ಮುಂಬೈ: ಭಾರತ ಎ ಹಾಗೂ ಉತ್ತರ ಪ್ರದೇಶ ರಣಜಿ ತಂಡದ ಆಟಗಾರ ರಿಂಕು ಸಿಂಗ್ ರನ್ನು ಬಿಸಿಸಿಐ 3 ತಿಂಗಳ ಕಾಲ ಎಲ್ಲ ಮಾದರಿಯ ಕ್ರಿಕೆಟ್ನಿಂದ ನಿಷೇಧಿಸಿದೆ.
ರಿಂಕುಸಿಂಗ್ ಬಿಸಿಸಿಐನಿಂದ ಯಾವುದೇ ಒಪ್ಪಿಗೆ ಪಡೆಯದೇ ದುಬೈನಲ್ಲಿ ಅನಧಿಕೃತ ಟಿ-20 ಸ್ಪರ್ಧೆಯಲ್ಲಿ ಭಾಗವಹಿಸಿದ ಆರೋಪದ ಮೇಲೆ 3 ತಿಂಗಳ ನಿಷೇಧವೇರಲಾಗಿದೆ ಎಂದು ಬಿಸಿಸಿಐ ಮಾಧ್ಯಮ ವಿಭಾಗ ತಿಳಿಸಿದೆ.
ರಿಂಕು ಸಿಂಗ್ ಟಿ-20 ಟೂರ್ನಿಯಲ್ಲಿ ಪಾಲ್ಗೊಂಡಿರುವುದು ಬಿಸಿಸಿಐ ನಿಯಮಗಳನ್ನು ಮುರಿದಿದ್ದಾರೆ. ಹಾಗಾಗಿ ಅವರ ಮೇಲೆ ಜೂನ್ 1 ರಿಂದ 3 ತಿಂಗಳ ಕಾಲ ಯಾವುದೇ ದೇಶಿಯ ಕ್ರಿಕೆಟ್ ಟೂರ್ನಿಯಲ್ಲಿ ಪಾಲ್ಗೊಳ್ಳುವಿಕೆಯನ್ನು ನಿಷೇಧಿಸಲಾಗಿದೆ.
ಕೆಕೆಆರ್ ತಂಡದ ಆಟಗಾರನಾಗಿರುವ 21 ವರ್ಷದ ರಿಂಕು ಸಿಂಗ್ ಹುಬ್ಬಳ್ಳಿಯಲ್ಲಿ ನಡೆಯುತ್ತಿರುವ ಶ್ರೀಲಂಕಾ ಎ ವಿರುದ್ಧದ ಅನಧಿಕೃತ ಟೆಸ್ಟ್ ಪಂದ್ಯ ಹಾಗೂ ಏಕದಿನ ಪಂದ್ಯಗಳಿಗೆ ಆಯ್ಕೆಯಾಗಿದ್ದರು. ಇದೀಗ ನಿಷೇಧಕ್ಕೊಳಗಾಗಿ ಹೊರಬಿದ್ದಿದ್ದಾರೆ.
