ಬಳಕೆಯ ಪ್ರಮಾಣ ವಿಸ್ತರಣೆಗೊಂಡಿದೆ ಎಂದು ಐಡಿಸಿ ತಿಳಿಸಿದೆ.
ಟ್ರೂ ವೈರ್‌ಲೆಸ್ ಸ್ಟಿರಿಯೊ (ಟಿಡಬ್ಲ್ಯುಎಸ್) ಸಾಧನಗಳು ಹತ್ತು ಪಟ್ಟು ಹೆಚ್ಚಳ ಕಂಡಿದ್ದು, 2020ರಲ್ಲಿ ಸಾಗಣೆ ಒಟ್ಟು 11.3 ಮಿಲಿಯನ್ ಯುನಿಟ್‌ಗಳಷ್ಟಿತ್ತು. ಇಯರ್ವೇರ್ ವಿಭಾಗವು 2020ರಲ್ಲಿ ಒಟ್ಟಾರೆ ಧರಿಸಬಹುದಾದ ಮಾರುಕಟ್ಟೆ ಶೇ 83.6 ರಷ್ಟಿತ್ತು
