ನವದೆಹಲಿ: ಪ್ರಸಕ್ತ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಇಲ್ಲಿಯವರೆಗೆ 51 ಪಂದ್ಯಗಳು ನಡೆದಿದ್ದು, ಎಲ್ಲ ಪಂದ್ಯಗಳಿಂದ ಬರೋಬ್ಬರಿ 566 ವಿಕೆಟ್ ಉರುಳಿವೆ. ವಿಶೇಷವೆಂದರೆ, ಈ ಸಲದ ಟೂರ್ನಿಯಲ್ಲಿ ಅತೀ ಹೆಚ್ಚು ವಿಕೆಟ್ ಪಡೆದುಕೊಂಡಿರುವುದು ವೇಗದ ಬೌಲರ್ಸ್ ಎಂಬುದು ಗಮನಾರ್ಹ ಸಂಗತಿ.
ಎಲ್ಲ ಪಂದ್ಯಗಳಿಂದ ಸುಮಾರು 47 ವೇಗದ ಬೌಲರ್ಸ್ 315 ವಿಕೆಟ್ ಪಡೆದುಕೊಂಡಿದ್ದಾರೆ. ಉಳಿದಂತೆ 36 ಸ್ಪಿನ್ನರ್ಸ್ 222 ವಿಕೆಟ್ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಉಳಿದಂತೆ 23 ಬ್ಯಾಟ್ಸ್ಮನ್ಗಳು ರನೌಟ್ ಬಲೆಗೆ ಸಿಲುಕಿದ್ದಾರೆ. ವಿಶೇಷವೆಂದರೆ, ಡೆಲ್ಲಿ ತಂಡದ ವೇಗದ ಬೌಲರ್ಸ್ 55 ವಿಕೆಟ್ ಪಡೆದುಕೊಂಡಿದ್ದಾರೆ.
ವಿವಿಧ ತಂಡ ಪಡೆದ ವಿಕೆಟ್ ಲೆಕ್ಕಾಚಾರ (ವೇಗದ ಬೌಲರ್ಸ್)
| ತಂಡ | ವಿಕೆಟ್ |
| ಡೆಲ್ಲಿ ಕ್ಯಾಪಿಟಲ್ಸ್ | 55 |
| ಮುಂಬೈ ಇಂಡಿಯನ್ಸ್ | 53 |
| ರಾಜಸ್ಥಾನ ರಾಯಲ್ಸ್ | 43 |
| ಕಿಂಗ್ಸ್ ಇಲೆವೆನ್ ಪಂಜಾಬ್ | 38 |
| ಚೆನ್ನೈ ಸೂಪರ್ ಕಿಂಗ್ಸ್ | 36 |
| ರಾಯಲ್ ಚಾಲೆಂಜರ್ಸ್ ಬೆಂಗಳೂರು | 31 |
| ಕೋಲ್ಕತ್ತಾ ನೈಟ್ ರೈಡರ್ಸ್ | 16 |
| ಸನ್ರೈಸರ್ಸ್ ಹೈದರಾಬಾದ್ | 42 |
ಡೆಲ್ಲಿ ತಂಡದ ವೇಗದ ಬೌಲರ್ ಕಾಂಗಿಸೊ ರಬಾಡಾ 25ವಿಕೆಟ್ ಪಡೆದುಕೊಂಡಿದ್ದು, ರಾಜಸ್ಥಾನದ ಜೋಪ್ರಾ ಆರ್ಚರ್ 11ವಿಕೆಟ್ ಪಡೆದುಕೊಂಡಿದ್ದಾರೆ.
ವಿವಿಧ ತಂಡ ಪಡೆದ ವಿಕೆಟ್ ಲೆಕ್ಕಾಚಾರ (ಸ್ಪಿನ್ನರ್ಸ್)
| ತಂಡ | ವಿಕೆಟ್ |
| ಡೆಲ್ಲಿ ಕ್ಯಾಪಿಟಲ್ಸ್ | 27 |
| ಮುಂಬೈ ಇಂಡಿಯನ್ಸ್ | 22 |
| ರಾಜಸ್ಥಾನ ರಾಯಲ್ಸ್ | 22 |
| ಕಿಂಗ್ಸ್ ಇಲೆವೆನ್ ಪಂಜಾಬ್ | 23 |
| ಚೆನ್ನೈ ಸೂಪರ್ ಕಿಂಗ್ಸ್ | 48 |
| ರಾಯಲ್ ಚಾಲೆಂಜರ್ಸ್ ಬೆಂಗಳೂರು | 27 |
| ಕೋಲ್ಕತ್ತಾ ನೈಟ್ ರೈಡರ್ಸ್ | 26 |
| ಸನ್ರೈಸರ್ಸ್ ಹೈದರಾಬಾದ್ | 28 |
ವಿಶೇಷವೆಂದರೆ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಸ್ಪಿನ್ನರ್ಸ್ ರವೀಂದ್ರ ಜಡೇಜಾ,ಇಮ್ರಾನ್ ತಾಹೀರ್, ಹರ್ಭಜನ್ ಸಿಂಗ್ ಉತ್ತಮ ಪ್ರದರ್ಶನ ನೀಡಿದ್ದು, ಹೀಗಾಗಿ ಚೆನ್ನೈ ಸ್ಪಿನ್ ವಿಭಾಗದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದುಕೊಂಡಿದೆ.ಪ್ರಸಕ್ತ ಸಾಲಿನ ಐಪಿಎಲ್ನಲ್ಲಿ ಇಮ್ರಾನ್ ತಾಹೀರ್ 21ವಿಕೆಟ್,ಶ್ರೇಯಸ್ ಗೋಪಾಲ್ 18ವಿಕೆಟ್,ಯಜುವೇಂದ್ರ ಚಹಾಲ್ 17ವಿಕೆಟ್ ಪಡೆದುಕೊಂಡಿದ್ದಾರೆ.ಉಳಿದಂತೆ ದೀಪಕ್ ಚಹರ್(ಸಿಎಸ್ಕೆ)16 ವಿಕೆಟ್, ಮೊಹಮ್ಮದ್ ಶಮಿ(ಪಂಜಾಬ್)16ವಿಕೆಟ್,ಬೂಮ್ರಾ(ಮುಂಬೈ)15ವಿಕೆಟ್ ಪಡೆದುಕೊಂಡಿದ್ದಾರೆ.
