ಮುಂಬೈ: ಕೋವಿಡ್ ನಡುವೆ ಸಂಕಷ್ಟದಲ್ಲಿರುವ ಜನರ ನೆರವಿಗೆ ಧಾವಿಸುವ ಮೂಲಕ ಜನಮನ ಗೆದ್ದಿರುವ ನಟ ಸೋನು ಸೂದ್, ತನ್ನ ಹೆಸರು ಬಳಸಿಕೊಂಡು ಹಣ ಮಾಡುವ ನಕಲಿ ಸಂಘ, ಸಂಸ್ಥೆಗಳ ಬಗ್ಗೆ ಎಚ್ಚರಿಕೆಯಿಂದ ಇರುವಂತೆ ತಿಳಿಸಿದ್ದಾರೆ.
ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿರುವ ಅವರು, ನನ್ನ ಹೆಸರು ಬಳಸಿಕೊಂಡು ಹಣ ಮಾಡುತ್ತಿರುವ ಕೆಲವೊಂದು ಸಂಘ ಸಂಸ್ಥೆಗಳಿವೆ. ಅವುಗಳಿಗೂ, ನನಗೂ ಯಾವುದೇ ಸಂಬಂಧವಿಲ್ಲ ಎಂದು ಹೇಳಿದ್ದಾರೆ.
-
🛑 WARNING 🛑 pic.twitter.com/ADnycHK0f2
— sonu sood (@SonuSood) May 17, 2021 " class="align-text-top noRightClick twitterSection" data="
">🛑 WARNING 🛑 pic.twitter.com/ADnycHK0f2
— sonu sood (@SonuSood) May 17, 2021🛑 WARNING 🛑 pic.twitter.com/ADnycHK0f2
— sonu sood (@SonuSood) May 17, 2021
'ಸೋನು ಸೂದ್ ಫೌಂಡೇಶನ್' ಎಂಬ ಹೆಸರಿನಲ್ಲಿರುವ ಸಂಸ್ಥೆಯೊಂದರ ಪೋಸ್ಟರ್ ಅನ್ನು ಸೂದ್ ಅವರು ಟ್ವೀಟ್ ಮಾಡಿದ್ದು, ಇದು ನಕಲಿ ಸಂಸ್ಥೆ ಎಂದು ಸ್ಪಷ್ಟಪಡಿಸಿದ್ದಾರೆ. ಈ ರೀತಿ ಯಾರಾದರು ದುಡ್ಡು ಕೇಳಿದರೆ ಹತ್ತಿರದ ಪೊಲೀಸ್ ಠಾಣೆಗೆ ದೂರು ನೀಡುವಂತೆಯೂ ಅವರು ತಿಳಿಸಿದ್ದಾರೆ.
ಕಳೆದ ಬಾರಿ ಕೋವಿಡ್ ಒಂದನೇ ಅಲೆಯ ಸಂದರ್ಭದಲ್ಲಿ ಸಾವಿರಾರು ವಲಸೆ ಕಾರ್ಮಿಕರಿಗೆ ತಮ್ಮ ಊರು ಸೇರಲು ಸೋನು ಸಹಾಯ ಮಾಡಿದ್ದರು. ಈ ಬಾರಿ ಕೋವಿಡ್ ಸೋಂಕಿತರಿಗೆ ಆಕ್ಸಿಜನ್, ಬೆಡ್, ಔಷಧಿಗಳನ್ನು ಒದಗಿಸುವ ಮೂಲಕ ಅವರು ಸಹಾಯಹಸ್ತ ಚಾಚಿದ್ದಾರೆ.