ಜೈಸಲ್ಮೇರ್(ರಾಜಸ್ಥಾನ): ಇಂದು 74ನೇ ರಾಷ್ಟ್ರೀಯ ಸೇನಾ ದಿನ. ಈ ಅಂಗವಾಗಿ ಸಂಪೂರ್ಣವಾಗಿ ಖಾದಿಯಿಂದ ತಯಾರಿಸಲ್ಪಟ್ಟಿರುವ ಜಗತ್ತಿನ ಅತಿದೊಡ್ಡ ತ್ರಿವರ್ಣ ಧ್ವಜ ಭಾರತೀಯ ಸೇನೆಯಿಂದ ಅನಾವರಣಗೊಂಡಿದೆ. ರಾಜಸ್ಥಾನದ ಜೈಸಲ್ಮೇರ್ ಯುದ್ಧ ವಸ್ತು ಸಂಗ್ರಹಾಲಯದಲ್ಲಿ ಇದನ್ನು ಹಾರಿಸಲಾಗಿದೆ.
ಆರೋಹಣಗೊಂಡಿರುವ ತ್ರಿವರ್ಣ ಧ್ವಜ ಒಟ್ಟು 225 ಅಡಿ ಉದ್ದ, 150 ಅಡಿ ಅಗಲವಿದ್ದು, ಒಂದು ಟನ್ ತೂಕವಿದೆ. ಈ ಧ್ವಜ ಸುಮಾರು 37 ಸಾವಿರದ 500 ಚದರ್ ಅಡಿ ವಿಸ್ತಾರ ಹೊಂದಿದೆ. ಖಾದಿ ಗ್ರಾಮೋದ್ಯೋಗ ಆಯೋಗ(Khadi Village Industries Commission) ಇದನ್ನ ನಿರ್ಮಾಣ ಮಾಡಿದೆ ಎಂದು ತಿಳಿದುಬಂದಿದೆ.
ರಾಜಸ್ಥಾನದ ಜೈಸಲ್ಮೇರ್ ರೈಲು ನಿಲ್ದಾಣ ಮತ್ತು ವಾರ್ ಮ್ಯೂಸಿಯಂನಲ್ಲಿ ಈಗಾಗಲೇ ಭಾರತದ ಅತಿದೊಡ್ಡ ತ್ರಿವರ್ಣ ಧ್ವಜಗಳು ಹಾರಾಟ ನಡೆಸಿವೆ. ಆದರೆ, ವಾರ್ ಮ್ಯೂಸಿಯಂನಲ್ಲಿ ಅನಾವರಣಗೊಂಡಿರುವ ವಿಶ್ವದ ಅತಿದೊಡ್ಡ ತ್ರಿವರ್ಣ ಧ್ವಜ ಇದಾಗಿದೆ.
ಇದನ್ನೂ ಓದಿರಿ: ಲೇಹ್ನಲ್ಲಿ 2 ಸಾವಿರ ಅಡಿ ಎತ್ತರದಲ್ಲಿ ವಿಶ್ವದ ಅತಿದೊಡ್ಡ ಭಾರತದ ತ್ರಿವರ್ಣ ಧ್ವಜ- ವಿಡಿಯೋ
ಲಡಾಖ್ನ ಲೇಹ್ ಪ್ರದೇಶದಲ್ಲಿ ಮಹಾತ್ಮ ಗಾಂಧಿ ಅವರ 152ನೇ ಜನ್ಮದಿನದಂದು ಖಾದಿ ಬಟ್ಟೆಯಿಂದ ತಯಾರಿಸಿದ್ದ ವಿಶ್ವದ ಅತಿದೊಡ್ಡ ತ್ರಿವರ್ಣ ಧ್ವಜವನ್ನು ಹಾರಿಸಲಾಗಿತ್ತು. ಲೇಹ್ ಮತ್ತು ಮುಂಬೈನ ಗೇಟ್ ವೇ ಆಫ್ ಇಂಡಿಯಾ ಬಳಿಕ ಅತಿದೊಡ್ಡ ಖಾದಿ ತ್ರಿವರ್ಣ ಧ್ವಜ ಹೊಂದಿರುವ ಶ್ರೇಯ ಇದೀಗ ಜೈಸಲ್ಮೇರ್ಗೆ ಸಲ್ಲುತ್ತದೆ.
75ನೇ ಸ್ವಾತಂತ್ರ್ಯೋತ್ಸವ ಸಂಭ್ರಮ ಹಾಗೂ ಗಾಂಧಿ ಜಯಂತಿ ಆಚರಣೆ ಅಂಗವಾಗಿ ಲಡಾಖ್ನ ಲೇಹ್ನಲ್ಲಿ ವಿಶ್ವದ ಅತಿದೊಡ್ಡ ಭಾರತದ ತ್ರಿವರ್ಣ ಧ್ವಜವನ್ನು ಈ ಹಿಂದೆ ಅನಾವರಣಗೊಳಿಸಲಾಗಿತ್ತು.
