ಕೇರಳದ ಕಿರಿಯ ಮೇಯರ್​ಗೆ ಕರೆ ಮಾಡಿ ಶುಭ ಕೋರಿದ ನಟ ಮೋಹನ್​ ಲಾಲ್

ಆರ್ಯ ರಾಜೇಂದ್ರನ್​ ಕಾಲೇಜು ವಿದ್ಯಾರ್ಥಿನಿ. ಈಗ ಈಕೆಯ ಹೆಸರು ದೇಶವ್ಯಾಪಿ ಪಸರಿಸಿದೆ. ಅತಿ ಸಣ್ಣ ವಯಸ್ಸಿನಲ್ಲಿಯೇ ಈ ಯುವತಿ ಕೇರಳ ರಾಜಧಾನಿ ತಿರುವನಂತಪುರಂನ ಮೇಯರ್ ಪಟ್ಟ ಅಲಂಕರಿಸಿರುವುದು ಇದಕ್ಕೆ ಕಾರಣ. ತನ್ನೂರಿನ ಕಿರಿಯ ಮೇಯರ್​ಗೆ ಕೇರಳದ ಜನಪ್ರಿಯ ನಟ ಮೋಹನ್​ ಲಾಲ್ ಕರೆ ಮಾಡಿ ಶುಭ ಕೋರಿದರು.

ತಿರುವನಂತಪುರಂ (ಕೇರಳ): ಮಲಯಾಳಂನ ಸೂಪರ್​ಸ್ಟಾರ್​ ಮೋಹನ್ ಲಾಲ್ ಅವರು ತಮ್ಮ ಊರಿನಿಂದ ನೇಮಕಗೊಂಡ ರಾಜ್ಯದ ಅತಿ ಕಿರಿಯ ಮೇಯರ್ ಆರ್ಯ ರಾಜೇಂದ್ರನ್ ಅವರಿಗೆ ಕರೆ ಮಾಡಿ ಶುಭ ಹಾರೈಸಿದ್ದಾರೆ.

ಆರ್ಯ ತನ್ನ ನಾಯಕತ್ವದಲ್ಲಿ ತಿರುವನಂತಪುರಂ ನಗರವನ್ನು ಉತ್ತಮ ಮತ್ತು ಸುಂದರವಾಗಿಸಬೇಕು. ಮುಂದಿನ ಬಾರಿ ಅವರು ತಿರುವನಂತಪುರಂಗೆ ಬಂದಾಗ ಆಕೆಯನ್ನು ಭೇಟಿಯಾಗುವುದಾಗಿ ಮೋಹನ್‌ಲಾಲ್ ತಿಳಿಸಿದ್ದಾರೆ.

ಓದಿ: 21 ವರ್ಷದ ಯುವತಿ ಆರ್ಯ ರಾಜೇಂದ್ರನ್ ತಿರುವನಂತಪುರಂ ಮೇಯರ್​ ಆಗಿ ಆಯ್ಕೆ!

ಕಾಲೇಜು ವಿದ್ಯಾರ್ಥಿನಿಯಾಗಿರುವ ಆರ್ಯ ರಾಜೇಂದ್ರನ್​ ಇತ್ತೀಚೆಗೆ ನಡೆದ ಸ್ಥಳೀಯ ಸಂಸ್ಥೆ ಚುನಾವಣೆಯಲ್ಲಿ ಆಡಳಿತಾರೂಢ ಎಲ್​ಡಿಎಫ್​ನಿಂದ ಸ್ಪರ್ಧಿಸಿ 549 ಮತಗಳ ಅಂತರದಿಂದ ಜಯಶಾಲಿಯಾಗಿದ್ದರು. ಪ್ರಸ್ತುತ ಇವರು ತಿರುವನಂತಪುರಂನ ಆಲ್‌ ಸೇಂಟ್ಸ್ ಕಾಲೇಜಿನಲ್ಲಿ ಎರಡನೇ ವರ್ಷದ ಬಿಎಸ್ಸಿ ವ್ಯಾಸಂಗ ಮಾಡುತ್ತಿದ್ದಾರೆ.