ಮದುವೆಯ ಸಂಭ್ರಮಕ್ಕೆ ರಾಯಲ್ ಟಚ್​ ನೀಡುವ ವಿಂಟೇಜ್ ಕಾರುಗಳು

ವಿಂಟೇಜ್ ಕಾರುಗಳು ವಿಶೇಷವಾಗಿ ವಿವಾಹದ ಸಂದರ್ಭಗಳಲ್ಲಿ ಐಷಾರಾಮಿ ಸೊಬಗನ್ನು ನೀಡುವುದರಿಂದ ಜನ ಬಿಹಾರದ ಪಾಟ್ನಾ ಜನರು ಈ ಕಾರುಗಳನ್ನೇ ಹೆಚ್ಚಾಗಿ ಬಳಸುತ್ತಿದ್ದಾರೆ.

ಪಾಟ್ನಾ (ಬಿಹಾರ): ಉತ್ತರ ಭಾರತದಲ್ಲಿ ವಿವಾಹಗಳನ್ನು ಅದ್ಧೂರಿಯಾಗಿ ಆಚರಿಸಲಾಗುತ್ತದೆ. ಅದರಲ್ಲಿಯೂ ವಿಶೇಷವಾಗಿ ಮದುವೆಯ ಸಂಭ್ರಮಕ್ಕೆ ಮತ್ತಷ್ಟು ರಾಯಲ್​ ಲುಕ್ ನೀಡುವ ಉದ್ದೇಶದಿಂದ ವೆಡ್ಡಿಂಗ್ ವಿಂಟೇಜ್ ಕಾರನ್ನು ಬಳಸುವುದು ಇದೀಗ ಚಾಲ್ತಿಗೆ ಬಂದಿದೆ.

ವಿಂಟೇಜ್ ಕಾರುಗಳು ವಿಶೇಷವಾಗಿ ವಿವಾಹದ ಸಂದರ್ಭಗಳಲ್ಲಿ ಐಷಾರಾಮಿ ಸೊಬಗನ್ನು ನೀಡುತ್ತವೆ. ಹೀಗಾಗಿ ಜನ ಇದನ್ನೇ ಹೆಚ್ಚಾಗಿ ಉಪಯೋಗಿಸುತ್ತಿದ್ದಾರೆ.

ಈ ಬಗ್ಗೆ ರಾಯಲ್ ರೈಡ್ಸ್ ಸದಸ್ಯ ಕರುಣೇಶ್ ಕುಮಾರ್ ಮಾತನಾಡಿದ್ದು, 1963 ರ ಮರ್ಸಿಡಿಸ್-ಬೆನ್ಜ್ ಕಾರ್​ಗೆ ದಿನಕ್ಕೆ 45 ಸಾವಿರ ರೂ.ಗೆ ಬಾಡಿಗೆ ಇದೆ. ವಿಂಟೇಜ್ ಕಾರನ್ನು ಹಿಮಾಚಲ ಪ್ರದೇಶದ ನೂರ್‌ಪುರದಿಂದ ತರಲಾಗಿದೆ. ಇದೀಗ ಪಾಟ್ನಾದ ಜನರಿಗೆ ಮಾತ್ರ ಈ ಕಾರು ಲಭ್ಯವಿದ್ದು, 35 ಸಾವಿರದಿಂದ 45 ಸಾವಿರದವರೆಗೆ ಬಾಡಿಗೆ ಇದೆ. ಈ ಕಾರುಗಳು ಮದುವೆಮನೆಗೆ ರಾಜಮನೆತನದ ಸೊಬಗನ್ನು ನೀಡುವುದರಿಂದ ಜನ ಇವುಗಳನ್ನೇ ತರಿಸಿಕೊಳ್ಳುತ್ತಿದ್ದಾರೆ ಎಂದು ಮಾಹಿತಿ ಹಂಚಿಕೊಂಡಿದ್ದಾರೆ.

ಓದಿ: ಪೊಲೀಸ್ ಭದ್ರತೆಯಲ್ಲಿ ಕುದುರೆ ಮೇಲೆ ಕುಳಿತು ಮೆರವಣಿಗೆಯಲ್ಲಿ ಬಂದ ದಲಿತ ವರ!