ಬೆಂಗಳೂರು: ಇಂಟರ್ನೆಟ್ ಅನ್ನೋದು ಸದ್ಯದ ಜಮಾನದಲ್ಲಿ ರಾತ್ರೋರಾತ್ರಿ ಸ್ಟಾರ್ ಮಾಡುತ್ತೆ ಅದೇ ಸ್ಟಾರ್ಡಂ ಒಂದೇ ಸಲಕ್ಕೆ ಕುಸಿದು ಬೀಳುತ್ತೆ. ನಾವಿಲ್ಲಿ ಹೇಳ್ತಿರೋದು ಜಸ್ಟ್ ಕೆಲವೇ ಸೆಕೆಂಡ್ ಕ್ಯಾಮೆರಾ ಮುಂದೆ ಕಾಣಿಸಿಕೊಂಡ ಯುವತಿಯ ಬಗ್ಗೆ.
ಶನಿವಾರ ಆರ್ಸಿಬಿ ಹಾಗೂ ಸನ್ರೈಸರ್ಸ್ ಹೈದರಾಬಾದ್ ನಡುವಿನ ಪಂದ್ಯದಲ್ಲಿ ಕೆಲವೇ ಸೆಕೆಂಡ್ ಕ್ಯಾಮೆರಾ ಮುಂದೆ ಕಾಣಿಸಿಕೊಂಡ ದೀಪಿಕಾ ಎನ್ನುವ ಯುವತಿ ರಾತ್ರಿ ಕಳೆದು ಬೆಳಗಾಗೋದ್ರಲ್ಲಿ ಇಂಟರ್ನೆಟ್ನಲ್ಲಿ ಸೆನ್ಸೇಷನ್ ಮೂಡಿಸಿದ್ದಾಳೆ.
ಪಂದ್ಯ ಆರಂಭಕ್ಕೂ ಮುನ್ನ ಯುವತಿಯ ಇನ್ಸ್ಟಾಗ್ರಾಮ್ ಖಾತೆಗೆ ಐದು ಸಾವಿರ ಫಾಲೋವರ್ಸ್ ಇದ್ದರು. ಟಿವೀಲಿ ಕಾಣಿಸಿಕೊಂಡ ಬಳಿಕ ಈ ಸಂಖ್ಯೆ ಲಕ್ಷ ದಾಟಿದೆ. ಆರ್ಸಿಬಿ ತಂಡಕ್ಕೆ ಹುರಿದುಂಬಿಸುವ ವೇಳೆ ಕ್ಯಾಮರಾ ಕಣ್ಣಲ್ಲಿ ಈಕೆ ಸೆರೆಯಾಗಿದ್ದಾಳೆ.
- " class="align-text-top noRightClick twitterSection" data="
">
ಟಿವೀಲಿ ಅರೆಕ್ಷಣ ಕಾಣಿಸಿಕೊಂಡಿದ್ದಕ್ಕೆ ಈಕೆಯ ಹಿಂಬಾಲಕರ ಸಂಖ್ಯೆ ಕ್ಷಣ ಕ್ಷಣಕ್ಕೂ ಏರಿಕೆಯಾಗುತ್ತಿದೆ. ಪ್ರಸ್ತುತ ಈಕೆಯ ಹಿಂಬಾಲಕರ ಸಂಖ್ಯೆ 1 ಲಕ್ಷದ 69 ಸಾವಿರ ಆಗಿದೆ.
ಹಿಂಬಾಲಕರ ಸಂಖ್ಯೆ ಏರಿಕೆಯಾಗುತ್ತಿದ್ದಂತೆ ಇನ್ಸ್ಟಾಗ್ರಾಮ್ನಲ್ಲಿ ಈಕೆಯ ಹೆಸರಿನಲ್ಲಿ ಹಲವಾರು ನಕಲಿ ಖಾತೆಗಳು ಓಪನ್ ಆಗಿವೆ. ಇವಿಷ್ಟೇ ಅಲ್ಲದೇ ಒಂದೇ ರಾತ್ರಿಯಲ್ಲಿ ಫ್ಯಾನ್ ಕ್ಲಬ್ಗಳು ಈಕೆಯ ಹೆಸರಿನಲ್ಲಿ ತೆರೆಯಲಾಗಿದೆ.
