ನವದೆಹಲಿ: ದೇಶಾದ್ಯಂತ ವ್ಯಾಪಿಸಿರುವ ಕೋವಿಡ್ ಎರಡನೇ ಅಲೆಯಿಂದಾಗಿ ಭಾರತೀಯ ರೈಲ್ವೆ ಮಂಡಳಿಯು 16 ವಿಶೇಷ ರೈಲುಗಳ ಸಂಚಾರವನ್ನು ಸ್ಥಗಿತಗೊಳಿಸುತ್ತಿದೆ.
ಹೌರಾ, ರಾಂಚಿ, ಧನ್ಬಾದ್, ಕೋಲ್ಕತ್ತಾ ಮತ್ತು ಇತರ ಮಾರ್ಗಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ 16 ವಿಶೇಷ ರೈಲು ಸೇವೆಗಳನ್ನು ಭಾರತೀಯ ರೈಲ್ವೆ ಅಧಿಕಾರಿಗಳು ರದ್ದುಪಡಿಸಿದ್ದಾರೆ. ದೇಶದಲ್ಲಿ ನಡೆಯುತ್ತಿರುವ ಕೋವಿಡ್ ಸಾಂಕ್ರಾಮಿಕ ರೋಗದ ಎರಡನೇ ಅಲೆಯ ಮಧ್ಯೆ ಕಡಿಮೆ ಉದ್ಯೋಗದ ಕಾರಣ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ರೈಲ್ವೆಯು ಸ್ಪಷ್ಟನೆ ನೀಡಿದೆ.
ವಿಶೇಷ ರೈಲು ಸೇವೆಗಳು ಪೂರ್ವ ರೈಲ್ವೆ ವಲಯದ ವ್ಯಾಪ್ತಿಯಲ್ಲಿವೆ. ಪಶ್ಚಿಮ ಬಂಗಾಳದ ಕೋಲ್ಕತ್ತಾ ಪ್ರಧಾನ ಕಚೇರಿ ಹೊಂದಿದೆ. ಪೂರ್ವ ರೈಲ್ವೆ ಇತ್ತೀಚೆಗೆ ಬಿಡುಗಡೆ ಮಾಡಿದ ಪ್ರಕಾರ, ಮುಂದಿನ ಸೂಚನೆ ಬರುವವರೆಗೂ ರೈಲ್ವೆ ಅಧಿಕಾರಿಗಳು ವಿಶೇಷ ರೈಲುಗಳನ್ನು ಸ್ಥಗಿತಗೊಳಿಸಿದ್ದಾರೆ. ಮೇ 7ರಿಂದ ಈ ಕೆಳಗಿನ ವಿಶೇಷ ರೈಲು ಸೇವೆಗಳನ್ನು ಮುಂದಿನ ಸಲಹೆಯವರೆಗೆ ರದ್ದುಗೊಳಿಸಲಾಗುತ್ತದೆ.
ರದ್ದಾದ ಕೆಲವು ರೈಲು ಸೇವೆಗಳ ಜೊತೆಗೆ ರೈಲು ಸಂಖ್ಯೆ, ಮಾರ್ಗಗಳ ವಿವರಗಳು ಹೀಗಿವೆ:
ರೈಲು ಸಂಖ್ಯೆ 02019 ಹೌರಾ - ರಾಂಚಿ ಭಾನುವಾರ ಹೊರತುಪಡಿಸಿ ವಾರದಲ್ಲಿ ಆರು ದಿನ ಚಲಿಸುವ ವಿಶೇಷ ರೈಲು ರದ್ದು
ರೈಲು ಸಂಖ್ಯೆ 02339 ಹೌರಾ - ಧನ್ಬಾದ್ ವಿಶೇಷ ರೈಲು, ನಿತ್ಯ ಓಡಾಟ ರದ್ದುಗೊಂಡಿದೆ.
ರೈಲು ಸಂಖ್ಯೆ 03028 ಅಜೀಮ್‌ಗಂಜ್ - ಹೌರಾ ವಿಶೇಷ ರೈಲು, ನಿತ್ಯ ಸಂಚಾರದ ಟ್ರೈನ್ ರದ್ದು.
ರೈಲು ಸಂಖ್ಯೆ 03501 ಹಲ್ದಿಯಾ - ಅಸನ್ಸೋಲ್ ವಿಶೇಷ ರೈಲು ಭಾನುವಾರ ಹೊರತುಪಡಿಸಿ ವಾರದಲ್ಲಿ ಆರು ದಿನ ಚಲಿಸುವುದನ್ನು ನಿಲ್ಲಿಸಿದೆ.
ರೈಲು ಸಂಖ್ಯೆ 03118 ಲಾಲ್ಗೋಲಾ - ಕೋಲ್ಕತಾ ವಿಶೇಷ ರೈಲು ಸೋಮವಾರ, ಬುಧವಾರ, ಶುಕ್ರವಾರ ಮತ್ತು ಶನಿವಾರ ಕಾರ್ಯಾಚರಣೆ ನಿಲ್ಲಲಿದೆ.
ರೈಲು ಸಂಖ್ಯೆ 03117 ಕೋಲ್ಕತ್ತಾ- ಲಾಲ್ಗೋಲಾ ವಿಶೇಷ ರೈಲು ಮಂಗಳವಾರ, ಗುರುವಾರ, ಶುಕ್ರವಾರ ಮತ್ತು ಭಾನುವಾರ ಕಾರ್ಯನಿರ್ವಹಿಸುತ್ತಿರುವುದು ರದ್ದುಗೊಂಡಿದೆ.
