ಹೈದರಾಬಾದ್(ತೆಲಂಗಾಣ): ಜೂ.22ರಂದು ಮುಂಬೈ ವಿಮಾನ ನಿಲ್ದಾಣದಿಂದ ಬರುತ್ತಿದ್ದಾಗ ನಗರದ ಹೊರವಲಯದಲ್ಲಿ ಅಪಹರಣಕ್ಕೊಳಗಾಗಿದ್ದ ಜಗಿತ್ಯಾಲ ಜಿಲ್ಲೆ ಪೆಗಡಪಲ್ಲಿ ಮಂಡಲದ ನಂದಗಿರಿಯ ಮತ್ತಮಲ್ಲ ಶಂಕರಯ್ಯ ಇದುವರೆಗೂ ಪತ್ತೆಯಾಗಿಲ್ಲ. ಆದರೆ ಕಿಡ್ನಾಪ್ ಆಗಿರುವ ಶಂಕರಯ್ಯನ ಫೋಟೋ ಮಾತ್ರ ಈಗ ಎಲ್ಲೆಡೆ ವೈರಲ್ ಆಗ್ತಿದೆ.
ಕಿಡ್ನ್ಯಾಪ್ ಆಗಿರುವ ಶಂಕರಯ್ಯ ಅವರ ಕಾಲು, ಕೈಗಳನ್ನು ಕಟ್ಟಿ ಒತ್ತೆಯಾಳಾಗಿಟ್ಟುಕೊಂಡಿರುವ ಫೋಟೋವನ್ನು ಮಗ ಹರೀಶ್‌ಗೆ ವಾಟ್ಸ್ಆ್ಯಪ್ ನಲ್ಲಿ ಕಳುಹಿಸಿದ್ದಾರೆ. ಆ ನಂತರ ನೀವು 15 ಲಕ್ಷ ರೂ. ಕೊಟ್ಟರೆ ಮಾತ್ರ ನಿಮ್ಮ ತಂದೆಯನ್ನು ಬಿಡುತ್ತೇವೆ ಎಂದು ಹೇಳಿದ್ದಾರೆ. ಅಷ್ಟೇ ಅಲ್ಲ ಇಂಟರ್‌ನೆಟ್‌ ಫೋನ್ ಮೂಲಕ ಕರೆ ಮಾಡಿ ನೀವು ಎಲ್ಲಿಂದ ಹಣ ತರುತ್ತೀರಿ ಎಂದು ಹರೀಶ್‌ಗೆ ಕೇಳಿದ್ದಾರೆ.
ಓದಿ: ನನಗೆ ತಿನ್ನಲು ಬಿಸ್ಕತ್ತು, ಚಾಕೊಲೇಟ್, ನೀರು ಕೊಟ್ಟರು.. ಕಿಡ್ನ್ಯಾಪ್ ಬಗ್ಗೆ ಮಾಹಿತಿ ಬಿಚ್ಚಿಟ್ಟ ಬಾಲಕ!
ಈ ಘಟನೆಯ ನಂತರ ಸಂತ್ರಸ್ತೆಯ ಕುಟುಂಬಸ್ಥರು ಮತ್ತಷ್ಟು ಆತಂಕಕ್ಕೆ ಒಳಗಾಗಿದ್ದರು. ಕೃಷಿ ಕುಟುಂಬದವರಾಗಿದ್ದು, ನಾವು ಎಲ್ಲಿಂದ 15 ಲಕ್ಷ ರೂಪಾಯಿ ತರಲಾಗುತ್ತದೆ ಎಂದು ತಮ್ಮ ಅಳಲು ತೋಡಿಕೊಂಡರು. ಅಪಹರಣಕಾರರು ತನ್ನ ತಂದೆಯನ್ನು ಕೊಲೆ ಮಾಡುತ್ತಾರೆಂಬ ಭಯ ನನ್ನನ್ನು ಕಾಡುತ್ತಿದೆ ಎಂದು ಹರೀಶ್ ಆತಂಕ ವ್ಯಕ್ತಪಡಿಸಿದರು.
ಈ ಘಟನೆಗೆ ಸಂಬಂಧಿಸಿದಂತೆ ಮುಂಬೈನಲ್ಲಿ ಪ್ರಕರಣ ದಾಖಲಾಗಿದ್ದು, ಅಲ್ಲಿನ ಪೊಲೀಸರು ತಂಡವನ್ನು ನೇಮಿಸಿದ್ದರೂ ತನಿಖೆಯಲ್ಲಿ ಯಾವುದೇ ಪ್ರಗತಿಯಾಗಿಲ್ಲ ಎಂದು ತಿಳಿದು ಬಂದಿದೆ.
