ಜಗದಲ್ಪುರ(ಛತ್ತೀಸ್‌ಗಢ): ಗಿಳಿಯೊಂದು ಕಾಣೆಯಾಗಿದೆ ಎಂದು ವ್ಯಕ್ತಿಯೊಬ್ಬರು ಪೊಲೀಸ್ ಠಾಣೆ ಮೆಟ್ಟಿಲೇರಿದ ಘಟನೆ ಛತ್ತೀಸ್ಗಢದ ಜಗದಲ್ಪುರ ಜಿಲ್ಲೆಯಲ್ಲಿ ನಡೆದಿದೆ. ಗಿಣಿಯೊಂದನ್ನು ತಾನು ತುಂಬಾ ಪ್ರೀತಿಯಿಂದ ಸಾಕಿದ್ದೆ. ಆದರೆ, ಗಿಳಿ ದೇಶದ್ರೋಹಿ ಎಂದು ತಿಳಿದು ಬಂದಿದೆ. ಪಂಜರ ತೆರೆದ ತಕ್ಷಣ ಗಿಳಿ ಕೈಗೆ ಸಿಗದಂತೆ ಹಾರಿ ಹೋಗಿದೆ. ದಯವಿಟ್ಟು ಆ ಗಿಳಿಯನ್ನು ಹುಡುಕಿಕೊಡಿ ಎಂದು ದೂರು ನೀಡಲಾಗಿದೆ.
ಹೀಗಂತಾ ಪೊಲೀಸ್ ಠಾಣೆ ಮೆಟ್ಟಿಲು ಏರಿದ ವ್ಯಕ್ತಿಯ ಹೆಸರು, ಮಾಲೀಕ ಮನೀಶ್ ಠಕ್ಕರ್. ಈ ಠಕ್ಕರ್ ನೀಡಿರುವ ದೂರು ಸ್ವೀಕರಿಸಿರುವ ಜಗದಲ್ಪುರ ಪೊಲೀಸರು, ಗಿಳಿಯ ಹುಡುಕಾಟ ಆರಂಭಿಸಿದ್ದಾರೆ.
ಮನೀಶ್ ದೂರಿನಲ್ಲಿರೋದೇನು? ಗಿಳಿಯನ್ನು ಅತೀ ಪ್ರೀತಿಯಿಂದ ಸಾಕಿದ್ದೆ. ಕುಟುಂಬ ಸದಸ್ಯರು ಕಳೆದ 7 ವರ್ಷಗಳಿಂದ ಮುದ್ದು ಗಿಣಿಯನ್ನು ಬೆಳಗ್ಗೆ ಮತ್ತು ಸಂಜೆ ಮನೆಯವರಂತೆ ಕಣ್ಣು ರೆಪ್ಪೆಗಳಂತೆ ನೋಡಿಕೊಳ್ಳುತ್ತಿದ್ದರು. ತೀರಾ ಮುದ್ದು ಮುದ್ದಾಗಿ ಸಾಕಿದ ಪರಿಣಾಮ ಗಿಳಿ ಎಲ್ಲರನ್ನೂ ಕೆಣಕಲು ಆರಂಭಿಸಿತ್ತು. ಈಗ ಅದು ಪಂಜರದಿಂದಲೇ ತಪ್ಪಿಸಿಕೊಂಡು ಹೋಗಿದೆ ಎಂದು ದೂರಿನಲ್ಲಿ ಮನೀಶ್ ವಿವರಿಸಿದ್ದಾನೆ.
ಈ ಸಂಬಂಧ ನೀಡಿರುವ ದೂರನ್ನು ಸ್ವೀಕರಿಸಿರುವ ಜಗದಲ್ಪುರ ಸಿಟಿ ಕೊಟ್ವಾಲಿ ಇನ್ಚಾರ್ಜ್ ಎಮನ್ ಸಾಹು ಮಾತನಾಡಿ, ಮನೀಶ್ ನೀಡಿರುವ ದೂರು ಸ್ವೀಕರಿಸಲಾಗಿದೆ. ನಗರದಲ್ಲಿ ಅಳವಡಿಸಿರುವ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲನೆ ನಡೆಸಲಾಗುತ್ತಿದೆ. ಶೀಘ್ರದಲ್ಲೇ ನಗರದ ಸಿಸಿಟಿವಿ ದೃಶ್ಯಾವಳಿಗಳ ಮೂಲಕ ಗಿಳಿಯನ್ನು ಪತ್ತೆಹಚ್ಚಿ ಅದರ ಮಾಲೀಕರಿಗೆ ಹಸ್ತಾಂತರಿಸಲಾಗುವುದು ಎಂದು ತಿಳಿಸಿದ್ದಾರೆ.
ಇದನ್ನು ಓದಿ: ಮತ್ತು ಬರೋ ಔಷಧ ನೀಡಿ ಶಿಕ್ಷಕಿ ಮೇಲೆ ರೇಪ್: ಬ್ಲಾಕ್ ಮೇಲೆ ಮಾಡಿ, ಮತಾಂತರಕ್ಕೆ ಒತ್ತಡ
