ಮುಂಬೈ: ವಿಶ್ವದ ಕುಬೇರರ ಸಾಲಿನಲ್ಲಿ 13ನೇ ಸ್ಥಾನದಲ್ಲಿರುವ ರಿಲಯನ್ಸ್ ಇಂಡಸ್ಟ್ರೀಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ ಅವರು ಪುತ್ರಿ ಇಶಾ ಅಂಬಾನಿ ವರಿಸಿದ ಆನಂದ್ ಪಿರಮಲ್ ಏಷ್ಯಾದಲ್ಲಿ ಪ್ರಸಿದ್ಧಿ ಪಡೆದಿದ್ದಾರೆ.
ಫಾರ್ಚುನ್ ನಿಯತಕಾಲಿಕೆ 2018ರಲ್ಲಿ ಹೊರಡಿಸಿದ ವರದಿಯಲ್ಲಿ ವಿಶ್ದ ಅತ್ಯಂತ ಶ್ರೀಮಂತ ಉದ್ಯಮಿಗಳ ಸಾಲಿನಲ್ಲಿ ಮುಖೇಶ್ 50 ಬಿಲಿಯನ್ ಡಾಲರ್ ( ₹ 3.55 ಲಕ್ಷ ಕೋಟಿ) ಸಂಪತ್ತು ಹೊಂದಿದ್ದರು.
ಕಳೆದ ಡಿಸೆಂಬರ್ನಲ್ಲಿ ಮುಖೇಶ್ ಪುತ್ರಿ ಇಶಾ ಅಂಬಾನಿ (27) ಬಾಲಿವುಡ್ ಶೈಲಿಯ ಅದ್ಧೂರಿ ಮದುವೆಗೆ ವಿಶ್ವದ ದಿಗ್ಗಜ ಉದ್ಯಮಿಗಳು ಬಂದು ಶುಭಹಾರೈಸಿದರು. ಇದರಲ್ಲಿ ಹಿಲರಿ ಕ್ಲಿಂಟನ್, ಕೆಕೆಆರ್ನ ಹೆನ್ರಿ ಕ್ರಿವಿಸ್, ಮಾರ್ಚ್ನಲ್ಲಿ ಅವಳ ಸಹೋದರ ಆಕಾಶ್ ಮದುವೆ ಗೂಗಲ್ ಸಿಇಒ ಸುಂದರ್ ಪಿಚೈ ಆಗಮಿಸಿ ಶುಭ ಕೋರಿದ್ದರು.
ಜೊತೆಗೆ ದೇಶದ ಗಣ್ಯಾತಿ ಗಣ್ಯರಾದ ಸೂಪರ್ ಸ್ಟಾರ್ ರಜನಿಕಾಂತ್, ಅಮಿತಾ ಬಚ್ಚನ್ ಇತರೆ ಬಾಲಿವುಡ್ ನಟರು, ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ, ಪ್ರಕಾಶ್ ಜಾವ್ಡೇಕರ್, ಮಮತಾ ಬ್ಯಾನರ್ಜಿ, ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಸೇರಿ ಅನೇಕರು ಇಶಾ ಮದುವೆಗೆ ಸಾಕ್ಷಿಯಾಗಿದ್ದರು.
ವಿವಾಹ ಪೂರ್ವ ಕಾರ್ಯಕ್ರಮಗಳು ಉದಯಪುರದ ಒಬೆರಾಯ್ ಉದಯ್ ವಿಲಾಸ್ ಮತ್ತು ತಾಜ್ ಲೇಕ್ ಪ್ಯಾಲೆಸ್ನಲ್ಲಿ ನಡೆದಿತ್ತು. ಬಳಿಕ ಡಿಸೆಂಬರ್ 12ರಂದು ಮುಂಬೈನ ಅಂಬಾನಿಯ ಆಂಟಿಲಿಯಾ ನಿವಾಸದಲ್ಲಿ ನಡೆದ ಅದ್ಧೂರಿ ವಿವಾಹದಲ್ಲಿ ಉದ್ಯಮಿ ಅಜಯ್‌ ಪಿರಮಲ್ ಪುತ್ರ ಆನಂದ್ ಪಿರಮಲ್ ಅವರ ಕೈಹಿಡಿದರು. ಈ ಮೂಲಕ ಏಷ್ಯಾದ ಶ್ರೀಮಂತ ವರ ಎಂಬ ಹೆಗ್ಗಳಿಕೆಗೆ ಪಿರಮಲ್ ಪಾತ್ರವಾಗಿದ್ದಾರೆ.
