ಧಾರವಾಡ: ರಸ್ತೆ ದಾಟುತ್ತಿದ್ದ ಕತ್ತೆಗೆ ಬೈಕ್ ಡಿಕ್ಕಿ ಹೊಡೆದ ಪರಿಣಾಮ ಕತ್ತೆ ಸ್ಥಳದಲ್ಲಿ ಸಾವನಪ್ಪಿ, ಬೈಕ್ನಲ್ಲಿದ್ದ ಯುವಕ, ಯುವತಿ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಅಳ್ನಾವರ ರಸ್ತೆಯಲ್ಲಿ ನಡೆದಿದೆ.
ಅಳ್ನಾವರದಿಂದ ಧಾರವಾಡಕ್ಕೆ ಕೆಟಿಎಂ ಬೈಕ್ನಲ್ಲಿ ಯುವಕ,ಯುವತಿ ಬರುತ್ತಿದ್ದರು. ಈ ಸಂದರ್ಭದಲ್ಲಿ ಕತ್ತೆ ಅಡ್ಡ ಬಂದಿದೆ. ಬೈಕ್ ನಿಯಂತ್ರಣಕ್ಕೆ ಸಿಗದೆ ಸವಾರ ಕತ್ತೆಗೆ ಡಿಕ್ಕಿ ಹೊಡೆದಿದ್ದಾನೆ ಎನ್ನಲಾಗುತ್ತಿದೆ. ಪರಿಣಾಮ ಕತ್ತೆ ಸ್ಥಳದಲ್ಲೇ ಸಾವನ್ನಪ್ಪಿದೆ.
ಇನ್ನೂ ಬೈಕ್ನಲ್ಲಿದ್ದ ಯುವಕ-ಯುವತಿ ಗಂಭೀರವಾಗಿ ಗಾಯಗೊಂಡಿದ್ದು, ಕಿಮ್ಸ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಯುವಕ,ಯುವತಿಯ ಹೆಸರು,ಸ್ಥಳ ಮೊದಲಾದ ಕುರಿತು ಯಾವುದೇ ಮಾಹಿತಿ ತಿಳಿದು ಬಂದಿಲ್ಲ.ಈ ಸಂಬಂಧ ಧಾರವಾಡ ಗ್ರಾಮೀಣ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.
