ರೆಡ್ಮಿ ಕೆ-30 ಇಂದು ಚೀನಾದಲ್ಲಿ ರಿಲೀಸ್... ಭಾರತಕ್ಕೆ ಯಾವಾಗ..? ಬೆಲೆ ಎಷ್ಟಿರಲಿದೆ..?

ಆದರೆ ರೆಡ್ಮಿ ಕೆ-30 ಬಿಡುಗಡೆಗೂ ಒಂದು ದಿನ ಮುನ್ನವೇ ಒಂದಷ್ಟು ಮಾಹಿತಿಗಳು ಸೋರಿಕೆಯಾಗಿವೆ. ರೆಡ್ಮಿ ಕೆ-30 ಮೊಬೈಲ್​​ನ ಅಧಿಕೃತ ಫೋಟೋಗಳು ಬಿಡುಗಡೆಗೂ ಹಿಂದಿನ ದಿನ ಹಲವಾರು ವೆಬ್​ಸೈಟ್​ಗಳಲ್ಲಿ ಲೀಕ್ ಆಗಿದೆ.

ಬೀಜಿಂಗ್: ಚೀನಾ ಮೂಲದ ಷಿಯೋಮಿ ಮೊಬೈಲ್ ಕಂಪನಿಯ ನೂತನ ಮೊಬೈಲ್ ರೆಡ್ಮಿ ಕೆ-30 ಇಂದು ಚೀನಾದ ಮಾರುಕಟ್ಟೆ ಪ್ರವೇಶಿಸಲಿದೆ.

ಆದರೆ ರೆಡ್ಮಿ ಕೆ30 ಬಿಡುಗಡೆಗೂ ಒಂದು ದಿನ ಮುನ್ನವೇ ಒಂದಷ್ಟು ಮಾಹಿತಿಗಳು ಸೋರಿಕೆಯಾಗಿವೆ. ರೆಡ್ಮಿ ಕೆ30 ಮೊಬೈಲ್​​ನ ಅಧಿಕೃತ ಫೋಟೋಗಳು ಬಿಡುಗಡೆಗೂ ಹಿಂದಿನ ದಿನ ಹಲವಾರು ವೆಬ್​ಸೈಟ್​ಗಳಲ್ಲಿ ಲೀಕ್ ಆಗಿದೆ.

ರೆಡ್ಮಿ ಕೆ30 ವಿಶೇಷತೆಗಳು:

ಈ ಮೊಬೈಲ್​​ನಲ್ಲಿ ಡ್ಯೂಯೆಲ್ ಸೆಲ್ಫಿ ಕ್ಯಾಮರಗಳಿದ್ದು, ಅದ್ಭುತ ಸೆಲ್ಫಿ ತೆಗೆಯಬಹುದಾಗಿದೆ. ರೆಡ್ಮಿ ಕೆ-20 ಮೊಬೈಲ್​​ಗೆ ಹೋಲಿಕೆ ಮಾಡಿದಲ್ಲಿ ನೂತನ ಮೊಬೈಲ್ ವಿನ್ಯಾಸ ಕೊಂಚ ಭಿನ್ನವಾಗಿದೆ.

ಹಿಂಬದಿಯಲ್ಲಿ 64MP, 8MP ಹಾಗೂ 2MP ಮೂರು ಕ್ಯಾಮರಾಗಳಿದ್ದು, ಉತ್ತಮ ಗುಣಮಟ್ಟದ ಫೋಟೋಗಳನ್ನು ಕ್ಲಿಕ್ಕಿಸಬಹುದಾಗಿದೆ.

ರೆಡ್ಮಿ ಕೆ-30 6.7 ಇಂಚಿನ LCD ಡಿಸ್ಲೇ ಹೊಂದಿದೆ. ಈ ಮೊಬೈಲ್​​ನಲ್ಲಿ 5G ಹಾಗೂ 4G ಸಾಮರ್ಥ್ಯದ ಎರಡೂ ಮಾದರಿಯ ಫೋನ್​ಗಳು ಲಭ್ಯವಿರಲಿದೆ. 5G ಸಾಮರ್ಥ್ಯದಲ್ಲಿ ಸ್ನ್ಯಾಪ್​​ಡ್ರಾಗನ್​ 765G(8GB RAM) ಪ್ರೊಸೆಸರ್ ಇದ್ದರೆ 4G ಸಾಮರ್ಥ್ಯದಲ್ಲಿ 730G(6GB RAM) ಪ್ರೊಸೆಸರ್ ಹೊಂದಿರಲಿದೆ.

ಚೀನಾದಲ್ಲಿ ಇಂದು ಬಿಡುಗಡೆಯಾಗುತ್ತಿರುವ ರೆಡ್ಮಿ ಕೆ30 ಭಾರತದಲ್ಲಿ ಮುಂದಿನ ವರ್ಷಾರಂಭದಲ್ಲಿ ದೊರೆಯಲಿದೆ. ಮಾಹಿತಿ ಪ್ರಕಾರ ಈ ಮೊಬೈಲ್ ಬೆಲೆ ಭಾರತದಲ್ಲಿ ₹20,000ಕ್ಕಿಂತ ಕಡಿಮೆ ಇರಲಿದೆ.