ಮುಂಬೈ: ಕರಾಳ ಸೋಮವಾರದ ಬಳಿಕ ಮುಂಬೈ ಷೇರುಪೇಟೆ ಬುಧವಾರದ ವ್ಯವಹಾರದಲ್ಲಿ ಸುಮಾರು 300 ಅಂಕಗಳ ಏರಿಕೆ ದಾಖಲಿಸಿದೆ. ಇಂದಿನ ವ್ಯವಹಾರದಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್, ಐಸಿಐಸಿಐ, ಹೆಚ್ಡಿಎಫ್ಸಿ ಷೇರುಗಳು ಚೇತರಿಕೆ ಕಂಡಿವೆ.
ಪ್ರಮುಖ 30 ಷೇರುಗಳ ಬೆಲೆಯಲ್ಲಿ ಏರಿಕೆ ಕಂಡು ಬಂದಿದೆ. ಇದರಲ್ಲಿ 72.14 ಅಂಕಗಳ ಹೆಚ್ಚಳವಾಗಿದೆ. ಇನ್ನು ರಾಷ್ಟ್ರೀಯ ಷೇರುಪೇಟೆ ಸಹ 22.20 ಅಂಕಗಳ ಏರಿಕೆ ದಾಖಲಿಸಿದೆ. ಐಟಿಸಿ, ಟಾಟಾ ಸ್ಟೀಲ್, ಟೆಕ್ ಮಹೇಂದ್ರ ಸೇರಿದಂತೆ ಇತರ ಷೇರುಗಳೂ ಅಲ್ಪ ಚೇತರಿಕೆ ಕಂಡುಕೊಂಡಿವೆ.
ಸೋಮವಾರ ಸೆನ್ಸೆಕ್ಸ್ 1941 ಅಂಕಗಳ ನಷ್ಟ ಹೊಂದಿದರೆ, ಎನ್ಎಸ್ಸಿ 538 ಅಂಶಗಳ ಇಳಿಕೆ ದಾಖಲಿಸಿದ್ದವು. 44 ಸಾವಿರದ ಆಸುಪಾಸಿನಲ್ಲಿದ್ದ ಷೇರುಪೇಟೆ ವ್ಯವಹಾರ ಕೊರೊನಾ, ಜಾಗತಿಕ ಆರ್ಥಿಕ ಹಿಂಜರಿತ, ಕಚ್ಚಾತೈಲ ಬೆಲೆಯಲ್ಲಿನ ಇಳಿಕೆಯಿಂದಾಗಿ ಸುಮಾರು 8 ಸಾವಿರ ಅಂಕಗಳ ನಷ್ಟ ಅನುಭವಿಸುವಂತಾಗಿದೆ.