ಅಹಮದಾಬಾದ್: ಜೂನ್ 13ರಂದು ಗುಜರಾತ್ ಕರಾವಳಿಗೆ ಅಪ್ಪಳಿಸಬೇಕಿದ್ದ ವಾಯು ಚಂಡಮಾರುತ ಕೊನೇ ಕ್ಷಣದಲ್ಲಿ ಪಥ ಬದಲಿಸಿತ್ತು. ಪರಿಣಾಮ ಗಾಂಧಿ ನಾಡು ದೊಡ್ಡ ಅನಾಹುತದಿಂದ ತಪ್ಪಿಸಿಕೊಂಡಿತ್ತು.
ಆದರೆ ವಾಯು ಚಂಡಮಾರುತ ಮತ್ತೊಮ್ಮೆ ಗುಜರಾತ್ ಮೇಲೆ ಕರಾಳ ದೃಷ್ಟಿ ಬೀರಿದೆ. ವಾಯು ಚಂಡಮಾರುತ ಗುಜರಾತ್ನತ್ತ ತಿರುಗಿದ್ದು ಸೋಮವಾರ ಮಧ್ಯರಾತ್ರಿ ಕರಾವಳಿಯಲ್ಲಿ ಹಾದುಹೋಗಲಿದೆ.
ಚಂಡಮಾರುತದ ಪರಿಣಾಮ ಸೌರಾಷ್ಟ್ರ ಹಾಗೂ ಕಛ್ ಭಾಗಗಳಲ್ಲಿ ಹೆಚ್ಚಿನ ಮಳೆಯಾಗುವ ಸಾಧ್ಯತೆ ಇದೆ. ಗುಜರಾತ್ನ ಕರಾವಳಿಗೆ ಹೊಂದಿಕೊಂಡಿರುವ ಜಿಲ್ಲೆಗಳಲ್ಲಿ ಗಾಳಿಯ ಜೊತೆಗೆ ವರ್ಷಧಾರೆ ಎಚ್ಚರಿಕೆಯನ್ನು ಹವಾಮಾನ ಇಲಾಖೆ ನೀಡಿದೆ.
ಚಂಡಮಾರುತದ ಹಿನ್ನೆಲೆಯಲ್ಲಿ ಮೀನುಗಾರರು ಕೆಲ ದಿನಗಳವರೆಗೆ ಸಮುದ್ರಕ್ಕಿಳಿಯದಂತೆ ಎಚ್ಚರಿಸಲಾಗಿದೆ. ಮಧ್ಯ ಪ್ರದೇಶ, ಛತ್ತೀಸ್ಗಢ, ಜಮ್ಮು ಮತ್ತು ಕಾಶ್ಮೀರ, ಪಂಜಾಬ್, ಒಡಿಶಾ, ಪಶ್ಚಿಮ ಬಂಗಾಳ, ಜಾರ್ಖಂಡ್, ಬಿಹಾರ್ ರಾಜ್ಯಗಳಲ್ಲಿ ಮಿಂಚು- ಗುಡುಗಿನ ಜೊತೆಗೆ ಗಾಳಿಯ ವೇಗವೂ ಹೆಚ್ಚಿರಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.
