ಡಾರ್ಟ್ಮಂಡ್ (ಜರ್ಮನಿ): ಮಾಜಿ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಅವರು ರಷ್ಯಾದ ಗ್ರ್ಯಾಂಡ್ ಮಾಸ್ಟರ್ ವ್ಲಾಡಿಮಿರ್ ಕ್ರಾಮ್ನಿಕ್ ವಿರುದ್ಧ ಆಡಿದ ಚೆಸ್ ಪಂದ್ಯದಲ್ಲಿ ಡ್ರಾ ಮಾಡಿಕೊಂಡಿದ್ದಾರೆ. ಸ್ಪಾರ್ಕಸ್ಸೆನ್ ಟ್ರೋಫಿಗಾಗಿ ನಡೆದ ನಾಲ್ಕು ಪಂದ್ಯಗಳ ಎರಡನೇ ಆಟದಲ್ಲಿ ಡ್ರಾ ಆಗಿದೆ.
ಇಂಗ್ಲಿಷ್ ಫೋರ್ ನೈಟ್ಸ್ ಮಾರ್ಪಾಡು ಆಟದಲ್ಲಿ ಕಪ್ಪು ಚೆಸ್ ಪಾನ್ ಆಯ್ದುಕೊಂಡಿದ್ದ ಆನಂದ್ 39 ಚಲನೆಯ ನಂತರ ಡ್ರಾ ಮಾಡಿಕೊಂಡಿದ್ದಾರೆ. ಇದಕ್ಕೂ ಮುನ್ನ ಬುಧವಾರ ನಡೆದ ಮೊದಲ ಪಂದ್ಯದಲ್ಲಿ ಬಿಳಿ ಪಾನ್ ಜೊತೆ ಆನಂದ್ ಆಡಿದ್ದರು. ಈ ಸಂದರ್ಭದಲ್ಲಿ 66 ಚಲನೆಯ ಬಳಿಕ ಕ್ರಾಮ್ನಿಕ್ನನ್ನು ಹಿಮ್ಮೆಟ್ಟಿಸಿದ್ದರು.
ಇನ್ನು ಮುಂಬರುವ ಆಟದಲ್ಲಿ ಮತ್ತೆ ಮಾಜಿ ವಿಶ್ವ ಚಾಂಪಿಯನ್ ಕ್ರಾಮ್ನಿಕ್ ವಿರುದ್ಧ ಸೆಣಸಾಡಲಿದ್ದಾರೆ. ಇನ್ನೆರಡು ಪಂದ್ಯ ಬಾಕಿ ಇದ್ದು, ಈಗಾಗಲೇ ಒಂದು ಪಂದ್ಯ ಗೆದ್ದು, ಇನ್ನೊಂದು ಪಂದ್ಯ ಡ್ರಾದಲ್ಲಿ ಅಂತ್ಯವಾಗಿದೆ.
