ಲಂಡನ್‌: ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಎರಡೇ ವಾರದಲ್ಲಿ ವಿಶ್ವಕಪ್ಗೆ ಆಯ್ಕೆಯಾಗಿರುವ ಯುವ ವೇಗಿ ಜೋಫ್ರಾ ಆರ್ಚರ್, ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಹಾಗೂ ವಿಂಡೀಸ್ ದಿಗ್ಗಜ ಕ್ರಿಸ್ ಗೇಲ್ ವಿಕೆಟ್ ಪಡೆಯುವುದೇ ನನ್ನ ಗುರಿ ಎಂದಿದ್ದಾರೆ.
ವಿಶ್ವಕಪ್ ತಂಡಕ್ಕೆ ಆಯ್ಕೆಯಾಗುವಲ್ಲಿ ಯಶಸ್ವಿಯಾದ ಜೋಫ್ರಾ ಆರ್ಚರ್ ಮಾಧ್ಯಮದೊಂದಿಗೆ ಪ್ರತಿಕ್ರಿಯಿಸಿದ್ದು, ವಿಶ್ವಕಪ್ನಲ್ಲಿ ವಿರಾಟ್ ಕೊಹ್ಲಿ ಹಾಗೂ ಕ್ರಿಸ್ ಗೇಲ್ ವಿಕೆಟ್ ಪಡೆಯಬೇಕೆಂಬ ಗುರಿ ಹೊಂದಿದ್ದೇನೆ. ವಿಲಿಯರ್ಸ್ ವಿಕೆಟ್ ಕೂಡಾ ಪಡೆಯಬೇಕೆಂಬ ಆಸೆಯಿದೆ. ಆದರೆ ಅವರು ದ. ಆಫ್ರಿಕಾ ಪರ ಆಡುವುದಿಲ್ಲ ಎಂದು ನಗೆ ಬೀರಿದ್ದಾರೆ.
ಆರ್ಚರ್ ಕಳೆದೆರಡು ಐಪಿಎಲ್ ಆವೃತ್ತಿಯಲ್ಲಿ ಆಡಿದರೂ ಕೊಹ್ಲಿಗೆ ಎಸೆದಿರುವುದು ಕೇವಲ 2 ಬಾಲ್ ಮಾತ್ರ. ಒಂದರಲ್ಲಿ ಕೊಹ್ಲಿ ಸಿಂಗಲ್‌ ತೆಗೆದರೆ, ಇನ್ನೊಂದು ಲೆಗ್‌ಬೈ ಆಗಿತ್ತು ಎಂದು ವಿವರಿಸಿದ್ದಾರೆ.
ಅನುಕೂಲವಾಗಲಿದೆ ಐಪಿಎಲ್ ಆಟ
ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಆಡಿರುವುದು ನನಗೆ ವೈಯಕ್ತಿವಾಗಿ ಅನುಕೂಲವಾಗಿ. ಲೀಗ್ನಲ್ಲಿ ವಿಶ್ವದ ಪ್ರಭಾವಿ ಆಟಗಾರರೆಲ್ಲ ಪಾಲ್ಗೊಳ್ಳುವುದರಿಂದ ಅವರ ಬ್ಯಾಟಿಂಗ್ ನ್ಯೂನ್ಯತೆಗಳು ಹಾಗೂ ಬಲ ಏನೆಂಬುದು ತಿಳಿದಿದ್ದೇನೆ. ಇದರಿಂದ ವಿಶ್ವಕಪ್ನಲ್ಲಿ ಉತ್ತಮವಾಗಿ ಬೌಲ್ ಮಾಡಲು ಅನುಕೂಲವಾಗಲಿದೆ ಎಂದಿದ್ದಾರೆ.
