ನವದೆಹಲಿ: ಅಮೆಜಾನ್‌ನಲ್ಲಿ ಬ್ಲಾಕ್ ಫ್ರೈಡೇಯಿಂದ ಸೈಬರ್ ಮಂಡೇ ತನಕ ವಿಶ್ವಾದ್ಯಂತದ ಮಾರಾಟವಾದ ಸರಕುಗಳ ಮೌಲ್ಯ 4.8 ಶತಕೋಟಿ ಡಾಲರ್ ಮೀರಿದೆ. ಈ ವರ್ಷದಲ್ಲಿ ಇಲ್ಲಿಯವರೆಗೆ ಕಂಪನಿಯ ಅತಿದೊಡ್ಡ ರಜಾದಿನದ ಶಾಪಿಂಗ್ ಋತುವಾಗಿದ್ದು, ಹಿಂದಿನ ವರ್ಷಕ್ಕಿಂತ ಶೇ 60ರಷ್ಟು ಏರಿಕೆ ಆಗಿದೆ ಎಂದು ತಿಳಿಸಿದೆ.
ವಿಶ್ವಾದ್ಯಂತ 71,000ಕ್ಕೂ ಅಧಿಕ ಸಣ್ಣ ಮತ್ತು ಮಧ್ಯಮ ಗಾತ್ರದ ವ್ಯವಹಾರಗಳು (ಎಸ್‌ಎಂಬಿ) ಈ ರಜಾದಿನಗಳಲ್ಲಿ 1 ಲಕ್ಷ ಡಾಲರ್ ಮೀರಿದೆ. ಆದರೆ, ಕಂಪನಿಯು ಇಡೀ ವರ್ಷದ ಅಂಕಿಅಂಶಗಳನ್ನು ಮಾತ್ರವೇ ಬಹಿರಂಗಪಡಿಸಲಿಲ್ಲ.
509 ಕೋಟಿ ರೂ.ಗೆ ತಲುಪಿದ ಜೀವ ವಿಮಾರಹಿತ ಇನ್ಶೂರೆನ್ಸ್ ವಲಯದ ಎಫ್ಡಿಐ
ಅಮೆಜಾನ್‌ನಲ್ಲಿ ಮಾರಾಟವಾಗುವ ಸ್ವತಂತ್ರ ವ್ಯವಹಾರಗಳೆಲ್ಲವೂ ಸಣ್ಣ ಮತ್ತು ಮಧ್ಯಮ ಗಾತ್ರದ್ದಾಗಿವೆ. ಅಮೆರಿಕ ಮತ್ತು ವಿಶ್ವದಾದ್ಯಂತ ಈ ರಜಾದಿನಗಳಲ್ಲಿ ಗ್ರಾಹಕರಿಂದ ದಾಖಲೆಯ ಬೇಡಿಕೆ ಕಂಡಿದೆ ಎಂದು ಇ-ಕಾಮರ್ಸ್ ದೈತ್ಯ ಪ್ರಕಟಣೆಯಲ್ಲಿ ತಿಳಿಸಿದೆ.
ವಿಶ್ವಾದ್ಯಂತ ಅಮೆಜಾನ್‌ನಲ್ಲಿ ಮಾರಾಟವಾಗುವ ಸ್ವತಂತ್ರ ವ್ಯವಹಾರಗಳು ಅಂದಾಜು 2.2 ಮಿಲಿಯನ್ ಉದ್ಯೋಗಗಳನ್ನು ಸೃಷ್ಟಿಸಿದೆ. ಅಮೆರಿಕದ ಎಸ್‌ಎಂಬಿಗಳು ಈ ರಜಾದಿನಗಳಲ್ಲಿ ಇಲ್ಲಿಯವರೆಗೆ ನಿಮಿಷಕ್ಕೆ ಸರಾಸರಿ 9,500 ಉತ್ಪನ್ನಗಳನ್ನು ಮಾರಾಟ ಮಾಡಿವೆ. 2020ರ ಸೈಬರ್ ಸೋಮವಾರವು ಕಂಪನಿಯ ಇತಿಹಾಸದಲ್ಲಿ ಇದುವರೆಗಿನ ಅತಿದೊಡ್ಡ ರಜಾ ಶಾಪಿಂಗ್ ಋತುವಾಗಿದೆ ಎಂದು ತಿಳಿಸಿದೆ.
