ನವದೆಹಲಿ: ಅಶ್ಲೀಲ ವಿಡಿಯೋ ನಿರ್ಮಿಸಲು ತಮ್ಮ ಕಂಪನಿ(ವಿಯಾನ್)ಯ ಹೂಡಿಕೆದಾರರ ಹಣವನ್ನು ಬಳಸಿದ ಆರೋಪಕ್ಕೆ ಸಂಬಂಧಿಸಿದಂತೆ ನಟಿ ಶಿಲ್ಪಾ ಶೆಟ್ಟಿ ಮತ್ತು ರಾಜ್ ಕುಂದ್ರಾ ವಿರುದ್ಧ ಕ್ರಮ ಕೈಗೊಂಡ ವರದಿಯನ್ನು ಸಲ್ಲಿಸುವಂತೆ ದೆಹಲಿ ಪೊಲೀಸರಿಗೆ ರೋಹಿಣಿ ಕೋರ್ಟ್ ಸೂಚಿಸಿದೆ.
ಶಿಲ್ಪಾಶೆಟ್ಟಿ ದಂಪತಿ ಮೇಲೆ ಕೈಗೊಂಡಿರುವ ಕ್ರಮಗಳ ವರದಿಯನ್ನು ಕೋರ್ಟ್ಗೆ ಸಲ್ಲಿಸಬೇಕು ಎಂದು ಮೆಟ್ರೋಪಾಲಿಟನ್ ಮ್ಯಾಜಿಸ್ಟ್ರೇಟ್ನ ನ್ಯಾಯಮೂರ್ತಿ ಮಾನ್ಸಿ ಮಲಿಕ್ ದೆಹಲಿ ಪೊಲೀಸರಿಗೆ ಸೂಚಿಸಿದ್ದಾರೆ. ಅಲ್ಲದೇ, ನವೆಂಬರ್ 9 ಕ್ಕೆ ವಿಚಾರಣೆ ಮುಂದೂಡಿ ಆದೇಶ ಹೊರಡಿಸಿದ್ದಾರೆ.
ಆರ್ಟೆಕ್ ಬಿಲ್ಡರ್ಸ್ ಪಾಲುದಾರ ವಿಶಾಲ್ ಗೋಯಲ್, ಈ ಅರ್ಜಿಯನ್ನು ಸಲ್ಲಿಸಿದ್ದಾರೆ. ದಂಪತಿ, ವಿಯಾನ್ ಇಂಡಸ್ಟ್ರೀಸ್ಗೆ ಹಣ ಹೂಡಿಕೆ ಮಾಡಲು ಕೇಳಿಕೊಂಡ ಹಿನ್ನೆಲೆ ನಾನು 41 ಲಕ್ಷ ರೂಪಾಯಿ ಹೂಡಿಕೆ ಮಾಡಿದ್ದೇನೆ. ಇಲ್ಲಿ, ಅನಿಮೇಷನ್, ಗೇಮಿಂಗ್, ಪರವಾನಗಿ, ತಂತ್ರಜ್ಞಾನ ಮತ್ತು ಸೌಂದರ್ಯ ಉತ್ಪನ್ನಗಳನ್ನು ತಯಾರಿಸಲಾಗುತ್ತದೆ.
ಇದನ್ನೂ ಓದಿ: ಬಾಲಕಿ ಆತ್ಮಹತ್ಯೆ ಪ್ರಕರಣ: ಮಂಡ್ಯದಲ್ಲಿ ರೌಡಿಶೀಟರ್ ಸೇರಿ ಮೂವರ ಬಂಧನ
ಆದರೆ, ನಾನು ಹೂಡಿದ ಹಣವನ್ನು ಅಶ್ಲೀಲ ಚಿತ್ರ ನಿರ್ಮಾಣಕ್ಕೆ ಬಳಸಿಕೊಳ್ಳಲಾಗಿದೆ ಎಂದು ಅರ್ಜಿದಾರರು ಆರೋಪಿಸಿದ್ದಾರೆ. ಅಲ್ಲದೆ, ಶಿಲ್ಪಾಶೆಟ್ಟಿ, ರಾಜ್ ಕುಂದ್ರಾ ವಿರುದ್ಧ ಫೋರ್ಜರಿ ಮತ್ತು ಕ್ರಿಮಿನಲ್ ಪಿತೂರಿ ಆರೋಪ ಹೊರಿಸಿರುವ ಗೋಯಲ್, ಎಫ್ಐಆರ್ ದಾಖಲಿಸಲು ಆದೇಶಿಸುವಂತೆ ಕೋರಿದ್ದಾರೆ.
