ಚಳಿಗಾಲದ ಸ್ಪೆಷಲ್ ರೆಸಿಪಿ: ಸಖತ್ ಹಾಟ್‌ 'ಟೊಮೆಟೊ ಕೊತ್ತಂಬರಿ ಸೂಪ್‌', ರುಚಿಯು ಸೂಪರ್!

ಶೀತವನ್ನು ಹೊಡೆದೋಡಿಸಲು ಟೊಮೆಟೊ ಕೊತ್ತಂಬರಿ ಸೂಪ್‌ ಸೇವಿಸಬಹುದು. ರುಚಿಕರವಾದ ಈ ಸೂಪ್‌ ಅನ್ನು ಕೆಲವು ನಿಮಿಷಗಳಲ್ಲಿ ರೆಡಿ ಮಾಡುವುದು ಹೇಗೆ ಎಂಬುದನ್ನು ತಿಳಿಯೋಣ.

How to Make Tomato coriander Soup: ಕರ್ನಾಟಕದಲ್ಲಿ ರಾಜ್ಯದಲ್ಲಿ ಈಗಾಗಲೇ ಚಳಿ ಶುರುವಾಗಿದೆ. ದಿನವಿಡೀ ಬಿಸಿಲಿದ್ದರೂ ಸಂಜೆಯ ವೇಳೆಗೆ ಚಳಿ ಆವರಿಸುತ್ತದೆ. ಈ ಚಳಿಗಾಲದಲ್ಲಿ ನಾವು ಏನು ತಿನ್ನುತ್ತೇವೆ ಮತ್ತು ಕುಡಿಯುತ್ತೇವೆ ಎಂದು ಖಚಿತಪಡಿಸಿಕೊಳ್ಳಬೇಕಾಗುತ್ತದೆ. ವಿಶೇಷವಾಗಿ ಮಹಿಳೆಯರು ಬಿಸಿ ಬಿಸಿಯಾದ ಆಹಾರವನ್ನು ಸೇವಿಸುತ್ತಾರೆ. ಜೊತೆಗೆ ಸೂಪ್‌ಗಳನ್ನು ಸೇವಿಸುತ್ತಾರೆ. ನಮ್ಮಲ್ಲಿ ಹಲವು ವಿಧದ ಸೂಪ್‌ಗಳಿವೆ. ಅದರಲ್ಲಿ ಟೊಮೆಟೊ ಕೊತ್ತಂಬರಿ ಸೂಪ್​ ಕೂಡ ಒಂದು. ಈ ಸೂಪ್ ಕುರಿತು ಹಲವರಿಗೆ ತಿಳಿದಿದೆ. ಆದರೆ, ಈ ಸೂಪ್ ಹೇಗೆ ಮಾಡಬೇಕೆಂದು ಹಲವು ಜನರಿಗೆ ತಿಳಿದಿಲ್ಲ. ಕೆಲವರು ಹೊರಗಿನಿಂದ ಇನ್ ಸ್ಟಂಟ್ ಸೂಪ್ ಪೌಡರ್ ಪಡೆದು ತಯಾರಿಸುತ್ತಾರೆ.

ಅಂಥವರು ಈ ಸ್ಟೋರಿಯಲ್ಲಿ ಕೊಟ್ಟಿರುವ ಟಿಪ್ಸ್ ಮತ್ತು ಅಳತೆಗಳನ್ನು ಅನುಸರಿಸಿದರೆ ಈ ಸೂಪ್​ನ ರುಚಿಯೂ ಅದ್ಭುತ. ಇದನ್ನು ಕೆಲವೇ ನಿಮಿಷಗಳಲ್ಲಿ ತಯಾರಿಸಬಹುದು. ಶೀತವನ್ನು ದೂರವಿಡುವ ಮತ್ತು ಬಾಯಲ್ಲಿ ನೀರೂರಿಸುವ ಆರೋಗ್ಯಕರ ಸೂಪ್ ಮಾಡುವುದು ಹೇಗೆ? ಇದಕ್ಕೆ ಬೇಕಾದ ಪದಾರ್ಥಗಳೇನು ಎಂಬುದನ್ನು ನೋಡೋಣ.

ಟೊಮೆಟೊ ಕೊತ್ತಂಬರಿ ಸೂಪ್​​ಗೆ ಬೇಕಾಗುವ ಪದಾರ್ಥಗಳೇನು?:

• ತುಪ್ಪ ಅಥವಾ ಬೆಣ್ಣೆ - ಅರ್ಧ ಟೀಸ್ಪೂನ್
• ಎಣ್ಣೆ - 1 ಟೀಸ್ಪೂನ್
• ನುಣ್ಣಗೆ ಕತ್ತರಿಸಿದ ಬೆಳ್ಳುಳ್ಳಿ - 3
• ತುರಿದ ಶುಂಠಿ - ಅರ್ಧ ಇಂಚು
• ದಾಲ್ಚಿನ್ನಿ - ಸಣ್ಣ ತುಂಡು
• ಏಲಕ್ಕಿ - 3
• ಲವಂಗ - 2
• ಬಿರಿಯಾನಿ ಎಲೆ - 1
• ಕರಿಮೆಣಸು - ಅರ್ಧ ಟೀಸ್ಪೂನ್
• ಗೋಧಿ ಹಿಟ್ಟು - 1 ಟೀಸ್ಪೂನ್
• ಟೊಮೆಟೊ - ಕಾಲು ಕೆಜಿ
• ಕೊತ್ತಂಬರಿ - 100 ಗ್ರಾಂ
• ಖಾರದ ಪುಡಿ - ಅರ್ಧ ಚಮಚ
• ಉಪ್ಪು - ರುಚಿಗೆ ತಕ್ಕಷ್ಟು
• ಹಸಿಮೆಣಸಿನಕಾಯಿ - 2
• ನೀರು - ಅರ್ಧ ಲೀಟರ್

ತಯಾರಿಸುವ ವಿಧಾನ:

• ಒಲೆ ಆನ್ ಮಾಡಿ ಮತ್ತು ಪಾತ್ರೆ ಇಡಿ ತುಪ್ಪ ಅಥವಾ ಬೆಣ್ಣೆ ಮತ್ತು ಎಣ್ಣೆಯನ್ನು ಹಾಕಿ.
• ನಂತರ ಕತ್ತರಿಸಿದ ಬೆಳ್ಳುಳ್ಳಿ, ಕತ್ತರಿಸಿದ ಶುಂಠಿ, ದಾಲ್ಚಿನ್ನಿ, ಏಲಕ್ಕಿ, ಲವಂಗ, ಬಿರಿಯಾನಿ ಎಲೆ ಮತ್ತು ಕರಿಮೆಣಸು ಸೇರಿಸಿ ಚೆನ್ನಾಗಿ ಫ್ರೈ ಮಾಡಿ.
• ನಂತರ ಗೋಧಿ ಹಿಟ್ಟು ಹಾಕಿ ಚೆನ್ನಾಗಿ ವಾಸನೆ ಬರುವವರೆಗೆ ಹುರಿಯಿರಿ.
• ನಂತರ ಟೊಮೆಟೊ ಚೂರುಗಳನ್ನು ಹಾಕಿ ನಾಲ್ಕು ನಿಮಿಷ ಫ್ರೈ ಮಾಡಿ. ಅದರ ನಂತರ, ಕೊತ್ತಂಬರಿ ಸೊಪ್ಪನ್ನು ಸ್ವಚ್ಛವಾಗಿ ತೊಳೆದು ಅದನ್ನು ಕಾಂಡಗಳೊಂದಿಗೆ ಸೇರಿಸಿ. ಅದರ ನಂತರ, ಅರ್ಧ ಚಮಚ ಖಾರದ ಪುಡಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಮಿಶ್ರಣ ಮಾಡಿ.
• ಅದರ ನಂತರ, ಹಸಿಮೆಣಸಿನಕಾಯಿಯನ್ನು ಕತ್ತರಿಸಿ, ಅದರ ಮೇಲೆ ಮುಚ್ಚಳವನ್ನು ಹಾಕಿ, ಮಧ್ಯಮ ಉರಿಯಲ್ಲಿ ಇಡಿ ಮತ್ತು ಟೊಮೆಟೊ ತುಂಡುಗಳನ್ನು ಚೆನ್ನಾಗಿ ಬೇಯಿಸಿ.
• ಟೊಮೆಟೊ ತುಂಡುಗಳು ಸಂಪೂರ್ಣವಾಗಿ ಬೆಂದ ನಂತರ ಅದಕ್ಕೆ ಅರ್ಧ ಲೀಟರ್ ನೀರು ಹಾಕಿ ಕಡಿಮೆ ಉರಿಯಲ್ಲಿ ಕುದಿಯಲು ಬಿಡಿ.
• ಈ ಸೂಪ್ ಅನ್ನು ಕಡಿಮೆ ಉರಿಯಲ್ಲಿ ಮಾಡಿದರೆ ರುಚಿ ಚೆನ್ನಾಗಿರುತ್ತದೆ. ನೀರನ್ನು ಅರ್ಧದಷ್ಟು ಕಡಿಮೆಯಾಗುವವರಿಗೂ ಕುದಿಸಿ.
• ಅದರ ನಂತರ ಈ ಮಿಶ್ರಣವು ಸರಿಯಾದ ಬೆಂದ ನಂತರ, ರಸವನ್ನು ಸಾಣಿಗೆ ಹಿಡಿದು ಸೋಸಿಕೊಳ್ಳಿ. ಆಗ ತುಂಬಾ ರುಚಿಯಾದ ಟೊಮೆಟೊ ಕೊತ್ತಂಬರಿ ಸೂಪ್​ ಸಿದ್ಧ.
• ಸೂಪ್​ನ ಮೇಲೆ ಬೇಕೆನಿಸಿದರೆ ಸ್ವಲ್ಪ ಕೊತ್ತಂಬರಿ ಸೊಪ್ಪ​ನ್ನು ಉದುರಿಸಿ. ಈಗ ಸೇವಿಸಿದರೆ ಆ ಭಾವವನ್ನು ವರ್ಣಿಸಲು ಸಾಧ್ಯವಿಲ್ಲ. ತುಂಬಾ ಚೆನ್ನಾಗಿರುತ್ತದೆ. ಇಷ್ಟವಾದರೆ ಮನೆಯಲ್ಲಿ ಒಮ್ಮೆ ಟ್ರೈ ಮಾಡಿ ನೋಡಿ.

ಇವುಗಳನ್ನೂ ಓದಿ: