ಶ್ರೀನಗರ(ಜಮ್ಮು ಕಾಶ್ಮೀರ): ಅಗ್ನಿ ಅವಘಡ ಸಂಭವಿಸಿ, ಎರಡು ಹೌಸ್ ಬೋಟ್ಗಳು ಸಂಪೂರ್ಣವಾಗಿ ನಾಶವಾಗಿರುವ ಘಟನೆ ಶ್ರೀನಗರದ ದಾಲ್ ಸರೋವರದಲ್ಲಿ ಸಂಭವಿಸಿದೆ. ಬುಧವಾರ ಮುಂಜಾನೆ ಅಗ್ನಿ ಅವಘಡ ನಡೆದಿದೆ.
ಬಷೀರ್ ಅಹ್ಮದ್ ಬದಿಯಾರಿ ಕುಟುಂಬ ವಾಸವಿದ್ದ 'ನ್ಯೂಜಿಲ್ಯಾಂಡ್' ಹಾಗೂ ಮುನೀರ್ ಅಹ್ಮದ್ ಎಂಬುವರಿಗೆ ಸೇರಿದ 'ಅಪೋಲೋ ಇಲೆವೆನ್' ಎಂಬ ಹೆಸರಿನ ಹೌಸ್ಬೋಟ್ಗಳು ಸಂಪೂರ್ಣ ಸುಟ್ಟು ಭಸ್ಮವಾಗಿವೆ.
ಹೌಸ್ಬೋಟ್ಗಳಿಗೆ ಬೆಂಕಿ
ಸ್ಥಳೀಯರು, ಪೊಲೀಸರು, ಸಿಆರ್ಪಿಎಫ್ ಸಿಬ್ಬಂದಿ ಬೆಂಕಿಯನ್ನು ನಂದಿಸಿದ್ದು, ಪ್ರತಿ ಹೌಸ್ಬೋಟ್ಗೆ ಸುಮಾರು 2.5 ಕೋಟಿ ರೂಪಾಯಿ ನಷ್ಟವಾಗಿರಬಹುದು ಎಂದು ಕಾಶ್ಮೀರ್ ಹೌಸ್ಬೋಟ್ ಅಸೋಸಿಯೇಷನ್ನ ವಕ್ತಾರ ಯಕೂಬ್ ದುನ್ನೋ ಮಾಹಿತಿ ನೀಡಿದ್ದಾರೆ.
ಹೌಸ್ಬೋಟ್ನ ಪುನರ್ ನಿರ್ಮಾಣಕ್ಕೆ ಸರ್ಕಾರ ಪರಿಹಾರ ನೀಡಬೇಕೆಂದು ಕಾಶ್ಮೀರ್ ಹೌಸ್ಬೋಟ್ ಅಸೋಸಿಯೇಷನ್ ಒತ್ತಾಯಿಸಿದೆ.
ಇದನ್ನೂ ಓದಿ: Uttarakhad Snowfall : ಗಂಗೋತ್ರಿ ಹೈವೇ ಬಂದ್, ಕಡಿಮೆ ತಾಪಮಾನಕ್ಕೆ ಒಡೆದ ಪೈಪ್ಲೈನ್
