ರಣತಂಬೋರ್(ರಾಜಸ್ಥಾನ): ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ನಾಳೆ 50ನೇ ವಸಂತಕ್ಕೆ ಕಾಲಿಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ರಾಜಕೀಯ ಜಂಜಾಟದಿಂದ ದೂರು ಉಳಿದು ಕುಟುಂಬದೊಂದಿಗೆ ಖುಷಿಯಿಂದಿರಲು ಅವರು ನಿರ್ಧರಿಸಿದ್ದಾರೆ. ಅದೇ ಕಾರಣಕ್ಕಾಗಿ ಇದೀಗ ರಾಜಸ್ಥಾನಕ್ಕೆ ತೆರಳಿದ್ದಾರೆ.
ರಾಜಸ್ಥಾನದ ರಣತಂಬೋರ್ ಹುಲಿ ಸಂರಕ್ಷಿತ ರಾಷ್ಟ್ರೀಯ ಪಾರ್ಕ್ಗೆ ತೆರಳಿರುವ ಪ್ರಿಯಾಂಕಾ ಗಾಂಧಿ ವಾದ್ರಾ ಜೊತೆ ಪತಿ ರಾಬರ್ಟ್ ವಾದ್ರಾ ಹಾಗೂ ಇಬ್ಬರು ಮಕ್ಕಳಿದ್ದಾರೆ.
ಕಳೆದ ವರ್ಷ ನವೆಂಬರ್ ತಿಂಗಳಲ್ಲಿ ರಾಜಸ್ಥಾನಕ್ಕೆ ತೆರಳಿದ್ದ ಪ್ರಿಯಾಂಕಾ ವಾದ್ರಾ ಕುಟುಂಬ ಇಲ್ಲಿನ ಶೇರ್ ಬಾಗ್ ಹೋಟೆಲ್ನಲ್ಲಿ ಉಳಿದುಕೊಂಡಿತ್ತು. ಈಗಲೂ ಅದೇ ಹೋಟೆಲ್ನಲ್ಲಿ ತಂಗಲು ನಿರ್ಧರಿಸಿದ್ದಾರೆ. ಬೆಂಗಾವಲು ವಾಹನಗಳೊಂದಿಗೆ ರಣತಂಬೋರ್ಗೆ ತೆರಳಿರುವ ಕುಟುಂಬ ನಾಳೆ ಹುಟ್ಟುಹಬ್ಬದ ಸಂಭ್ರಮಾಚರಣೆ ಮಾಡಲಿದೆ.
ಪ್ರಿಯಾಂಕಾ ಆಗಾಗ್ಗೆ ರಣತಂಬೋರ್ಗೆ ಭೇಟಿ ನೀಡುತ್ತಿದ್ದು, ಹುಲಿಗಳ ಫೋಟೋ ಸೆರೆ ಹಿಡಿಯುವುದೆಂದರೆ ಅವರಿಗೆ ಬಲು ಇಷ್ಟವಂತೆ.
ಇದನ್ನೂ ಓದಿ: ದೆಹಲಿಯಲ್ಲಿ ಲಾಕ್ಡೌನ್ ಮಾಡಲ್ಲ; ಸೋಂಕಿತರಿಗೆ ಆನ್‌ಲೈನ್‌ ಯೋಗ ತರಗತಿ: ಸಿಎಂ ಕೇಜ್ರಿವಾಲ್‌
ಉತ್ತರ ಪ್ರದೇಶ ವಿಧಾನಸಭೆಗೆ ಈಗಾಗಲೇ ಚುನಾವಣೆ ಘೋಷಣೆಯಾಗಿದ್ದು 403 ಕ್ಷೇತ್ರಗಳಿಗೆ 7 ಹಂತಗಳಲ್ಲಿ ಮತದಾನ ನಡೆಯಲಿದೆ. ಕಾಂಗ್ರೆಸ್ ಗೆಲ್ಲಿಸುವ ಜವಾಬ್ದಾರಿ ಪ್ರಿಯಾಂಕಾ ಹೆಗಲ ಮೇಲಿದೆ.
