ನವದೆಹಲಿ : ಸತತ ಆರನೇ ದಿನವೂ ಲಕ್ಷ್ಮಿ ವಿಲಾಸ್ ಬ್ಯಾಂಕ್ ತನ್ನ ಷೇರುಗಳ ಮಾರಾಟದ ಒತ್ತಡದಲ್ಲಿದೆ. ಬ್ಯಾಂಕ್ನ ಮೇಲೆ ಆರ್ಬಿಐ ಕೆಲವು ನಿರ್ಬಂಧಗಳನ್ನು ಹೇರಿದ ನಂತರ ಇದೇ ಮೊದಲ ಬಾರಿಗೆ ಷೇರುಗಳಲ್ಲಿ ಸ್ವಲ್ಪ ಹೆಚ್ಚಳ ಕಂಡಿದೆ. ಸೋಮವಾರ ಶೇ.48ರಷ್ಟಿದ್ದ ಷೇರುಗಳು ಈಗ ಶೇ.53ಕ್ಕೆ ಏರಿಕೆ ಕಂಡಿವೆ.
ಷೇರುಗಳ ಪ್ರಮಾಣ ಏರಿಕೆ ಕಂಡಿದ್ದರೂ ಬಾಂಬೆ ಷೇರು ಮಾರುಕಟ್ಟೆಯಲ್ಲಿ ಮಂಗಳವಾರ ಲಕ್ಷ್ಮಿ ವಿಲಾಸ್ ಬ್ಯಾಂಕ್ ಷೇರುಗಳ ಬೆಲೆಯಲ್ಲಿ ಶೇ.9.88ರಷ್ಟು ಕುಸಿದಿದ್ದು, ಪ್ರತಿ ಷೇರಿನ ಬೆಲೆ 7.30 ರೂಪಾಯಿಗೆ ತಲುಪಿದೆ.
ಲಕ್ಷ್ಮಿ ವಿಲಾಸ್ ಬ್ಯಾಂಕ್ಗೆ ವಿತ್ಡ್ರಾ ಮಿತಿ : 'ಗ್ರಾಹಕರ ಹಣ ಸುರಕ್ಷಿತ'ವೆಂದ ಆರ್ಬಿಐ ನೇಮಿತ ನಿರ್ವಾಹಕ
‘ರಾಷ್ಟ್ರೀಯ ಷೇರು ಮಾರುಕಟ್ಟೆಯಲ್ಲಿ (ಎನ್ಎಸ್ಇ)ಯಲ್ಲಿಯೂ ಕೂಡ ಶೇ.9.88ರಷ್ಟು ಕುಸಿತ ಕಂಡಿದ್ದು, ಇಲ್ಲಿಯೂ ಒಂದು ಷೇರಿನ ಬೆಲೆ 7.30 ರೂಪಾಯಿಗೆ ತಲುಪಿದೆ. ಅಂದರೆ ಸದ್ಯಕ್ಕೆ ಲಕ್ಷ್ಮಿ ವಿಲಾಸ್ ಬ್ಯಾಂಕ್ ಷೇರಿನ ಬೆಲೆ ದಿನವೊಂದರಲ್ಲಿ ಎನ್ಎಸ್ಇ ಅನುಮತಿ ನೀಡುವ ಕನಿಷ್ಠ ವ್ಯಾಪಾರದ ಮಿತಿಯಾಗಿದೆ.
ಕೆಲವು ದಿನಗಳ ಹಿಂದೆ ಲಕ್ಷ್ಮಿ ವಿಲಾಸ್ ಬ್ಯಾಂಕ್ನ ಗ್ರಾಹಕರು ಹಣ ಹಿಂಪಡೆಯುವ ಮಿತಿಗೆ ರಿಸರ್ವ್ ಬ್ಯಾಂಕ್ ನಿರ್ಬಂಧ ಹೇರಿದ್ದು, ಒಂದು ತಿಂಗಳಿಗೆ ಕೇವಲ 25 ಸಾವಿರ ರೂಪಾಯಿ ಪಡೆಯಬೇಕೆಂದು ಷರತ್ತು ವಿಧಿಸಿತ್ತು.
ಹಣಕಾಸು ವಲಯವನ್ನು ಸುಸ್ಥಿತಿಗೆ ತರಲು ರಿಸರ್ವ್ ಬ್ಯಾಂಕ್ ಈ ಕ್ರಮ ತೆಗೆದುಕೊಂಡಿರುವುದಾಗಿ ಹೇಳಿಕೆ ನೀಡಿದ್ದು, ಇದಕ್ಕೂ ಮೊದಲು ಯೆಸ್ ಬ್ಯಾಂಕ್ ಹಾಗೂ ಮಹಾರಾಷ್ಟ್ರ ಸಹಕಾರ ಬ್ಯಾಂಕ್ಗಳಿಗೂ ಕೂಡ ಇದೇ ರೀತಿ ನಿರ್ಬಂಧ ಹೇರಲಾಗಿತ್ತು.
