ಜೀವನದ ಆರಂಭಿಕ ವರ್ಷಗಳಲ್ಲಿ ಸರಿಯಾದ ರೀತಿಯ ಪೋಷಣೆಯು ಚಿಕ್ಕ ಮಗುವಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಹೀಗಾಗಿ, ವೈದ್ಯರ ಸಲಹೆಯ ಪ್ರಕಾರ ಒಂದು ವರ್ಷದವರೆಗೆ ವಿಶೇಷವಾದ ಆಹಾರವು ನಿಮ್ಮ ಮಗುವಿಗೆ ಆರೋಗ್ಯವಾಗಿರಲು ಮತ್ತು ವಿವಿಧ ಅಲರ್ಜಿಗಳು, ಸೋಂಕುಗಳು ಮತ್ತು ರೋಗಗಳನ್ನು ದೂರವಿಡಲು ಪ್ರಮುಖವಾಗಿದೆ. ಸ್ತನ್ಯಪಾನವು ಮಗುವಿಗೆ ಅತ್ಯಗತ್ಯ ಮತ್ತು ಮಗುವಿನ ಪೋಷಣೆಯ ಅಗತ್ಯವನ್ನು ಪೂರೈಸುತ್ತದೆ. ಆರು ತಿಂಗಳಲ್ಲಿ ನೀವು ಮಗುವಿಗೆ ಘನ ಆಹಾರ ನೀಡಲು ಆರಂಭಿಸಬೇಕು.
ಮಗುವಿನ ಪೋಷಣೆಗೆ ನೀವು ಅನುಸರಿಸಬೇಕಾದ ಕ್ರಮಗಳು ಇಲ್ಲಿವೆ :
- ಮೊದಲ ಕೆಲವು ತಿಂಗಳುಗಳ ನಂತರ ತಕ್ಷಣವೇ ನಿಮ್ಮ ಮಗುವನ್ನು ಘನ ಆಹಾರಗಳಿಗೆ ಪರಿಚಯಿಸಬೇಡಿ. ಚಿಕ್ಕಮಕ್ಕಳಾದ್ದರಿಂದ ಅದಕ್ಕೆ ಹೊಂದಿಕೊಳ್ಳಲು ಸಿದ್ಧವಾಗಿಲ್ಲದಿರಬಹುದು. ಮಗುವಿಗೆ ನೀವು ಎದೆ ಹಾಲನ್ನು ನೀಡಬೇಕು ಮತ್ತು ವೈದ್ಯರ ಸಲಹೆಯ ನಂತರ ಫಾರ್ಮುಲಾ ಹಾಲು ನೀಡಬಹುದು. ತಾಳ್ಮೆಯಿಂದಿರಿ ಮತ್ತು ತಜ್ಞರು ನೀಡಿದ ಸಲಹೆಗಳನ್ನು ಅನುಸರಿಸಿ.
- ರಾತ್ರಿಯೂ ಸೇರಿದಂತೆ ಪ್ರತಿ ಎರಡು ಗಂಟೆಗಳ ನಂತರ ತಾಯಿ ಮಗುವಿಗೆ ಹಾಲುಣಿಸಬೇಕು. ಮಗು ನಿಮಗೆ ನೀಡುವ ಹಸಿವಿನ ಸೂಚನೆಗಳನ್ನು ನೀವು ಸರಿಯಾಗಿ ಅರ್ಥಮಾಡಿಕೊಳ್ಳಬೇಕು. ಮಗುವನ್ನು ಆಹಾರಕ್ಕಾಗಿ ಒತ್ತಾಯಿಸಬೇಡಿ. ಅವನು/ಅವಳು ಸಿಟ್ಟಾಗಬಹುದು. ಮಗು ದಿನಕ್ಕೆ ಎಷ್ಟು ಬಾರಿ ಫೀಡ್‌ಗಳನ್ನು ತೆಗೆದುಕೊಳ್ಳುತ್ತದೆ ಮತ್ತು ಸರಿಯಾಗಿ ತಿನ್ನುತ್ತಿದೆಯೇ ಎಂಬುದನ್ನು ನೀವು ಗಮನಿಸಬೇಕು.
- ನಿಮ್ಮ ಶಿಶುಗಳಲ್ಲಿ ಆರೋಗ್ಯಕರ ಆಹಾರ ಪದ್ಧತಿಯನ್ನು ನೀವು ರೂಢಿಸಿರುವ ಬಗ್ಗೆ ಖಚಿತಪಡಿಸಿಕೊಳ್ಳಿ. ಅದು ಅವರಿಗೆ ಜೀವನದುದ್ದಕ್ಕೂ ಸಹಾಯ ಮಾಡುತ್ತದೆ. ಮಗುವಿನ ಬೆಳವಣಿಗೆಗೆ ಅನುಗುಣವಾಗಿ ಆರು ತಿಂಗಳ ನಂತರ ಘನ ಆಹಾರವನ್ನು ಪರಿಚಯಿಸಬೇಕು. ಒಣದ್ರಾಕ್ಷಿ, ಕಡಲೆಕಾಯಿ, ದ್ವಿದಳ ಧಾನ್ಯದ ಆಹಾರ ನೀಡಿ.
- ಸರಿಯಾಗಿ ಬೇಯಿಸಿದ ಅಥವಾ ಹಿಸುಕಿದ ಆಲೂಗಡ್ಡೆ, ತರಕಾರಿಗಳು, ಚೀಸ್, ಬಾಳೆಹಣ್ಣು ಮತ್ತು ಬಟಾಣಿ ನೀಡಿ. ಚಿಪ್ಸ್ ಅಥವಾ ಎಣ್ಣೆಯುಕ್ತ ತಿಂಡಿಗಳ ಬದಲಿಗೆ ಸಂಪೂರ್ಣ ಹಣ್ಣುಗಳನ್ನು ತಿನ್ನುವಂತೆ ಮಾಡಿ.
- ಚಾಕೊಲೇಟ್ ಕೆಫೀನ್ ಮತ್ತು ಸಕ್ಕರೆಯನ್ನು ಹೊಂದಿರುತ್ತದೆ. ನಿಮ್ಮ ಮಗುವಿನ ಆರೋಗ್ಯವು ನಿಮಗೆ ಹೆಚ್ಚು ಮುಖ್ಯವಾಗಿದೆ. ಆದ್ದರಿಂದ, ನಿಮ್ಮ ಮಗು ಆರೋಗ್ಯಕರ ಆಹಾರವನ್ನು ಸೇವಿಸುತ್ತಿದೆಯೇ ಎಂದು ಖಚಿತಪಡಿಸಿಕೊಳ್ಳುವುದು ನಿಮಗೆ ಅತ್ಯಗತ್ಯವಾಗಿರುತ್ತದೆ.
- ಮೊಟ್ಟೆಯನ್ನು ನೀಡುವ ಮೊದಲು, ಮೊಟ್ಟೆಯು ಅಲರ್ಜಿಗೆ ಕಾರಣವಾಗಬಹುದಾ ಎಂದು ತಜ್ಞರನ್ನು ಕೇಳಿ. ಹಸಿ ತರಕಾರಿಗಳು ಹೆಚ್ಚಿನ ಮಟ್ಟದ ನೈಟ್ರೇಟ್ ಅನ್ನು ಹೊಂದಿರುತ್ತವೆ. ಆದ್ದರಿಂದ ಅವುಗಳನ್ನು ತಪ್ಪಿಸಬೇಕು.
ಹೆಚ್ಚಿನ ಸಲಹೆಗಾಗಿ ಪೀಯೂಶ್ ರಾಂಖಂಬ್, ಸಲಹೆಗಾರ, ಪೀಡಿಯಾಟ್ರಿಕ್ಸ್, ನಿಯೋನಾಟಾಲಜಿ, ಮಾತೃತ್ವ ಆಸ್ಪತ್ರೆ, ಖಾರ್‌ಘರ್‌ ಅವರನ್ನು ಸಂಪರ್ಕಿಸಿ.
