ನವದೆಹಲಿ: ಪೆಟ್ರೋಲ್-ಡೀಸೆಲ್ ಬೆಲೆಗಳು ಮುಗಿಲು ಮುಟ್ಟುತ್ತಿವೆ. ಇಂಧನ ಬೆಲೆಯಲ್ಲಿ ವಿಪರೀತ ಏರಿಕೆಯಾಗುತ್ತಿರುವ ಕಾರಣ ಗ್ರಾಹಕರು ಈಗ ಸಿಎನ್‌ಜಿ (CNG) ವಾಹನಗಳತ್ತ ಚಿತ್ತ ಹೊರಳಿಸಿದ್ದಾರೆ.
ತೈಲ ಬೆಲೆ ಗಗನಮುಖಿಯಾಗುತ್ತಿದ್ದು ಸಿಎನ್‌ಜಿಯ (Compressed natural gas) ಕ್ರೇಜ್ ಗ್ರಾಹಕರಲ್ಲಿ ಹೆಚ್ಚುತ್ತಿದೆ. ಹಾಗಾಗಿ ಸಿಎನ್‌ಜಿ ವಾಹನಗಳಿಗೆ ಬೇಡಿಕೆಯೂ ಜಾಸ್ತಿಯಾಗುತ್ತಿದೆ. ಪ್ರಮುಖವಾಗಿ ನಗರಗಳಿಗೆ ಈ ವಾಹನಗಳು ಲಗ್ಗೆಇಡುತ್ತಿವೆ ಎಂದು ಮೋತಿಲಾಲ್ ಓಸ್ವಾಲ್ ಹಣಕಾಸು ಸೇವೆಗಳು (MOFSL) ತಿಳಿಸಿದೆ.
MOFSL ಪ್ರಕಾರ, ಜೂನ್ 2021 ರ ಮಧ್ಯಭಾಗದಿಂದ ಆಂದ್ರೆ ಎರಡನೇ ಕೋವಿಡ್‌ ಅನ್ಲಾಕ್ ಬಳಿಕ ವಾಣಿಜ್ಯ ವಾಹನಗಳ ಮಾರಾಟದಲ್ಲಿ ಬೆಳವಣಿಗೆ ಕಾಣುತ್ತಿದೆ. ದ್ವಿಚಕ್ರ ವಾಹನಗಳಿಗೂ ಸಹ ಬೇಡಿಕೆ ಇದ್ದು, ನಿಧಾನವಾಗಿ ಉದ್ಯಮ ಚೇತರಿಸಿಕೊಳ್ಳುತ್ತಿದೆ. ತೈಲದರ ಏರಿಕೆಯೇ ಸಂಕುಚಿತ ನೈಸರ್ಗಿಕ ಅನಿಲ ವಾಹನಗಳಿಗೆ ಇತ್ತೀಚಿನ ದಿನಗಳಲ್ಲಿ ಬೇಡಿಕೆ ಹೆಚ್ಚಾಗಲು ಪ್ರಮುಖ ಕಾರಣವಾಗಿದೆ.
