ಸಿಯೋಲ್ : ಸ್ಯಾಮ್ಸಂಗ್ ತನ್ನ ಮಿನಿ ಎಲ್ಇಡಿ ಟಿವಿಗಳಿಗೆ ಸುಧಾರಿತ ವೈಫೈ ತಂತ್ರಜ್ಞಾನದ ಪ್ರಮಾಣೀಕರಣ ಪಡೆದಿದೆ ಎಂದು ಘೋಷಿಸಿದೆ. ಈ ಅತ್ಯಾಧುನಿಕ ಟೆಕ್, ತನ್ನ ಹೊಸ ಉತ್ಪನ್ನಗಳಲ್ಲಿ ವೇಗವಾದ ಮತ್ತು ಸ್ಥಿರವಾದ ಸಂಪರ್ಕ ತಲುಪಿಸಲು ಅನುವು ಮಾಡಿಕೊಡುತ್ತದೆ.
ಸ್ಯಾಮ್ಸಂಗ್ ತನ್ನ ಎರಡು ನಿಯೋ ಕ್ಯೂಎಲ್‌ಇಡಿ ಟಿವಿ ಮಾದರಿಗಳಾದ 'ಕ್ಯೂಎನ್ 900 ಎ' ಮತ್ತು 'ಕ್ಯೂಎನ್ 800ಎ' 800ಕ್ಕೂ ಅಧಿಕ ಸದಸ್ಯರನ್ನು ಹೊಂದಿರುವ ಜಾಗತಿಕ ಸಂಘಟನೆಯಾದ ವೈ-ಫೈ ಅಲೈಯನ್ಸ್ನಿಂದ (ಡಬ್ಲ್ಯುಎಫ್‌ಎ) ವೈ-ಫೈ 6 ಇ (6ನೇ ಜನರೇಷನ್ ) ಪ್ರಮಾಣೀಕರಣ ಪಡೆದ ಉದ್ಯಮದ ಮೊದಲ ಟಿವಿಗಳು ಎಂದು ಹೇಳಿದೆ.
ದಕ್ಷಿಣ ಕೊರಿಯಾದ ಟೆಕ್ ದೈತ್ಯ ವೈ-ಫೈ 6ಇ ತಂತ್ರಜ್ಞಾನವು ವೈ-ಫೈ 5ಗಿಂತ ನಾಲ್ಕು ಪಟ್ಟು ವೇಗವಾಗಿ ಸಂಪರ್ಕ ಕಲ್ಪಿಸುತ್ತದೆ. ಅನೇಕ ಟೊಲ್ಗಳನ್ನು ಒಂದು ರೂಟರ್‌ಗೆ ಸಂಪರ್ಕಿಸಿದ್ದರೂ ಸ್ಥಿರ ಡೇಟಾ ವರ್ಗಾವಣೆ ಶಕ್ತಗೊಳಿಸುತ್ತದೆ ಎಂದು ಯೋನ್‌ಹಾಪ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಹೊಸದಾಗಿ ಪ್ರಮಾಣೀಕರಿಸಿದ ವೈ-ಫೈ 6ಇ ತಂತ್ರಜ್ಞಾನವು 6GHz ಆವರ್ತನವು ಈಗಿರುವ 2.4GHz ಮತ್ತು 5GHz ಫ್ರಿಕ್ವೆನ್ಸಿಗಳ ಜತೆ ಸಂಯೋಜಿಸಲು ವಿನ್ಯಾಸಗೊಳಿಸಲಾಗಿದೆ ಎಂದು ಸ್ಯಾಮ್ಸಂಗ್ ಹೇಳಿದೆ.
ಈಗ ಸ್ಯಾಮ್ಸಂಗ್ ನಿಯೋ ಕ್ಯೂಎಲ್‌ಇಡಿ 8ಕೆ ಟಿವಿಗಳು ದೊಡ್ಡ ಬ್ಯಾಂಡ್‌ವಿಡ್ತ್ ಲೋಡ್‌ಗಳನ್ನು ಬೆಂಬಲಿಸಿವೆ. ವೇಗವಾಗಿ ಮಲ್ಟಿ-ಗಿಗಾಬಿಟ್ ಡೇಟಾ ಪ್ರಕ್ರಿಯೆಗೊಳಿಸಬಹುದು. ವಿಶ್ವಾಸಾರ್ಹ ಮತ್ತು ಸುರಕ್ಷಿತ ಸಂಪರ್ಕ ಒದಗಿಸಲಿದೆ.
ವೈ-ಫೈ 6ಇ ತಂತ್ರಜ್ಞಾನದೊಂದಿಗೆ ತನ್ನ ನಿಯೋ ಕ್ಯೂಎಲ್‌ಇಡಿ ಟಿವಿಗಳು ಓವರ್-ದಿ-ಟಾಪ್ (ಒಟಿಟಿ), ವರ್ಚುವಲ್ ರಿಯಾಲಿಟಿ ಮತ್ತು ಗೇಮಿಂಗ್ ಸೇವೆಗಳೊಂದಿಗೆ ಉತ್ತಮ ವೀಕ್ಷಣೆ ಅನುಭವ ಬಯಸುವ ಗ್ರಾಹಕರಿಂದ ಮಾರಾಟ ಹೆಚ್ಚಳವಾಗಲಿದೆ ಎಂದು ಸ್ಯಾಮ್ಸಂಗ್ ವಿಶ್ವಾಸ ವ್ಯಕ್ತಪಡಿಸಿದೆ.
