ಸರಕು ಸಾಗಣೆಯಲ್ಲಿ ವ್ಯತ್ಯಯ: ರಿಲಯನ್ಸ್​ನ ತೈಲ ಸಂಸ್ಕರಣಾ ಘಟಕ ದಿಢೀರ್​ ಬಂದ್!

ಸರಕು ಸಾಗಣೆಯಲ್ಲಿ ಸಮಸ್ಯೆ ಎದುರಾದ ಹಿನ್ನೆಲೆ ರಿಲಯನ್ಸ್ ಸಂಸ್ಥೆಯು ಜುಮ್ನಾಘರ್​​​​ನಲ್ಲಿ ಎರಡು ತೈಲ ಸಂಸ್ಕರಣಾಗಾರಗಳಲ್ಲಿ ಒಂದನ್ನು ಬಂದ್ ಮಾಡುವುದಾಗಿ ತಿಳಿಸಿದೆ.

ನವದೆಹಲಿ: ಸರಕು ಸಾಗಣೆಯಲ್ಲಿ ವಿಳಂಬವಾಗುತ್ತಿರುವ ಹಿನ್ನೆಲೆ ರಿಲಯನ್ಸ್ ಆಯಿಲ್​ ಗುಜರಾತ್​ನ ಜಮ್ನಾಘರ್​​ನಲ್ಲಿರುವ ತೈಲ ಸಂಸ್ಕರಣಾ ಘಟಕವನ್ನು ತಾತ್ಕಾಲಿಕವಾಗಿ ಮುಚ್ಚಲು ನಿರ್ಧರಿಸಿದೆ. ಸರಕುಗಳು ಸರಿಯಾದ ಸಮಯಕ್ಕೆ ತಲುಪದೆ ಸಮಸ್ಯೆಯಾಗುತ್ತಿರುವುದರಿಂದ ಇಲ್ಲಿನ 2ನೇ ತೈಲ ಸಂಸ್ಕರಣ ಘಟಕವನ್ನು ಮುಚ್ಚಲಾಗುವುದು ಎಂದು ಕಂಪನಿ ತಿಳಿಸಿದೆ.

ಜಮ್ನಾಘರ್​​ನಲ್ಲಿರುವ ಫ್ಲೂಯಿಲೈಜಡ್ ಕ್ಯಾಟಲಿಕ್ ಕ್ರ್ಯಾಕರ್ ಯುನಿಟ್ (ಎಫ್​ಸಿಸಿಯು) ಸೇವೆಯನ್ನ ತುರ್ತಾಗಿ ಬಂದ್ ಮಾಡುತ್ತಿರುವುದಾಗಿ ಸಂಸ್ಥೆ ಹೇಳಿದೆ.

ರಿಲಯನ್ಸ್ ಸಂಸ್ಥೆಯು ಜುಮ್ನಾಘರ್​​​​​ನಲ್ಲಿ ಎರಡು ತೈಲ ಸಂಸ್ಕರಣಾಗಾರಗಳನ್ನು ಹೊಂದಿದ್ದು, ಅದು ಕಚ್ಚಾ ತೈಲವನ್ನು ಪೆಟ್ರೋಲ್ ಮತ್ತು ಡೀಸೆಲ್ ಆಗಿ ಪರಿವರ್ತಿಸುವ ಕಾರ್ಯ ಮಾಡುತ್ತಿವೆ. ಒಂದು ಘಟಕದಲ್ಲಿ 35.2 ಮಿಲಿಯನ್ ಟನ್​ ಅಷ್ಟು ತೈಲ ರಫ್ತಾದರೆ, 33 ಮಿಲಿಯನ್ ತೈಲ ದೇಶೀಯ ಬಳಕೆಗೆ ಲಭ್ಯವಾಗುತ್ತಿದೆ.

ಓದಿ: ಯೆಸ್ ಬ್ಯಾಂಕ್‌ ವಂಚನೆ ಪ್ರಕರಣ: ಗೌತಮ್ ಥಾಪರ್ ವಿರುದ್ಧ ಪ್ರಕರಣ ದಾಖಲಿಸಿದ ಸಿಬಿಐ!