ಬಹು-ಏಜೆನ್ಸಿ ಸಮರಾಭ್ಯಾಸ 'ಸಾಗರ ಶಕ್ತಿ' ಮುಕ್ತಾಯ

ಭಾರತೀಯ ಸೇನೆ, ಭಾರತೀಯ ನೌಕಾಪಡೆ, ಭಾರತೀಯ ವಾಯುಪಡೆ, ಭಾರತೀಯ ಕೋಸ್ಟ್ ಗಾರ್ಡ್, ಗಡಿ ಭದ್ರತಾ ಪಡೆ ಕಚ್ ಪರ್ಯಾಯ ದ್ವೀಪದ ಕ್ರೀಕ್ ಸೆಕ್ಟರ್‌ನಲ್ಲಿ ನಡೆದ ಅಭ್ಯಾಸದಲ್ಲಿ ಭಗವಹಿಸಿದ್ದವು

ಅಹಮದಾಬಾದ್: ಸಶಸ್ತ್ರ ಪಡೆಗಳು ಮತ್ತು ಇತರ ಭದ್ರತಾ ಸಂಸ್ಥೆಗಳ ನಾಲ್ಕು ದಿನಗಳ ಬಹು-ಏಜೆನ್ಸಿ(multi-agency exercise) ಸಮರಾಭ್ಯಾಸ ಮುಕ್ತಾಯಗೊಂಡಿದೆ.

ಭಾರತೀಯ ಸೇನೆ, ಭಾರತೀಯ ನೌಕಾಪಡೆ, ಭಾರತೀಯ ವಾಯುಪಡೆ, ಭಾರತೀಯ ಕೋಸ್ಟ್ ಗಾರ್ಡ್, ಗಡಿ ಭದ್ರತಾ ಪಡೆ ಗುಜರಾತ್‌ನ ಕಚ್ ಪರ್ಯಾಯ ದ್ವೀಪದ ಕ್ರೀಕ್ ಸೆಕ್ಟರ್‌ನಲ್ಲಿ ( creek sector of Kutch peninsula in Gujarat ) ನಡೆದ ಸಮರಾಭ್ಯಾಸದಲ್ಲಿ ಭಾಗವಹಿಸಿದ್ದವು ಎಂದು ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ರಾಜಸ್ಥಾನ ಮತ್ತು ಗುಜರಾತ್‌ನ ತರಬೇತಿ ಪ್ರದೇಶಗಳಲ್ಲಿ ನಡೆಯುತ್ತಿರುವ 'ದಕ್ಷಿಣ ಶಕ್ತಿ'ವ್ಯಾಯಾಮದ ಭಾಗವಾಗಿ'ಸಾಗರ ಶಕ್ತಿ' (Sagar Shakti) ಎಂಬ ಬಹು-ಏಜೆನ್ಸಿ ಕುಶಲತೆಯನ್ನು ನವೆಂಬರ್ 19 ಮತ್ತು 22 ರ ನಡುವೆ ಆಯೋಜಿಸಲಾಗಿತ್ತು ಎಂದು ಪ್ರಕಟಣೆಯಲ್ಲಿ ಉಲ್ಲೇಖ ಮಾಡಲಾಗಿದೆ. ಸಾಗರ ಪೊಲೀಸ್ ಮತ್ತು ಮೀನುಗಾರಿಕೆ ಇಲಾಖೆ ಸೇರಿದಂತೆ ಗುಜರಾತ್ ಏಜೆನ್ಸಿಗಳು ಈ ವ್ಯಾಯಾಮದಲ್ಲಿ ಭಾಗವಹಿಸಿದ್ದವು.

ಈ ಸಮರಾಬ್ಯಾಸದಲ್ಲಿ ಇತ್ತೀಚಿನ ತಂತ್ರಜ್ಞಾನವನ್ನು ಒಳಗೊಂಡಿರುವ ಸಮಗ್ರ ಸಮನ್ವಯವನ್ನು ಅಭ್ಯಾಸ ಮಾಡಿದರು. ಪ್ರತಿಕ್ರಿಯೆ ಕಾರ್ಯವಿಧಾನ, ನೈಜ ಸಮಯದ ಸಂವಹನ ಮತ್ತು ಉದಯೋನ್ಮುಖ ಬಹು ಆಯಾಮದ ಬೆದರಿಕೆಗಳನ್ನು ಜಯಿಸಲು ಕಾರ್ಯಾಚರಣೆಯ ಡೇಟಾವನ್ನು ಹಂಚಿಕೊಳ್ಳುವುದು ಸೇರಿದಂತೆ ಇತರೆ ಅಭ್ಯಾಸಗಳನ್ನು ಮಾಡಲಾಗಿದೆ.