ಲಂಡನ್: ಭಾರತ ತಂಡದ ಪರ 2003 ವಿಶ್ವಕಪ್ನಲ್ಲಿ ಅದ್ದೂರಿ ಬ್ಯಾಟಿಂಗ್ ಪ್ರದರ್ಶನ ತೋರಿಸಿ ಫೈನಲ್ ತಲುಪಿಸಿದ್ದ ಸೆಹ್ವಾಗ್,ಸಚಿನ್ ಹಾಗೂ ಗಂಗೂಲಿ ಇಂದು ಅದೇ ಕ್ರೀಡಾಂಗಣಗಳಲ್ಲಿ ಕಾಮೆಂಟೇಟರ್ ಆಗಿ ವಿಶ್ವಕಪ್ನ ಭಾಗವಾಗಿದ್ದಾರೆ.
ದ.ಆಫ್ರಿಕಾ ಮತ್ತು ಇಂಗ್ಲೆಂಡ್ ನಡುವಿನ ವಿಶ್ವಕಪ್ ಉದ್ಘಾಟನಾ ಪಂದ್ಯದಲ್ಲಿ ಸೆಹ್ವಾಗ್, ಗಂಗೂಲಿ ಹಾಗೂ ತೆಂಡೂಲ್ಕರ್ ಕಾಮೆಂಟ್ಟೇಟರ್ ಆಗಿ ಕಾರ್ಯ ನಿರ್ವಹಿಸಿದ್ದರು.
ಪಂದ್ಯದ ನಡುವೆ ತಮ್ಮ ಅನುಭವ ಹಂಚಿಕೊಂಡ ಸಚಿನ್ 30 ವರ್ಷಗಳ ಹಿಂದೆ ನಾನು ಪಾಕಿಸ್ತಾನದ ವಿರುದ್ಧ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ದಿನದ ಅನುಭವ ಇಂದೂ ಆಗುತ್ತಿದೆ. ಅಂದು ನನ್ನ ಕೈಯಲ್ಲಿ ಬ್ಯಾಟ್ ಇತ್ತು, ಇಂದು ಮೈಕ್ರೋಫೋನ್ ಇದೆ ಎಂದು ಸ್ನೇಹಿತರೊಂದಿಗೆ ತಮ್ಮ ಮೊದಲ ಅನುಭವ ಹಂಚಿಕೊಂಡಿದ್ದಾರೆ.
ಇದೇ ವೇಳೆ ಭಾರತ ಬಿಟ್ಟು ಬೇರೆ ತಂಡಗಳ ಅತ್ಯುತ್ತಮ ಬ್ಯಾಟ್ಸ್ಮನ್ ಹಾಗೂ ಬೌಲರ್ರನ್ನು ಆಯ್ಕೆ ಮಾಡುವ ವಿಚಾರದಲ್ಲಿ ಸಚಿನ್, ಡೇವಿಡ್ ವಾರ್ನರ್ ಹಾಗೂ ಜೋಫ್ರಾ ಆರ್ಚರ್ರನ್ನು ಸೆಲೆಕ್ಟ್ ಮಾಡಿದ್ದಾರೆ.
ಸೆಹ್ವಾಗ್ ತಮ್ಮ ಟ್ವಿಟರ್, ಇನ್ಸ್ಟಾಗ್ರಾಂನಲ್ಲಿ ಗಂಗೂಲಿ ಹಾಗೂ ಸಚಿನ್ ಜೊತೆ ಕಾಮೆಂಟರಿ ಮಾಡುತ್ತಿರುವ ಫೋಟೋಗಳನ್ನು ಶೇರ್ ಮಾಡಿ 'ಟುಗೆದರ್ ಅಗೈನ್' ಎಂದು ಬರೆದುಕೊಂಡಿದ್ದಾರೆ.
