ತಿರುಪತಿ ಉಪಚುನಾವಣೆ : ಕರುನಾಡಲ್ಲಿ ಸೇವೆ ಸಲ್ಲಿಸಿದ್ದ ರತ್ನಪ್ರಭಾಗೆ ಬಿಜೆಪಿ ಟಿಕೆಟ್​

ತಿರುಪತಿಯ ಬಲ್ಲಿ ದುರ್ಜೆ ಪ್ರಸಾದ್​ ರಾವ್ ಕಳೆದ ವರ್ಷ ಕೊರೊನಾದಿಂದ ಸಾವಿಗೀಡಾಗಿದ್ದರು. ತೆರವಾಗಿದ್ದ ಸ್ಥಾನಕ್ಕೆ ಇದೀಗ ಚುನಾವಣೆ ನಡೆಯುತ್ತಿದ್ದು, ಮಾಜಿ ಐಎಎಸ್ ಅಧಿಕಾರಿ ಕೆ. ರತ್ನಪ್ರಭಾ ಅವರನ್ನು ಪಕ್ಷ ಅಭ್ಯರ್ಥಿಯಾಗಿ ಘೋಷಣೆ ಮಾಡಿದೆ.

ನವದೆಹಲಿ : ಕರ್ನಾಟಕ ಸೇರಿ ವಿವಿಧ ರಾಜ್ಯಗಳ ವಿಧಾನಸಭೆ ಹಾಗೂ ಲೋಕಸಭೆ ಉಪ ಚುನಾವಣೆಗೆ ಬಿಜೆಪಿ ಅಭ್ಯರ್ಥಿಗಳ ಹೆಸರನ್ನು ಬಿಡುಗಡೆ ಮಾಡಿದ್ದು, ಕರ್ನಾಟಕದ ಬೆಳಗಾವಿ ಕ್ಷೇತ್ರಕ್ಕೆ ಮಂಗಳಾ ಅಂಗಡಿ ಹಾಗೂ ಕರ್ನಾಟಕದಲ್ಲಿ ಸೇವೆ ಸಲ್ಲಿಸಿದ ಮಾಜಿ ಐಎಎಸ್ ಅಧಿಕಾರಿ ಕೆ. ರತ್ನಪ್ರಭಾ​ ಅವರಿಗೆ ಬಿಜೆಪಿ ಹೈಕಮಾಂಡ್​ ಮಣೆ ಹಾಕಿದೆ.

ಬೆಳಗಾವಿ ಲೋಕಸಭಾ ಕ್ಷೇತ್ರದಲ್ಲಿ ನಾಲ್ಕು ಸಲ ಸಂಸದರಾಗಿದ್ದ ಸುರೇಶ್ ಅಂಗಡಿ ಕಳೆದ ವರ್ಷ ಕೋವಿಡ್​ನಿಂದ ನಿಧನರಾಗಿದ್ದರು. ಈ ಕಾರಣದಿಂದಾಗಿ ಲೋಕಸಭಾ ಕ್ಷೇತ್ರಕ್ಕೆ ಉಪಚುನಾವಣೆ ನಡೆಯುತ್ತಿದೆ

ತಿರುಪತಿ ಲೋಕಸಭಾ ಉಪಚುನಾವಣೆಯ ಅಭ್ಯರ್ಥಿಯಾಗಿ ಮಾಜಿ ಐಎಎಸ್ ಅಧಿಕಾರಿ ಕೆ. ರತ್ನಪ್ರಭಾ ಅವರನ್ನು ಪಕ್ಷ ಘೋಷಣೆ ಮಾಡಿದೆ. ತಿರುಪತಿ ಬಲ್ಲಿ ದುರ್ಜೆ ಪ್ರಸಾದ್​ ರಾವ್ ಅವರು ಕೂಡ ಕಳೆದ ವರ್ಷ ಕೊರೊನಾದಿಂದ ಸಾವಿಗೀಡಾಗಿದ್ದರು.

ಆರು ರಾಜ್ಯಗಳಲ್ಲಿ ನಡೆಯಲಿರುವ ವಿಧಾನಸಭಾ ಉಪಚುನಾವಣೆಗೆ ಬಿಜೆಪಿ ಒಂಬತ್ತು ಅಭ್ಯರ್ಥಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಏಪ್ರಿಲ್ 17 ರಂದು ಚುನಾವಣೆ ನಡೆಯಲಿದ್ದು, ಮೇ 2 ರಂದು ಮತ ಎಣಿಕೆ ಕಾರ್ಯ ನಡೆಯಲಿದೆ.

	ರಾಜ್ಯ	ಕ್ಷೇತ್ರ	ಹೆಸರು
1	ಆಂಧ್ರಪ್ರದೇಶ	ತಿರುಪತಿ (ಲೋಕಸಭೆ)	ರತ್ನಪ್ರಭಾ
2	ಕರ್ನಾಟಕ	ಬೆಳಗಾವಿ(ಲೋಕಸಭೆ)	ಮಂಗಳಾ ಸುರೇಶ್​ ಅಂಗಡಿ
3	ಜಾರ್ಖಂಡ್​	ಮಾದಾಪುರ್​	ಗಂಗಾ ನಾರಾಯಣ್​ ಸಿಂಗ್​
4	ಕರ್ನಾಟಕ	ಬಸವ ಕಲ್ಯಾಣ	ಶರಣು ಸಲಗಾರ್​
5	ಕರ್ನಾಟಕ	ಮಸ್ಕಿ	ಪ್ರತಾಪ್​ ಗೌಡ ಪಾಟೀಲ್​
6	ಮಧ್ಯಪ್ರದೇಶ	ದಮೋಹ್	ರಾಹುಲ್ ಸಿಂಗ್​
7	ಮಿಜೋರಾಂ	ಸೆರ್​ಚಿಪ್	ಲಾಲ್​ಹರಿಯಾಟ್ರೆಂಗಾ ಚಂಗ್ತೆ
8	ಒಡಿಶಾ	ಪಿಪಿಲಿ	ಅಶ್ರಿತ್​ ಪಟ್ನಾಯಕ್​
9	ರಾಜಸ್ಥಾನ	ಸಹರಾ	ರತನ್​ ಲಾಲ್​ ಜಟ್​
10	ರಾಜಸ್ಥಾನ	ಸುಜಂಗಢ	ಖೆಮರಾಮ್​ ಮೆಘವಾಲ್​
11	ರಾಜಸ್ಥಾನ	ರಾಜಸಮಂದ್​​	ದೀಪ್ತಿ ಮಹೇಶ್ವರಿ