ಟುಟಿಕೋರಿನ್(ತಮಿಳುನಾಡು): ಸರಕು ಲಾರಿಯೊಂದರಲ್ಲಿ ಮೂಟೆಗಳನ್ನು ಕಟ್ಟಿದ್ದ ಹಗ್ಗ ಸಡಿಲಗೊಂಡು ರಸ್ತೆಯಲ್ಲಿ ಹೋಗುತ್ತಿದ್ದ ಬೈಕ್ ಸವಾರನ ಕುತ್ತಿಗೆಗೆ ಉರುಳಾದ ಭಯಾನಕ ಘಟನೆ ತಮಿಳುನಾಡಿನ ಟುಟಿಕೋರಿನ್ನಲ್ಲಿ ನಡೆದಿದೆ. ಹಗ್ಗ ಸಡಿಲಗೊಂಡು ಕುತ್ತಿಗೆಗೆ ಸಿಲುಕುವ ದೃಶ್ಯಗಳು ಹತ್ತಿರದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿವೆ.
ರಸಗೊಬ್ಬರ ತುಂಬಿಕೊಂಡಿದ್ದ ಲಾರಿಯೊಂದು ಇಲ್ಲಿನ ಅರೆಲ್ ಪ್ರದೇಶಕ್ಕೆ ಬಂದಿತ್ತು. ಕರುಪ್ಪುಸಾಮಿ ಎಂಬಾತ ಲಾರಿ ಓಡಿಸುತ್ತಿದ್ದ. ಆದರೆ ಅರೆಲ್ ಬಜಾರ್ಗೆ ಬರುವ ಸಮಯದಲ್ಲಿ ಲಾರಿಯಲ್ಲಿದ್ದ ರಸಗೊಬ್ಬರದ ಒಂದೆರಡು ಚೀಲಗಳು ಕೆಳಗೆ ಬಿದ್ದಿವೆ. ಇದರಿಂದ ಸಡಿಲವಾದ ಹಗ್ಗ ಲಾರಿಯಿಂದ ಆಚೆ ಬಂದು ರಸ್ತೆಯಲ್ಲಿ ಹೋಗುತ್ತಿದ್ದ ಬೈಕ್ ಸವಾರ ಮುತ್ತು ಎಂಬಾತನ ಕುತ್ತಿಗೆಗೆ ಉರುಳು ಬಿದ್ದಿದೆ. ಹಗ್ಗದಿಂದ ಆತ ಎಳೆದು ಬಿಸಾಕಲ್ಪಟ್ಟಿದ್ದಾನೆ. ದುರ್ಘಟನೆಯಲ್ಲಿ ಮುತ್ತು ಗಾಯಗೊಂಡಿದ್ದಾನೆ.
ಸ್ಥಳದಲ್ಲಿದ್ದ ಜನತೆ ಕೂಡಲೇ ಮುತ್ತುವನ್ನು ಹತ್ತಿರದ ಟುಟಿಕೋರಿನ್ ಸರ್ಕಾರಿ ಆಸ್ಪತ್ರೆಗೆ ಸೇರಿಸಿದ್ದಾರೆ. ಈ ಬಗ್ಗೆ ಮಾಹಿತಿ ಪಡೆದ ಅರೆಲ್ ಪೊಲೀಸ್ ಇಲಾಖೆ ಘಟನೆಯ ತನಿಖೆ ನಡೆಸುತ್ತಿದೆ. ಈ ಘಟನೆಯ ಸಿಸಿಟಿವಿ ದೃಶ್ಯಾವಳಿಗಳನ್ನು ಸಹ ಪೊಲೀಸರು ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಒಂಟೆಗಳ ಕಾಲು, ಬಾಯಿಗೆ ಹಗ್ಗ ಕಟ್ಟಿ ಸಾಗಣೆ: ಚೇಸ್ ಮಾಡಿ ಹಿಡಿದ ಯಲ್ಲಾಪುರ ಪೊಲೀಸರು
