ನವದೆಹಲಿ : ಬಿಲಿಯನೇರ್ ಮುಖೇಶ್ ಅಂಬಾನಿಯ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್, ಬ್ರಿಟನ್ನ ಐಕಾನಿಕ್ ಕಂಟ್ರಿ ಕ್ಲಬ್ ಮತ್ತು ಐಷಾರಾಮಿ ಗಾಲ್ಫ್ ರೆಸಾರ್ಟ್ ಸ್ಟೋಕ್ ಪಾರ್ಕ್ ಅನ್ನು 57 ಮಿಲಿಯನ್ ಪೌಂಡ್‌ಗಳಿಗೆ (ಸುಮಾರು 592 ಕೋಟಿ ರೂ.) ಖರೀದಿಸಿದ್ದಾರೆ.
ಈ ಸ್ವಾಧೀನವು ರಿಲಯನ್ಸ್ನ ಪ್ರಸ್ತುತ ಒಬೆರಾಯ್ ಹೋಟೆಲ್ ಮತ್ತು ಮುಂಬೈನ ಹೋಟೆಲ್ಗಳಲ್ಲಿ ಕೂಡ ಪಾಲು ಹೊಂದಿದೆ.
ಕಳೆದ ನಾಲ್ಕು ವರ್ಷಗಳಲ್ಲಿ ರಿಲಯನ್ಸ್ 3.3 ಬಿಲಿಯನ್ ಡಾಲರ್ನ ಸ್ವಾಧೀನ ಘೋಷಿಸಿದೆ. ಚಿಲ್ಲರೆ ವ್ಯಾಪಾರದಲ್ಲಿ 14 ಪ್ರತಿಶತ, ತಂತ್ರಜ್ಞಾನ, ಮಾಧ್ಯಮ ಮತ್ತು ಟೆಲಿಕಾಂ (ಟಿಎಂಟಿ) ವಲಯದಲ್ಲಿ 80 ಪ್ರತಿಶತ ಮತ್ತು ಶೇ. 6ರಷ್ಟು ಎನರ್ಜಿಯಲ್ಲಿ ಹೂಡಿಕೆ ಮಾಡಿದೆ.
ಇಂಗ್ಲೆಂಡ್ ಮೂಲದ ಬಕಿಂಗ್ಹ್ಯಾಂಮ್ಶೈರ್ನಲ್ಲಿ ಹೋಟೆಲ್ ಮತ್ತು ಗಾಲ್ಫ್ ಕೋರ್ಸ್ ಹೊಂದಿರುವ ಯುಕೆ ಮೂಲದ ಸಂಸ್ಥೆಯು ರಿಲಯನ್ಸ್ನ ಗ್ರಾಹಕ ಮತ್ತು ಆತಿಥ್ಯ ಸ್ವತ್ತುಗಳನ್ನು ಹೆಚ್ಚಿಸುತ್ತದೆ ಎಂದು ಕಂಪನಿ ತಿಳಿಸಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ ರಿಲಯನ್ಸ್ ಇಂಡಸ್ಟ್ರಿಯಲ್ ಇನ್ವೆಸ್ಟ್‌ಮೆಂಟ್ಸ್ ಮತ್ತು ಹೋಲ್ಡಿಂಗ್ಸ್ ಲಿಮಿಟೆಡ್ (ಆರ್ಐಐಎಚ್ಎಲ್), 2021ರ ಏಪ್ರಿಲ್ 22ರಂದು ಇಂಗ್ಲೆಂಡ್ನ ಸ್ಟೋಕ್ ಪಾರ್ಕ್ ಲಿಮಿಟೆಡ್‌ನ ಕಂಪನಿಯ ಒಟ್ಟು ಷೇರು ಬಂಡವಾಳವನ್ನು 57 ದಶಲಕ್ಷ ಪೌಂಡ್ಸ್ಗೆ ಸ್ವಾಧೀನಪಡಿಸಿಕೊಂಡಿದೆ.
ಸ್ಟೋಕ್ ಪಾರ್ಕ್ ಲಿಮಿಟೆಡ್ ಇಂಗ್ಲೆಂಡ್ನ ಬಕಿಂಗ್ಹ್ಯಾಮಶೈರ್ನ ಸ್ಟೋಕ್ ಪೋಗ್ಸ್ನಲ್ಲಿ ಕ್ರೀಡಾ ಮತ್ತು ವಿರಾಮ ಸೌಲಭ್ಯಗಳನ್ನು ಹೊಂದಿದೆ ಮತ್ತು ನಿರ್ವಹಿಸುತ್ತದೆ. ಹೋಟೆಲ್, ಕಾನ್ಫರೆನ್ಸ್, ಕ್ರೀಡಾ ಸೌಲಭ್ಯಗಳು ಮತ್ತು ಯುರೋಪಿನ ಅತಿ ಹೆಚ್ಚು ರೇಟ್ ಪಡೆದ ಗಾಲ್ಫ್ ಕೋರ್ಸ್‌ಗಳು ಸೇರಿವೆ.
