ಔರಂಗಾಬಾದ್(ಮಹಾರಾಷ್ಟ್ರ) : ವೃದ್ಧೆಯ ಮೊಮ್ಮಗ ತನ್ನ ಮಗಳನ್ನು ಅಪಹರಿಸಿದ್ದಾನೆ ಎಂದು ಆರೋಪಿಸಿ, ವೃದ್ಧೆಯನ್ನು ವಿವಸ್ತ್ರಗೊಳಿಸಿ ಥಳಿಸಿದ ಘಟನೆ ಔರಂಗಾಬಾದ್ನ ಗಂಗಾಪುರದಲ್ಲಿ ತಾಲೂಕಿನಲ್ಲಿ ನಡೆದಿದೆ. ಅಲ್ಲದೇ ಥಳಿಸುತ್ತಿರುವುದನ್ನು ಅದೇ ಆರೋಪಿಗಳು ವಿಡಿಯೋ ಕೂಡಾ ಮಾಡಿದ್ದು ಸಾಮಾಜಿಕ ತಾಣದಲ್ಲಿ ಇದೀಗ ಆ ವಿಡಿಯೋ ವೈರಲ್ ಆಗಿದೆ.
ಸಂತ್ರಸ್ತ ವೃದ್ಧೆ ತನ್ನ ಮೊಮ್ಮಗನೊಂದಿಗೆ ಔರಂಗಾಬಾದ್ನ ಗಂಗಾಪುರ ತಾಲೂಕಿನ ಗಂಗಾಪುರ ಫಾಟಾದ ಪಾರ್ಧಿ ಬಡಾವಣೆಯಲ್ಲಿ ವಾಸಿಸುತ್ತಿದ್ದರು. ಆರೋಪಿಯಾದ ಓಜರ್ ಗ್ರಾಮದ ವಿವೇಕ್ ಅಲಿಯಾಸ್ ಚವಲ್ಯ ಪಿಂಪಲ್ ಮತ್ತು ಆತನ ಸಹಚರರು ಏಕಾಏಕಿ ಇವರ ಮನೆಗೆ ದೌಡಾಯಿಸಿ, ನಿಮ್ಮ ಮಗ ನಮ್ಮ ಮಗಳೊಂದಿಗೆ ಓಡಿ ಹೋಗಿದ್ದಾನೆ ಎಂದು ಆರೋಪಿಸಿ, ವೃದ್ಧೆಯನ್ನು ಗಂಗಾಪುರ ಕವಲುದಾರಿಯಿಂದ ತನ್ನ ಮನೆಗೆ ಕರೆದುಕೊಂಡು ಹೋಗಿ ಹೀನಾಯವಾಗಿ ಥಳಿಸಿದ್ದಾರೆ.
ಈ ವೇಳೆ, ವೃದ್ಧೆ ಕೈಮುಗಿದು ಕರುಣೆಯಿಂದ ಯಾಚಿಸಿದರೂ ಸುಮ್ಮನಾಗದ ಆರೋಪಿಗಳು ಕಿಂಚಿತ್ತು ಮಾನವೀಯತೆ ಇಲ್ಲದೇ ಬಟ್ಟೆಗಳನ್ನು ಕಿತ್ತೆಸೆದಿದ್ದಾರೆ. ನಂತರ ವೃದ್ಧೆಗೆ ಮನಬಂದಂತೆ ಹಲ್ಲೆ ನಡೆಸಿ ಅದರ ವಿಡಿಯೋ ಕೂಡ ಮಾಡಿದ್ದಾರೆ. ಆ ವಿಡಿಯೋ ಸಾಮಾಜಿಕ ತಾಣದಲ್ಲಿ ಹರಿದಾಡುತ್ತಿದ್ದು, ಆರೋಪಿಗಳ ವಿರುದ್ಧ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸದ್ಯ ಈ ಪ್ರಕರಣ ಮೂವರು ಆರೋಪಿಗಳ ವಿರುದ್ಧ ಗಂಗಾಪುರ ಪೊಲೀಸ್ ಠಾಣೆಯಲ್ಲಿ ಭಾನುವಾರ ಮಧ್ಯರಾತ್ರಿ ಕೇಸು ದಾಖಲಾಗಿದೆ.
ಇದನ್ನೂ ಓದಿ:ಯುವತಿಯರ ಬಾಡಿ ಶೇಪ್ ನೋಡಿ ದರ ನಿಗದಿ..ವೇಶ್ಯಾವಾಟಿಕೆ ಜಾಲ ಭೇದಿಸಿ, ಒಬ್ಬನ ಬಂಧಿಸಿದ ಪೊಲೀಸರು
