ಮುಂಬೈ(ಮಹಾರಾಷ್ಟ್ರ): ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಹೆಸರಿನ ದೇಶದ ಅತಿದೊಡ್ಡ ಸಮುದ್ರ ಸೇತುವೆಯನ್ನು (ಅಟಲ್ ಬಿಹಾರಿ ವಾಜಪೇಯಿ ಸೇವ್ರಿ-ನವ ಶೇವಾ ಅಟಲ್ ಸೇತು) ಇಂದು ಪ್ರಧಾನಿ ನರೇಂದ್ರ ಮೋದಿ ದೇಶಕ್ಕೆ ಸಮರ್ಪಿಸಲಿದ್ದಾರೆ.
ಡಿಸೆಂಬರ್ 2016ರಲ್ಲಿ 'ಅಟಲ್ ಸೇತು' ಎಂದು ಹೆಸರಿಸಲಾಗಿರುವ ಮುಂಬೈ ಟ್ರಾನ್ಸ್-ಹಾರ್ಬರ್ ಲಿಂಕ್ ಯೋಜನೆಗೆ ಮೋದಿ ಶಂಕುಸ್ಥಾಪನೆ ನೆರವೇರಿಸಿದ್ದರು. ಇದೀಗ ಅವರು ಮಹಾರಾಷ್ಟ್ರ ರಾಜ್ಯಪಾಲ ರಮೇಶ್ ಬಯಾಸ್, ಮುಖ್ಯಮಂತ್ರಿ ಏಕನಾಥ್ ಶಿಂಧೆ ಮತ್ತು ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಸಮ್ಮುಖದಲ್ಲಿ ಸೇತುವೆಯನ್ನು ಉದ್ಘಾಟಿಸಲಿದ್ದಾರೆ.
'ಅಟಲ್ ಸೇತು' ಕುರಿತು..: ಮುಂಬೈ ಮೆಟ್ರೋಪಾಲಿಟನ್ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರಕ್ಕೆ (MMRDA) 2017ರಲ್ಲಿ ಮಹಾರಾಷ್ಟ್ರ ಸರ್ಕಾರವು ಸೇತುವೆ ನಿರ್ಮಾಣದ ಜವಾಬ್ದಾರಿ ನೀಡಿತ್ತು. ಜಪಾನ್ ಇಂಟರ್ನ್ಯಾಷನಲ್ ಕೋಆಪರೇಷನ್ ಏಜೆನ್ಸಿ (JICA) ಯೋಜನೆಯ ಪ್ರಗತಿಗೆ ಅನುಕೂಲವಾಗುವಂತೆ ಸುಮಾರು 18,000 ಕೋಟಿ ರೂಪಾಯಿಗಳ ಅಧಿಕೃತ ಅಭಿವೃದ್ಧಿ ಸಾಲ ಒದಗಿಸಿದೆ.
-
वाहतूकीच्या पायाभूत क्षेत्राचा कायापालट करणारा प्रकल्प अशी ओळख असलेल्या ‘अटल बिहारी वाजपेयी शिवडी- न्हावा शेवा अटल सेतू’ चे रात्रीच्या वेळचे हे मनोहारी दृश्य…#MTHLInauguration#MumbaiConnects#BridgeOfProgress#MTHL pic.twitter.com/PCClE4JXNg
— CMO Maharashtra (@CMOMaharashtra) January 11, 2024 " class="align-text-top noRightClick twitterSection" data="
">वाहतूकीच्या पायाभूत क्षेत्राचा कायापालट करणारा प्रकल्प अशी ओळख असलेल्या ‘अटल बिहारी वाजपेयी शिवडी- न्हावा शेवा अटल सेतू’ चे रात्रीच्या वेळचे हे मनोहारी दृश्य…#MTHLInauguration#MumbaiConnects#BridgeOfProgress#MTHL pic.twitter.com/PCClE4JXNg
— CMO Maharashtra (@CMOMaharashtra) January 11, 2024वाहतूकीच्या पायाभूत क्षेत्राचा कायापालट करणारा प्रकल्प अशी ओळख असलेल्या ‘अटल बिहारी वाजपेयी शिवडी- न्हावा शेवा अटल सेतू’ चे रात्रीच्या वेळचे हे मनोहारी दृश्य…#MTHLInauguration#MumbaiConnects#BridgeOfProgress#MTHL pic.twitter.com/PCClE4JXNg
— CMO Maharashtra (@CMOMaharashtra) January 11, 2024
ಮುಂಬೈ ಮತ್ತು ನವಿ ಮುಂಬೈ ನಡುವೆ (21.8 ಕಿ.ಮೀ) ಅಟಲ್ ಸೇತು ನಿರ್ಮಿಸಲಾಗಿದೆ. ಇದು ಜಾಗತಿಕವಾಗಿ 12ನೇ ಅತಿ ಉದ್ದದ ಸಮುದ್ರ ಸೇತುವೆ ಮತ್ತು ರಾಷ್ಟ್ರದ ಅತಿ ಉದ್ದದ ಸೇತುವೆಯಾಗಿದೆ. ಅಟಲ್ ಸೇತುವನ್ನು ಭೂಮಿಯ ಮೇಲೆ 5.5 ಕಿ.ಮೀ.ವರೆಗೆ ನಿರ್ಮಿಸಿದ್ದರೆ, ಸುಮಾರು 16.5 ಕಿ.ಮೀ. ದೂರ ಸಮುದ್ರದ ಮೇಲೆಯೇ ನಿರ್ಮಿಸಲಾಗಿದೆ. ಸೇತುವೆಯ ಪ್ರತಿ ಬದಿಯಲ್ಲಿ ಮೂರು ಪಥಗಳಿವೆ.
ಈ ಮೊದಲು ಡಿಸೆಂಬರ್ 25, 2023ರಂದು ಉದ್ಘಾಟಿಸಿ ಸಾರ್ವಜನಿಕ ಸೇವೆಗೆ ನೀಡಲು ನಿರ್ಧರಿಸಲಾಗಿತ್ತು. ಆದರೆ ವಿದ್ಯುದ್ದೀಕರಣ, ಕಂಬಗಳ ನಿರ್ಮಾಣ ಮತ್ತು ಟೋಲ್ ಬೂತ್‌ಗಳಂತಹ ಕೊನೆಯ ಕ್ಷಣದ ಹಲವು ಕೆಲಸಗಳು ಉದ್ಘಾಟನೆಯನ್ನು ಜನವರಿವರೆಗೆ ಮುಂದೂಡಿವೆ. ಸೇತುವೆ ನಿರ್ಮಾಣಕ್ಕೆ ಸುಮಾರು 17,843 ಕೋಟಿ ರೂಪಾಯಿ ವೆಚ್ಚವಾಗಿದೆ.
