ಮಾಧೇಪುರ್(ಬಿಹಾರ): ಬಿಹಾರದ ಮಾಧೇಪುರ ರಸ್ತೆಯಲ್ಲಿ ನಡೆದ ರಸ್ತೆ ಅಪಘಾತವೊಂದರಲ್ಲಿ ಮೂವರು ಯುವಕರು ಸಜೀವ ದಹನವಾಗಿದ್ದಾರೆ. ಬೈಕ್ ಮತ್ತು ಕಾರಿನ ಮಧ್ಯೆ ಅಪಘಾತ ನಡೆದಿದ್ದು, ಬೈಕ್ಗೆ ಬೆಂಕಿ ಹೊತ್ತಿಕೊಂಡಿದೆ. ಪರಿಣಾಮ ದುರ್ಘಟನೆ ಘಟಿಸಿತು ಎಂದು ವರದಿಯಾಗಿದೆ.
ಶಂಕರಪುರ ಪೊಲೀಸ್ ಠಾಣಾ ವ್ಯಾಪ್ತಿಯ ನಿಸಿಹಾರ್ಪುರದಲ್ಲಿ ನಿನ್ನೆ ರಾತ್ರಿ ಔತಣಕೂಟ ಏರ್ಪಡಿಸಲಾಗಿತ್ತು. ಇಲ್ಲಿಗೆ ಮೂವರು ಯುವಕರು ಬೈಕ್ ಮೇಲೆ ತೆರಳಿದ್ದರು. ಊಟ ಮುಗಿಸಿ ರಾತ್ರಿ 1ರಿಂದ 2 ಗಂಟೆಯ ಸುಮಾರಿಗೆ ಮಾಧೇಪುರಕ್ಕೆ ವಾಪಸ್ ಬರುತ್ತಿದ್ದರು. ಈ ವೇಳೆ ಅವರ ಬೈಕ್ ಎದುರಿನಿಂದ ಬಂದ ಕಾರಿಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಬೈಕ್ಗೆ ಬೆಂಕಿ ಹೊತ್ತಿಕೊಂಡಿದ್ದು, ಮೂವರು ಸುಟ್ಟು ಕರಕಲಾದರು.
ಇದನ್ನೂ ಓದಿ: 'ಭಾರತಕ್ಕೆ ಇರುವುದೊಂದೇ ಭಾಷೆ, ಅದು ಮನರಂಜನೆ': ಅಜಯ್ ದೇವಗನ್ಗೆ ಸೋನು ಸೂದ್ ತಿರುಗೇಟು
ಈ ವೇಳೆ ಅದೇ ರಸ್ತೆಯಲ್ಲಿ ಹೋಗ್ತಿದ್ದ ಮಾಜಿ ಸಂಸದ ಪಪ್ಪು ಯಾದವ್ ಅವರ ಬೆಂಗಾವಲು ಪಡೆ ರಕ್ಷಣೆಗೆ ಮುಂದಾಗಿದೆ. ತಕ್ಷಣವೇ ಸ್ಥಳೀಯ ವೈದ್ಯಕೀಯ ಕಾಲೇಜಿಗೆ ಗಾಯಾಳುಗಳನ್ನು ಸಾಗಿಸಿದ್ದಾರೆ. ಆದರೆ, ದುರಾದೃಷ್ಟವಶಾತ್ ಯಾರೂ ಕೂಡ ಬದುಕುಳಿದಿಲ್ಲ. ಮೃತರನ್ನು ಸನು ಕುಮಾರ್, ರವಿಕುಮಾರ್ ಹಾಗೂ ಸುಮನ್ ಕುಮಾರ್ ಎಂದು ಗುರುತಿಸಲಾಗಿದೆ.
